Արթուր Գալեյանը, Ազգուշ Մարտիրոսյանը փաստաբանի հետ ինքնակամ ներկայացան ՔԿ

© Sputnik / Aram NersesyanՓաստաբան Վահան Հովհաննիսյան
Փաստաբան Վահան Հովհաննիսյան - Sputnik Արմենիա, 1920, 18.05.2022
Փաստաբան Վահան Հովհաննիսյան
Բաժանորդագրվեք
НовостиTelegram
Պաշտպանը նշեց, որ Գարիկ Գալեյանը ձերբակալվել է քննիչի որոշման հիման վրա` դատարան ներկայացվելու համար։
ԵՐԵՎԱՆ, 18 մայիսի – Sputnik․ Արցախյան 44-օրյա պատերազմի հերոս Մխիթար Գալեյանի հորեղբայրը` Արթուր Գալեյանը, փաստաբան Վահան Հովհաննիսյանի հետ միասին ներկայացավ քննչական կոմիտե։
Արցախյան 44-օրյա պատերազմի հերոս Մխիթար Գալեյանի հորը` Գագիկ Գալեյանին, նրա եղբորը և զոհվածներից մեկի մորը` Ազգուշ Մարտիրոսյանին, մեղադրանք է առաջադրվել` որպես ենթադրյալ հանցագործության կատարողների։
© Sputnik / Aram NersesyanԱրթուր Գալեյանը
Брат Гарика Галеяна, Артур Галеян, на акции родственников погибших военнослужащих (18 мая 2022). Еревaн - Sputnik Արմենիա, 1920, 18.05.2022
Արթուր Գալեյանը
Հիշեցնենք, որ ձերբակալվել է Արցախյան 44-օրյա պատերազմի հերոս Մխիթար Գալեյանի հայրը՝ Գարիկ Գալեյանը։

«Հիմա բոլորիդ ներկայությամբ ես և Արթուր Գալեյանը ներկայանում ենք վարույթն իրականացնող մարմնին, այն պայմաններում, երբ անգամ չի տրվել ծանուցագիր, առկա չէ բերման ենթարկելու որոշում, մենք պարզապես ինքնակամ ներկայանում ենք՝ հասկանալու համար, թե ինչ գործողությունների կդիմեն»,- ասաց փաստաբանը։

Նա նաև շեշտեց, որ սպային Գարիկ Գալեյանի կողմից շշով հարվածելու համար մեղադրանք չի առաջադրվել։
«Տարընկալումներից զերծ մնանք։ Գարիկ Գալեյանին առաջադրված է մեղադրանք «սպայի համազգեստից քաշքշելու, ֆիզիկական ցավ պատճառելու համար, այսինքն` ֆիզիկական ցավը պատճառվել է համազգեստին։ Մենք հիմա կմիջնորդենք, որպեսզի համազգեստը ճանաչվի տուժող»,- հեգնեց փաստաբանը` հայտնելով, որ ցիտեց մեղադրանքի որոշումը։
Նա նաև հայտնեց, որ իրենք բացարկ են ներկայացնելու զինվորական քննչական գլխավոր վարչությանն ամբողջությամբ, քանի որ երեկ ծնողների նկատմամբ նրանց կողմից հնչել են սեռական հայհոյանքներ, անգամ փորձել են հարվածել ծնողներին հենց փաստաբանների ներկայությամբ։
© Sputnik / Aram NersesyanԱզգուշ Մարտիրոսյանը
Азгуш Мартиросян на акции родственников погибших военнослужащих (18 мая 2022). Еревaн - Sputnik Արմենիա, 1920, 18.05.2022
Ազգուշ Մարտիրոսյանը
«Այս շենքում գտնվող որևէ քննիչ չի կարող լինել անաչառ և օբյեկտիվ կատարել քննությունը, քանի որ երեկ եղել է ծեծի և քաշքշուկի մասնակից»,- ասաց Հովհաննիսյանը։
Նա նշեց, որ Գարիկ Գալեյանը ձերբակալվել է քննիչի որոշման հիման վրա` դատարան ներկայացվելու համար, իսկ իրենք հասկանում են, որ դատարան ներկայացնում են, որպեսզի խափանման միջոց կալանք կիրառեն։

«Այժմ դատախազությունն ունի շանս` դրսևորելու կամք և հետ վերցնելու այդ անօրինական որոշումը, առնվազն հիմա փոխելու խափանման միջոցը։ Գալեյանը 5 անգամ ստենտավորված է, որից 4-ը տեղադրվել է 2 շաբաթ առաջ։ Գալեյանի կինը 7 ամսական հղի է։ Գալեյանը նաև 44–օրյա պատերազմի մասնակից է, որում վիրավորում է ստացել, վիրահատվել։ Վարույթ իրականացնող մարմինը մի քանի անգամ պետք է վերլուծություններ կատարեր` որոշելու ձերբակալում են, թե ոչ»,- ասաց նա։

Հավելենք, որ ՀՀ քննչական կոմիտեն հաղորդել է, որ մայիսի 17-ին, ժամը 14:05-ի սահմաններում մի խումբ անձինք սահմանված կարգի խախտմամբ, մուտք են գործել ՀՀ ՊՆ N զորամասի տարածք։ ՔԿ հաղորդմամբ՝ նրանք չեն ենթարկվել զորամասի տարածքը լքելու՝ զորամասի հրամանատարի սպառազինության գծով տեղակալ, գնդապետի օրինական պահանջին, հայհոյել են, քաշքշել և բռնություն գործադրել նրա նկատմամբ՝ պլաստմասե շշով հարվածելով դեմքին:
Ըստ ՔԿ-ի, նրանք Մխիթար Գալեյանի հայրն ու հորեղբայրն են՝ Գարիկ և Արթուր Գալեյանները, ինչպես նաև քաղաքացի Ազգուշ Մարտիրոսյանը: Գարիկ Գալեյանը ձերբակալվել է։
Ծնողները պահանջում են ազատ արձակել զոհված Մխիթար Գալեյանի հորը՝ Գարիկ Գալեյանին
Լրահոս
0