Դադիվանքի նախկին քահանան Մարտակերտում վերականգնում է Հակոբավանքը. լուսանկարներ

© Sputnik / Aram NersesyanՀայր Հովհաննեսը Հակոբավանքում
Հայր Հովհաննեսը Հակոբավանքում - Sputnik Արմենիա, 1920, 21.05.2022
Հայր Հովհաննեսը Հակոբավանքում
Բաժանորդագրվեք
Yandex newsTelegram
Ժամանակին վանքն ակտիվ ուխտագնացության վայր էր, սակայն եպիսկոպոսների նստավայրը Գանձասար տեղափոխելուց հետո աստիճանաբար անկում ապրեց և այսօր ծայրահեղ վատ վիճակում է։
ԵՐԵՎԱՆ, 21 մայիսի – Sputnik, Դավիթ Գալստյան. Դադիվանք վանական համալիրի նախկին վանահայր Տեր Հովհաննես քահանա Հովհաննիսյանը սկսել է զբաղվել Արցախի Մարտակերտի շրջանի Սուրբ Հակոբավանք եկեղեցու վերականգնման աշխատանքներով։
Այսօր վանքն անմխիթար ու կիսավեր վիճակում է, լուրջ վերականգնման կարիք ունի։
Հայր Հովհաննեսը, որը Դադիվանքի վանահայր է եղել մի քանի տարի, այս ողջ ընթացքում զբաղվում էր դրա վերականգնմամբ։ Պատերազմից հետո նրան նշանակեցին Մարտակերտի եկեղեցու վանահայր, որտեղ նա հոգևոր ծառայությանը զուգահեռ զբաղվում էր վերանորոգման աշխատանքներով։
Մայիսի 7-ին նրան ուղարկեցին Հակոբավանք, չգործող վանք, որը հարուստ պատմություն և վերականգնման կարիք ունի։
© Sputnik / Aram NersesyanՀակոբավանք
Монастырский комплекс Акопаванк в Мартакертском районе Арцаха - Sputnik Արմենիա, 1920, 20.05.2022
Հակոբավանք
«Սուրբ Հակոբավանք, կամ Մեծառանց վանք։ 7-րդ դարի կառույց է։ Մեծառանց է կոչվում, որովհետև այստեղ երեք կաթողիկոսների գերեզման է գտնվում, նրանք սուրբ են համարվում` Սուրբ Արիստակես, Սուրբ Սիմեոն և Սուրբ Հովհաննես։ Դրա համար էլ կոչվում է Մեծառանց` մեծերի տարածք։ Եվ Հակոբավանք է կոչվում, որովհետև ժամանակին Սուրբ Մծբնա Հակոբ հայրապետի աջը պահվել է այստեղ», – ասաց տեր Հովհաննեսը։
Ժամանակին այստեղ գտնվել է նաև եպիսկոպոսի նստավայրը։ Միջին դարերում վանքը ակտիվ ուխտագնացության վայր և ձեռագրատուն է եղել (այստեղ են գրվել մի քանի ձեռագիր ավետարաններ)։
Երբ նստավայրը Գանձասար է տեղափոխվել, վանքն աստիճանաբար անկում է ապրել։ Ի վերջո այն մասամբ ավերվել է (խորհրդային տարիներին այստեղ փորել են` գանձեր գտնելու հույսով)։
Վանքը երկու եկեղեցուց է բաղկացած։ Դրա տարածքում եղել է մատենադարան, անդունդի վրա կախված պատշգամբներով վանական խցեր, ջրամբարներ, թոնիրներ, բնակելի և տնտեսական շինություններ։
Եկեղեցու վերանորոգման ժամանակ տարբեր տարիներին խաչքարեր էին տեղադրում պատերի մեջ, տապանաքարեր (ամբողջությամբ), ինչը, եկեղեցականի խոսքով, դարձավ դրանց պահպանման ու մեզ հասնելու գրավականը։
© Sputnik / Aram NersesyanՎանքի վերնանորոգման ժամանակ օգտագործված խաչքար
Хачкар, использованный при ремонте монастыря - Sputnik Արմենիա, 1920, 20.05.2022
Վանքի վերնանորոգման ժամանակ օգտագործված խաչքար
Տեր Հովհաննեսը նշեց, որ վանքի վերականգնման մեծ ծրագիր է պատրաստ։ Աշխատանքների ժամկետներն ու ծավալները հովանավորներից են կախված։ Որոշ մարդիկ արդեն իսկ պատրաստակամություն են հայտնել օգնելու, սակայն այդ օգնությունը բոլոր աշխատանքների համար չի բավականացնի։
Բացի բուն վանքի վերականգնումից, նախատեսվում է Քոլատակ գյուղից նոր ճանապարհ կառուցել (1,5-1,8 կմ), հոսանք և ջուր քաշել։
«Կսկսենք մի մասից, կվերանորոգենք առաջին փոքր եկեղեցին։ Առաջին հերթին կծածկենք տանիքը, կմաքրենք, քարերը կշարենք, կծածկենք, որ ծածկի տակ լինի, որ անձրևաջրերը չթափվեն ներս ու ներսի աշխատանքները անենք։ Գործող դարձնենք, որպեսզի ժողովուրդը իմանա, հասկանա, գա», – ասաց տեր Հովհաննեսը։
© Sputnik / Aram Nersesyan

