«Ազովստալն» ու Մարիուպոլն ամբողջությամբ ազատագրվել են. Շոյգու

© Sputnik / Министерство обороны РФՌուս զինվորականները ստուգում են գերի հանձնվող ուկրանացի զինծառայողներին ու նեոնացիստներին «Ազովստալի» տարածքում
Ռուս զինվորականները ստուգում են գերի հանձնվող ուկրանացի զինծառայողներին ու նեոնացիստներին «Ազովստալի» տարածքում - Sputnik Արմենիա, 1920, 20.05.2022
Բաժանորդագրվեք
НовостиTelegram
Հանձնվել է նաև «Ազովի» «հրամանատարը»։ Նրան դուրս են հանել հատուկ զրահապատ ավտոմեքենայով։
ԵՐԵՎԱՆ, 20 մայիսի - Sputnik. ՌԴ պաշտպանության նախարար Սերգեյ Շոյգուն նախագահ Վլադիմիր Պուտինին զեկուցել է ուկրաինացի զինյալներից «Ազովստալի» և Մարիուպոլի ամբողջական ազատագրման մասին։ Գործարանի ստորգետնյա օբյեկտներն անցել են Ռուսաստանի զինված ուժերի լիակատար վերահսկողության տակ։
Հանձնվել է նաև «Ազովի» «հրամանատարը»։ Նրան դուրս են հանել հատուկ զրահապատ ավտոմեքենայով՝ տեղի բնակիչների հաշվեհարդարի սպառնալիքի պատճառով։
Իր հերթին Ուկրաինայի նախագահ Վլադիմիր Զելենսկին հայտարարել է, որ ուկրաինացի ուժայինները, որոնք հանձնվել են ռուս զինվորականներին Մարիուպոլի «Ազովստալ» գործարանի տարածքում, բոլոր իրավունքներն ունեին «դուրս գալ ու պահպանել իրենց կյանքը»։ Նրա խոսքով, այդպիսի հրահանգ նրանք ստացել էին Ուկրաինայի ԶՈւ հրամանատարությունից։

Նշենք՝ մայիսի 16-ին զենքը վայր էին դրել ու հանձնվել էին 2439 «Ազովի» նեոնացիստներ և ուկրաինական ԶՈւ զինծառայողներ, որոնք շրջափակված էին գործարանի տարածքում։

Ապրիլի 16-ին ՌԴ պաշտպանության նախարարության պաշտոնական ներկայացուցիչ Իգոր Կոնաշենկովը հայտնել էր, որ Մարիուպոլի ամբողջ տարածքը մաքրվել է ուկրաինական բանակից, օտարերկրյա վարձկաններից և «Ազով» գնդի նեոնացիստներից (որի գրոհայինների դեմ Ռուսաստանում քրեական գործ է հարուցվել):
Ուկրաինական խմբավորման մի մասն արգելափակվել էր «Ազովստալ» մետալուրգիական կոմբինատում։ Ռուսաստանի նախագահ Վլադիմիր Պուտինը ապրիլի 26-ին հայտարարել էր, որ գործարանը լիովին մեկուսացված է։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ ռազմական հատուկ գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 86-րդ օրը։
Լրահոս
0