https://arm.sputniknews.ru/20220519/hajastanum-khoshvoragujn-arevajin-kajani-nakhagitsy-cankanum-en-sksel-2023-tvakanin-42236488.html
Հայաստանում խոշորագույն արևային կայանի նախագիծը ցանկանում են սկսել 2023 թվականին
Հայաստանում խոշորագույն արևային կայանի նախագիծը ցանկանում են սկսել 2023 թվականին
Sputnik Արմենիա
Տեղանքում կատարվում են արեգակնային ճառագայթման չափումներ։ Նախագծային աշխատանքներն ուզում են սկսել մի քանի ամսից, նախատեսվում է կայանը շահագործման հանձնել 2025... 19.05.2022, Sputnik Արմենիա
2022-05-19T18:38+0400
2022-05-19T18:38+0400
2022-05-19T19:54+0400
արևային կայան
հայաստան
թալին
հնագիտություն
հուշարձան
զբոսաշրջություն
https://cdn.am.sputniknews.ru/img/979/28/9792829_0:85:1600:985_1920x0_80_0_0_02d0c14952cae0621500973507b85421.jpg
ԵՐԵՎԱՆ, 19 մայիսի – Sputnik. Հայաստանում խոշորագույն արևային կայանի համար նախագծի կազմումը ցանկանում են սկսել մի քանի ամսից։ Այս մասին լրագրողներին հայտնեց Հայաստանի պետական հետաքրքրությունների ֆոնդի (ANIF) մասնագետ Հայկ Թադևոսյանը։Համագործակցելով հիմնադրամի հետ (որը պետական-մասնավոր գործընկերության հիման վրա ներդրումային ծրագրեր է բերում Հայաստան)՝ Արաբական Միացյալ Էմիրությունների Masdar ընկերությունը ներդրումներ է կատարում արևային կայանի (200 մեգավատտ) կառուցման համար: Արևային կայանը, որն անվանել են «Այգ-1», կդառնա խոշորագույնը հանրապետությունում։ Այն տեղակայված կլինի Աշնակ գյուղի մոտ՝ Թալին քաղաքից ոչ հեռու։ Կայանի նախագծի մշակումը նախատեսվում է սկսել 2022-ի վերջին կամ 2023-ի սկզբին, իսկ շահագործման հանձնումը՝ 2025-ին:Նախքան բուն կայանի նախագիծը մշակելը մասնագետները մանրակրկիտ ուսումնասիրում են տեղանքը, ընդ որում՝ ոչ միայն դրա տնտեսական չափանիշները (արևային ճառագայթման ինտենսիվությունն ու ապագա կայանի ՕԳԳ-ն), այլև ֆլորան և ֆաունան, ինչպես նաև հնագիտական հուշարձանները։Ինչպես նշեց EA Energy Advisory ընկերության մասնագետ Միքայել Թևոսյանը՝ կայանն արևային ջերմության առավելագույն ծավալ է վերցնելու։Տեղում շարունակվում են արևային ճառագայթման չափումները, բայց, նախնական գնահատականներով, այդ տարածքում այն կազմում է նվազագույնը 1800 վատտ՝ մեկ քառակուսի մետրի համար (համեմատության համար՝ Հյուսիսային Եվրոպայում այն կազմում է 1000-1100)։Ինչպես լրագրողներին հայտնեց Հայաստանի ԳԱԱ հնագիտության ինստիտուտի ավագ գիտաշխատող Բորիս Գասպարյանը, տեղում արդեն ուսումնասիրվել է հուշարձանների մոտ 70 տոկոսը:«Մենք ուզում ենք, որ նախագիծը չոչնչացնի հնագիտական հուշարձանները, որոնք մեր երկրում ամենուր են և որոնք ցույց են տալիս այս տեղանքի բնակեցված լինելը հնագույն ժամանակներից»,- հավելեց նա:Տեղանքի գտածոներից ամենահինը 300-400 հազար տարեկան քարե զենքերն են։ Հայտնաբերվել են նաև բրոնզեդարյան և վաղ երկաթի դարի գերեզմաններ (նախնական թվագրում՝ մ.թ.