ԱՄՆ-ն ոչնչացրել է քիմիական զենքով վերջին Մ55 հրթիռը. Պենտագոն

Պենտագոն - Sputnik Արմենիա, 1920, 19.05.2022
Պենտագոն
Բաժանորդագրվեք
Yandex newsTelegram
Հրթիռը ոչնչացվել է քիմիական զենքի արգելման միջազգային կոնվենցիայի իրականացման շրջանակում։
ԵՐԵՎԱՆ, 19 մայիսի – Sputnik. ԱՄՆ-ն ոչնչացրել է VX մարտական թունավոր նյութ պարունակող Մ55 վերջին հրթիռը։ Այս մասին ՌԻԱ Նովոստիի փոխանցմամբ` հայտարարել է սպառնալիքների կրճատման և սպառազինության վերահսկման գծով ԱՄՆ պաշտպանության նախարարի օգնականի տեղակալ Քինգսթոն Ռայֆը։
Գործողություններն իրականացվել են քիմիական զենքի ոչնչացման պետական ծրագրի շրջանակում։
«Շատ ուրախ ենք, որ առանցքային փուլի ենք հասել քիմիական զենքի լիարժեք զինաթափման ճանապարհին», – ասել է Քինգսթոն Ռայֆը։
Պենտագոնի տվյալներով` 2021 թվականի հուլիսից մինչև 2022 թվականի մայիս ԱՄՆ–ն ընդհանուր առմամբ շուրջ 18 հազար Մ55 հրթիռներ է ոչնչացրել։ Ամերիկյան քիմիական զենքի մնացած մասը, ինչպես հայտնում են, նախատեսվում է ոչնչացնել մինչև 2023 թվականը։
Կոնվենցիայի պահանջի համաձայն` բոլոր մասնակից երկրները պարտավորվում են ամբողջությամբ վերացնել իրենց տիրապետության տակ գտնվող քիմիական զենքը։ Ռուսաստանը, որը ևս կոնվենցիայի անդամ է, դեռևս 2017 թվականին էր հայտնել մարտական քիմիական նյութերի իր պահուստի լիարժեք ոչնչացման մասին։
Լրահոս
0