Տեր Հովհաննես քահանա Հովհաննիսյանը

Տեր Հովհաննես քահանա Հովհաննիսյանը - Sputnik Արմենիա
1/7

Տեր Հովհաննես քահանա Հովհաննիսյանը

© Sputnik / Aram Nersesyan

Հակոբավանք

Հակոբավանք - Sputnik Արմենիա
2/7

Հակոբավանք

© Sputnik / Aram Nersesyan

Տեր Հովհաննես քահանա Հովհաննիսյանը

Տեր Հովհաննես քահանա Հովհաննիսյանը - Sputnik Արմենիա
3/7

Տեր Հովհաննես քահանա Հովհաննիսյանը

© Sputnik / Aram Nersesyan

Հակոբավանքի մուտքը

Հակոբավանքի մուտքը - Sputnik Արմենիա
4/7

Հակոբավանքի մուտքը

© Sputnik / Aram Nersesyan

Հակոբավանքի եկեղեցիներից մեկը

Հակոբավանքի եկեղեցիներից մեկը - Sputnik Արմենիա
5/7

Հակոբավանքի եկեղեցիներից մեկը

© Sputnik / Aram Nersesyan

Հակոբավանք

Հակոբավանք - Sputnik Արմենիա
6/7

Հակոբավանք

© Sputnik / Aram Nersesyan

Քոլատակ գյուղը

Քոլատակ գյուղը - Sputnik Արմենիա
7/7

Քոլատակ գյուղը

1/7

Տեր Հովհաննես քահանա Հովհաննիսյանը

2/7

Հակոբավանք

3/7

Տեր Հովհաննես քահանա Հովհաննիսյանը

4/7

Հակոբավանքի մուտքը

5/7

Հակոբավանքի եկեղեցիներից մեկը

6/7

Հակոբավանք

7/7

Քոլատակ գյուղը

Նա նշեց, որ եկեղեցու վերականգնման գործում անփոխարինելի դեր են խաղում հասարակ քաղաքացիների փոքր նվիրատվությունները, նրանց ցանկացած օգնություն։ Աշխատանքները Գանձասարում և Դադիվանքում ապացուցել են դա։
«Թող բարերարներ լինեն, նվիրատուներ լինեն, բայց նաև ժողովուրդը մասնակցի էս հարցում, որպեսզի ժողովրդի հավատքը էլ ավելի զորանա, և ժողովուրդը էլ ավելի օրհնություն ստանա», – նշեց հայր Հովհաննեսը։
Բացի այդ, նա նախատեսում է Քոլոտակ գյուղից և եկեղեցուց քիչ հեռու մանկական ճամբար կազմակերպել մի քանի հարյուր երեխայի համար։
Լրահոս
0