ա. 15-9-րդ դարեր), ինչպես նաև նոր ժամանակների՝ 17-19-րդ դարերի առարկաներ կամ դրանց մնացորդներ։Օրինակ՝ Արմավիր քաղաքի մոտ, որտեղ մեկ այլ արևային կայան է կառուցված, ձիու գերեզման են գտել, ինչը հազվագյուտ է ամբողջ աշխարհում։ Կան ազնվական տիրոջ և ձիու գերեզմաններ, և ձիուն առանձին թաղելը բացառիկ դեպք է»,- ընդգծեց Գասպարյանը։Ենթադրվում է, որ այն վերաբերում է պարսից Աքեմենյան թագավորության դարաշրջանին (մ.թ.ա. 6-4-րդ դարեր)։ «Գերեզմանավայրն ուսումնասիրվում է, և այդտեղ ցուցահանդես է նախապատրաստվում զբոսաշրջիկների համար։ Չի բացառվում, որ համեմատելի արժեքի գտածոներ հայտնաբերենք նաև այստեղ։ Այնպես որ, վերականգնվող էներգիան միանգամայն կարելի է համատեղել զբոսաշրջության հետ»,- ավելացրեց Գասպարյանը։Հիշեցնենք, որ Հայաստանի կառավարության ծրագրով մինչև 2030 թվականը հանրապետությունում արևային էլեկտրաէներգիայի տեսակարար կշիռը նախատեսվում է հասցնել 15 տոկոսի: Առաջիկա մի քանի տարվա ընթացքում շահագործման են ուզում հանձնել Սևանի ափին գտնվող «Մասրիկ» արևային կայանը՝ 55 ՄՎտ հզորությամբ, ինչպես նաև վերոնշյալ «Այգ-1» կայանը՝ 200 ՄՎտ հզորությամբ: Առայժմ այդ ցուցանիշը 2,5%-ից փոքր-ինչ պակաս է։ Հանրապետությունում արդեն կառուցվել են մի քանի տասնյակ կոմերցիոն կայաններ և մի քանի հարյուր ինքնավար կայաններ (որոնք տանտերերը կամ ձեռնարկությունները տեղադրել են սեփական կարիքների համար):
թալին
հնագիտություն
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արևային կայան, հայաստան, թալին, հնագիտություն, հուշարձան, զբոսաշրջություն
արևային կայան, հայաստան, թալին, հնագիտություն, հուշարձան, զբոսաշրջություն
Հայաստանում խոշորագույն արևային կայանի նախագիծը ցանկանում են սկսել 2023 թվականին
18:38 19.05.2022 (Թարմացված է: 19:54 19.05.2022) Տեղանքում կատարվում են արեգակնային ճառագայթման չափումներ։ Նախագծային աշխատանքներն ուզում են սկսել մի քանի ամսից, նախատեսվում է կայանը շահագործման հանձնել 2025 թվականին։
ԵՐԵՎԱՆ, 19 մայիսի – Sputnik. Հայաստանում խոշորագույն արևային կայանի համար նախագծի կազմումը ցանկանում են սկսել մի քանի ամսից։ Այս մասին լրագրողներին հայտնեց Հայաստանի պետական հետաքրքրությունների ֆոնդի (ANIF) մասնագետ Հայկ Թադևոսյանը։
Համագործակցելով հիմնադրամի հետ (որը պետական-մասնավոր գործընկերության հիման վրա ներդրումային ծրագրեր է բերում Հայաստան)՝ Արաբական Միացյալ Էմիրությունների Masdar ընկերությունը ներդրումներ է կատարում արևային կայանի (200 մեգավատտ) կառուցման համար: Արևային կայանը, որն անվանել են «Այգ-1», կդառնա խոշորագույնը հանրապետությունում։ Այն տեղակայված կլինի Աշնակ գյուղի մոտ՝ Թալին քաղաքից ոչ հեռու։ Կայանի նախագծի մշակումը նախատեսվում է սկսել 2022-ի վերջին կամ 2023-ի սկզբին, իսկ շահագործման հանձնումը՝ 2025-ին:
Նախքան բուն կայանի նախագիծը մշակելը մասնագետները մանրակրկիտ ուսումնասիրում են տեղանքը, ընդ որում՝ ոչ միայն դրա տնտեսական չափանիշները (արևային ճառագայթման ինտենսիվությունն ու ապագա կայանի ՕԳԳ-ն), այլև ֆլորան և ֆաունան, ինչպես նաև հնագիտական հուշարձանները։
