https://arm.sputniknews.ru/20220519/ughghich-himnarkner-chen-linelu-qreakatarvoghakan-nvor-orensgrqi-nakhagitsy-nerkajacvec-azh-42232449.html
Ուղղիչ հիմնարկներ չեն լինելու. Քրեակատարողական նոր օրենսգրքի նախագիծը ներկայացվեց ԱԺ
Ուղղիչ հիմնարկներ չեն լինելու. Քրեակատարողական նոր օրենսգրքի նախագիծը ներկայացվեց ԱԺ
Sputnik Արմենիա
Արդարադատության նախարարի տեղակալի խոսքով` յուրաքանչյուր դատապարտյալի հետ պետք է իրականացվի անհատական աշխատանք։ 19.05.2022, Sputnik Արմենիա
2022-05-19T13:22+0400
2022-05-19T13:22+0400
2022-05-19T14:02+0400
հայաստան
քրեակատարողական հիմնարկ (քկհ)
հհ արդարադատության նախարարություն
աժ (ազգային ժողով)
https://cdn.am.sputniknews.ru/img/07e6/03/17/40094674_0:0:800:451_1920x0_80_0_0_b3df906a1591b73ee6de344c30eea765.jpg
ԵՐԵՎԱՆ, 19 մայիսի – Sputnik. ՀՀ կառավարությունը ծրագրում է քրեակատարողական հիմնարկում գտնվող դատապարտյալների համար կարանտինային բաժանմունքում պատժի կրման անհատական պլան կազմել։ Դրանք վերանայվելու են յուրաքանչյուր 3-6 ամիսը մեկ։ Ազգային ժողովի արտահերթ նիստում այս մասին ասաց ՀՀ արդարադատության նախարարի տեղակալ Արփինե Սարգսյանը` խորհրդարանին ներկայացնելով «ՀՀ քրեակատարողական օրենսգրքի» մասին օրենքի նախագիծն առաջին ընթերցմամբ ընդունելու հարցը։Գործող օրենսգիրքն ընդունվել է 2004 թվականին, սակայն ուժի մեջ է մտել 2005-ին։ Տարիների ընթացքում բազմաթիվ փոփոխություններ են եղել և՛ հասարակությունում, և՛ միջազգային պրակտիկայում, ինչն էլ նոր քրեակատարողական օրենսգիրք ունենալու անհրաժեշտություն է առաջացրել։Նա ընդգծեց` նոր օրենսգրքով նախատեսվում է նաև, որ այլևս չեն լինելու ուղղիչ հիմնարկներ և դրանց տեսակները` բաց, կիսաբաց, փակ, կիսափակ և բուժական։ Փոխնախարարը նաև նշեց, որ տվյալ եզրույթն այլևս չի օգտագործվում ներկայիս օրենսգրքում։ Սարգսյանն ասաց, որ լինելու է անվտանգության 3 գոտի` ցածր, միջին և բարձր։«Այս անվտանգային գոտիներն առանձնացվել են այն տրամաբանության շրջանակում, որ յուրաքանչյուր դատապարտյալի պատժի կրման անհատական պլանավորման հիմքում պետք է ընկած լինի ռիսկերի գնահատումը»,- պարզաբանեց փոխնախարարը։Պաշտոնյայի խոսքով` յուրաքանչյուր գոտում լրացուցիչ լինելու է պահման 2 պայման` մեղմ ու խիստ` կախված դատապարտյալի վարքագծից։ Բուժական ՔԿՀ-ների փոխարեն յուրաքանչյուր բանտում լինելու են ստացիոնար և ամբուլատոր բաժանմունքներ, որտեղ կիրականացվի բժշկական սպասարկում և օգնություն կտրամադրվի։Դատապարտյալի անվամբ «Արմավիր» ՔԿՀ բերված սառնարանից 16 հեռախոս և այլ իրեր են հայտնաբերելԿարող են լինել դեպքեր, երբ ՔԿՀ-ում գտնվող անձին բուժօգնություն ստանալու նպատակով տեղափոխեն քաղաքացիական հիվանդանոց։Նոր օրենսգրքով կրճատվում է նաև վարչարարությունը, և ազատազրկված անձինք կկարողանան մի քանի ժամում ունենալ ուղեգիր և տեղափոխվել համապատասխան հիվանդանոց։ Դատապարտյալների հիվանդանոցն էլ վերապրոֆիլավորվելու է, որովհետև անվտանգության գոտիները պետք է տեղայնացվեն։ Փոխնախարարը հայտնեց նաև, որ նախատեսվում է փակել դատապարտյալների հիվանդանոցը և Երևանում նոր քրեակատարողական հիմնարկ ունենալ, որը կունենա հիվանդանոցին բնորոշ պայմաններ։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
https://cdn.am.sputniknews.ru/img/07e6/03/17/40094674_0:0:712:534_1920x0_80_0_0_b0a1bf68245ce844ca2f31739d22907c.jpgSputnik Արմենիա
media@sputniknews.com
+74956456601
MIA „Rosiya Segodnya“
հայաստան, քրեակատարողական հիմնարկ (քկհ), հհ արդարադատության նախարարություն, աժ (ազգային ժողով)
