Ուկրաինայի զինյալների բարձրաստիճան սպաները դեռ «Ազովստալում» են. Պուշիլին

© Sputnik / Илья Питалев / Անցնել ֆոտոբանկԴԺՀ ղեկավար Դենիս Պուշիլինը
ԴԺՀ ղեկավար Դենիս Պուշիլինը - Sputnik Արմենիա, 1920, 18.05.2022
ԴԺՀ ղեկավար Դենիս Պուշիլինը. Արխիվային լուսանկար
Բաժանորդագրվեք
Yandex newsTelegram
ՌԴ ՊՆ տվյալներով` երկուշաբթի օրվանից գերի է հանձնվել «Ազովստալի» 959 զինյալ, նրանցից 80-ը վիրավոր է։ 51-ը տեղափոխվել է ԴԺՀ-ի Նովոազովսկի հիվանդանոց։
ԵՐԵՎԱՆ, 18 մայիսի – Sputnik. ԴԺՀ ղեկավար Դենիս Պուշիլինը հայտնել է, որ Ուկրաինայի զինյալների ամենաբարձր օղակի հրամանատարները շարունակում են մնալ Մարիուպոլի «Ազովստալ» գործարանում։

«Ներկա պահին ամենաբարձր օղակի հրամանատարներ չկան, նրանք դուրս չեն եկել։ Բայց դա՝ դեռ»,- Պուշիլինի խոսքն է մեջբերում Դոնեցկի լրատվական գործակալությունը։

Ինչպես նշում է ԴԺՀ-ի ղեկավարը, մարտերից հետո Մարիուպոլի բնակչությունն ավելի քան 200 հազար է, հստակ թիվն այժմ անհնար է որոշել։
Ավելի վաղ ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը հայտնել է, որ մայիսի 16-ից գերի է հանձնվել 959 զինյալ, այդ թվում՝ Մարիուպոլի «Ազովստալ» գործարանում արգելափակված «Ազով» ուկրաինական ազգայնական գումարտակի 80 վիրավոր։
2014 թվականին ԴԺՀ-ի հռչակման պահին Մարիուպոլը շուրջ 450 հազար բնակչով Դոնեցկից հետո հանրապետության երկրորդ քաղաքն էր, սակայն նույն թվականի հունիսին Ուկրաինայի ուժայինները վերադարձրին Մարիուպոլի նկատմամբ վերահսկողությունը։ Մարտի 7-ին` ՌԴ ռազմական հատուկ գործողությունների մեկնարկից 12 օր անց, «Վոստոկ» գումարտակի փոխհրամանատար Ալեքսանդր Սեմյոնովը հայտարարեց, որ քաղաքը շրջապատված է, սկսել են «մաքրել» առանձին շրջաններ։ Ապրիլի 16-ին ՌԴ ՊՆ պաշտոնական ներկայացուցիչ Իգոր Կոնաշենկովը հայտնեց, որ ուկրաինական բանակից, օտարերկրյա վարձկաններից և «Ազովի» գնդի (որի զինյալների դեմ ՌԴ-ում քրեական գործ է հարուցվել) նեոնացիստներից մաքրել են քաղաքի ողջ տարածքը։
«Ազովստալից» մեկ օրում դուրս են եկել և գերի հանձնվել շուրջ 700 ուկրաինացի զինյալներ
Ուկրաինական խմբավորման մի մասը արգելափակված էր մնացել «Ազովստալ» գործարանում։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 84-րդ օրը։
Լրահոս
0