«Նախագիծն ուզում ենք սկսել մի քանի ամսից, ընդ որում՝ արաբ ներդրողները դիտարկում են ևս մեկ կայանի շինարարության հնարավորությունը»,- ասաց Թադևոսյանը։
Ինչպես նշեց EA Energy Advisory ընկերության մասնագետ Միքայել Թևոսյանը՝ կայանն արևային ջերմության առավելագույն ծավալ է վերցնելու։
Տեղում շարունակվում են արևային ճառագայթման չափումները, բայց, նախնական գնահատականներով, այդ տարածքում այն կազմում է նվազագույնը 1800 վատտ՝ մեկ քառակուսի մետրի համար (համեմատության համար՝ Հյուսիսային Եվրոպայում այն կազմում է 1000-1100)։
Ինչպես լրագրողներին հայտնեց Հայաստանի ԳԱԱ հնագիտության ինստիտուտի ավագ գիտաշխատող Բորիս Գասպարյանը, տեղում արդեն ուսումնասիրվել է հուշարձանների մոտ 70 տոկոսը:
«Մենք ուզում ենք, որ նախագիծը չոչնչացնի հնագիտական հուշարձանները, որոնք մեր երկրում ամենուր են և որոնք ցույց են տալիս այս տեղանքի բնակեցված լինելը հնագույն ժամանակներից»,- հավելեց նա:
Տեղանքի գտածոներից ամենահինը 300-400 հազար տարեկան քարե զենքերն են։ Հայտնաբերվել են նաև բրոնզեդարյան և վաղ երկաթի դարի գերեզմաններ (նախնական թվագրում՝ մ.թ.ա. 15-9-րդ դարեր), ինչպես նաև նոր ժամանակների՝ 17-19-րդ դարերի առարկաներ կամ դրանց մնացորդներ։
«Ադ հուշարձանների մի մասը, մեր կարծիքով, պետք է համատեղել արևային կայանի հետ, այսինքն՝ վահանակները այնպես դնել, որ դրանք տեղից չշարժվեն։ Մի մասն այդքան արժեքավոր է, որ պետք է թողնել որպես տեսարժան վայր՝ զբոսաշրջիկների համար»,- ավելացրեց նա։
Օրինակ՝ Արմավիր քաղաքի մոտ, որտեղ մեկ այլ արևային կայան է կառուցված, ձիու գերեզման են գտել, ինչը հազվագյուտ է ամբողջ աշխարհում։ Կան ազնվական տիրոջ և ձիու գերեզմաններ, և ձիուն առանձին թաղելը բացառիկ դեպք է»,- ընդգծեց Գասպարյանը։
Ենթադրվում է, որ այն վերաբերում է պարսից Աքեմենյան թագավորության դարաշրջանին (մ.թ.ա. 6-4-րդ դարեր)։ «Գերեզմանավայրն ուսումնասիրվում է, և այդտեղ ցուցահանդես է նախապատրաստվում զբոսաշրջիկների համար։ Չի բացառվում, որ համեմատելի արժեքի գտածոներ հայտնաբերենք նաև այստեղ։ Այնպես որ, վերականգնվող էներգիան միանգամայն կարելի է համատեղել զբոսաշրջության հետ»,- ավելացրեց Գասպարյանը։
Հիշեցնենք, որ Հայաստանի կառավարության ծրագրով մինչև 2030 թվականը հանրապետությունում արևային էլեկտրաէներգիայի տեսակարար կշիռը նախատեսվում է հասցնել 15 տոկոսի: Առաջիկա մի քանի տարվա ընթացքում շահագործման են ուզում հանձնել Սևանի ափին գտնվող «Մասրիկ» արևային կայանը՝ 55 ՄՎտ հզորությամբ, ինչպես նաև վերոնշյալ «Այգ-1» կայանը՝ 200 ՄՎտ հզորությամբ: Առայժմ այդ ցուցանիշը 2,5%-ից փոքր-ինչ պակաս է։ Հանրապետությունում արդեն կառուցվել են մի քանի տասնյակ կոմերցիոն կայաններ և մի քանի հարյուր ինքնավար կայաններ (որոնք տանտերերը կամ ձեռնարկությունները տեղադրել են սեփական կարիքների համար):