հայաստան, քրեակատարողական հիմնարկ (քկհ), հհ արդարադատության նախարարություն, աժ (ազգային ժողով)
Ուղղիչ հիմնարկներ չեն լինելու. Քրեակատարողական նոր օրենսգրքի նախագիծը ներկայացվեց ԱԺ
13:22 19.05.2022 (Թարմացված է: 14:02 19.05.2022) Արդարադատության նախարարի տեղակալի խոսքով` յուրաքանչյուր դատապարտյալի հետ պետք է իրականացվի անհատական աշխատանք։
ԵՐԵՎԱՆ, 19 մայիսի – Sputnik. ՀՀ կառավարությունը ծրագրում է քրեակատարողական հիմնարկում գտնվող դատապարտյալների համար կարանտինային բաժանմունքում պատժի կրման անհատական պլան կազմել։ Դրանք վերանայվելու են յուրաքանչյուր 3-6 ամիսը մեկ։ Ազգային ժողովի արտահերթ նիստում այս մասին ասաց ՀՀ արդարադատության նախարարի տեղակալ Արփինե Սարգսյանը` խորհրդարանին ներկայացնելով «ՀՀ քրեակատարողական օրենսգրքի» մասին օրենքի նախագիծն առաջին ընթերցմամբ ընդունելու հարցը։
Գործող օրենսգիրքն ընդունվել է 2004 թվականին, սակայն ուժի մեջ է մտել 2005-ին։ Տարիների ընթացքում բազմաթիվ փոփոխություններ են եղել և՛ հասարակությունում, և՛ միջազգային պրակտիկայում, ինչն էլ նոր քրեակատարողական օրենսգիրք ունենալու անհրաժեշտություն է առաջացրել։
«Քրեական արդարադատության ընդհանուր շղթայի տեսանկյունից երրորդ կարևոր օրենսգիրքը սա է։ Հուլիսի 1-ից կկարողանանք ունենալ այնպիսի օրենսդրություն, որը որակական նոր շեմ կապահովի ՀՀ-ում քրեական արդարադատության տեսանկյունից։ Ամբողջ օրենսգիրքը կառուցված է նրա վրա, որ յուրաքանչյուր դատապարտյալի հետ պետք է տարվի անհատական աշխատանք։ Քրեակատարողական հիմնարկները չունեն չափելի որևէ գործիք, որով կհասկանան, թե ինչպես կարող են օգտագործել ներուժը»,- ասաց Սարգսյանը։
Նա ընդգծեց` նոր օրենսգրքով նախատեսվում է նաև, որ այլևս չեն լինելու ուղղիչ հիմնարկներ և դրանց տեսակները` բաց, կիսաբաց, փակ, կիսափակ և բուժական։ Փոխնախարարը նաև նշեց, որ տվյալ եզրույթն այլևս չի օգտագործվում ներկայիս օրենսգրքում։ Սարգսյանն ասաց, որ լինելու է անվտանգության 3 գոտի` ցածր, միջին և բարձր։
«Այս անվտանգային գոտիներն առանձնացվել են այն տրամաբանության շրջանակում, որ յուրաքանչյուր դատապարտյալի պատժի կրման անհատական պլանավորման հիմքում պետք է ընկած լինի ռիսկերի գնահատումը»,- պարզաբանեց փոխնախարարը։
Պաշտոնյայի խոսքով` յուրաքանչյուր գոտում լրացուցիչ լինելու է պահման 2 պայման` մեղմ ու խիստ` կախված դատապարտյալի վարքագծից։ Բուժական ՔԿՀ-ների փոխարեն յուրաքանչյուր բանտում լինելու են ստացիոնար և ամբուլատոր բաժանմունքներ, որտեղ կիրականացվի բժշկական սպասարկում և օգնություն կտրամադրվի։
Կարող են լինել դեպքեր, երբ ՔԿՀ-ում գտնվող անձին բուժօգնություն ստանալու նպատակով տեղափոխեն քաղաքացիական հիվանդանոց։
«Այս պահին էլ ենթաօրենսդրական ակտերի մակարդակով ունենք կապ «Քրեակատարողական բժշկության կենտրոն» ՊՈԱԿ-ի և համապատասխան քաղաքացիական հիվանդանոցների միջև։ ՊՈԱԿ-ը համապատասխան ուղեգիր է տալիս առ այն, որ անձը X բժշկական կենտրոնում պետք է անցնի որոշակի ստուգում։ Ըստ այդմ` պետական պատվերի շրջանակում կազմակերպվում է պրոցեսը»,- ասաց Սարգսյանը։
Նոր օրենսգրքով կրճատվում է նաև վարչարարությունը, և ազատազրկված անձինք կկարողանան մի քանի ժամում ունենալ ուղեգիր և տեղափոխվել համապատասխան հիվանդանոց։ Դատապարտյալների հիվանդանոցն էլ վերապրոֆիլավորվելու է, որովհետև անվտանգության գոտիները պետք է տեղայնացվեն։ Փոխնախարարը հայտնեց նաև, որ նախատեսվում է փակել դատապարտյալների հիվանդանոցը և Երևանում նոր քրեակատարողական հիմնարկ ունենալ, որը կունենա հիվանդանոցին բնորոշ պայմաններ։