«Դիմադրության» անդամները Լիտվայի նախագահին դիմավորեցին «Նիկո՛լ, դավաճա՛ն» վանկարկելով

Բաժանորդագրվեք
Yandex newsTelegram
Ընդդիմադիրները միակողմանի փակել են Բաղրամյան պողոտայի մի հատվածը։
ՀՀ նախագահի նստավայրի մոտ հասած «Դիմադրություն» շարժման անդամները Լիտվայի նախագահ Գիտանաս Նաուսեդային սուլոցներով, «Դավաճա՛ն» ու «Նիկո՛լ, դավաճա՛ն» վանկարկումներով դիմավորեցին։
Շարժման անդամները ձեռքներին հայերեն և անգլերեն պաստառներ ունեն` «RIP Democracy», «Silence is a crime» (Լռությունը հանցանք է), Ո՛չ բռնապետությանը»։
Ընդդիմադիրները միակողմանի փակել են Բաղրամյան պողոտայի մի հատվածը, երթևեկությունը կաթվածահար է։
Այնտեղ նաև մեծաթիվ ոստիկանական ուժեր են գտնվում։
Հայտնել ենք, որ մայիսի 19–ի երեկոյան Երևանում ցուցարարները շրջափակել էին «The Alexander» հյուրանոցը, որտեղ կանգ է առել Լիտվայի նախագահ Գիտանաս Նաուսեդան։ Վերջինս Հայաստան է ժամանել երկօրյա պաշտոնական այցով։
Ընդդիմության առաջնորդներն ավելի վաղ հրավիրել էին Լիտվայի առաջնորդին հանդիպել իրենց հետ, սակայն վերջինս անարձագանք էր թողել հրավերը։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության ակցիաներ, երթեր ու հանրահավաքներ։
Լրահոս
0