https://arm.sputniknews.ru/20220521/hhum-bvoghvoqi-cujceri-fvonin-nvor-yntrutjunner-anckacnelu-nakhadrjalner-chkan-pvokhvarchapet-42310163.html
ՀՀ-ում բողոքի ցույցերի ֆոնին նոր ընտրություններ անցկացնելու նախադրյալներ չկան. փոխվարչապետ
ՀՀ-ում բողոքի ցույցերի ֆոնին նոր ընտրություններ անցկացնելու նախադրյալներ չկան. փոխվարչապետ
Sputnik Արմենիա
Մհեր Գրիգորյանը համոզված է, որ բողոքի ալիքի համապատկերում իրավիճակը կզարգանա օրինականությանն ու իրավունքին համահունչ։ 21.05.2022, Sputnik Արմենիա
2022-05-21T12:14+0400
2022-05-21T12:14+0400
2022-05-21T12:52+0400
ընտրություններ
բողոքի ակցիա
հայաստան
դիմադրություն շարժում
մհեր գրիգորյան
https://cdn.am.sputniknews.ru/img/07e6/05/11/42166521_0:0:1358:764_1920x0_80_0_0_b21a2a017f650ab8d6830f70282c1c94.jpg
ԵՐԵՎԱՆ, 21 մայիսի – Sputnik. ՀՀ իշխանությունները նախադրյալներ չեն տեսնում ընդդիմության բողոքների համապատկերում նոր ընտրություններ անցկացնելու համար։ Այս մասին ՌԻԱ Նովոստիին տված հարցազրույցում հայտարարել է ՀՀ փոխվարչապետ Մհեր Գրիգորյանը։Նրա խոսքով` խորհրդարանի 2021 թվականի ընտրությունները պատասխանել են հայաստանյան բողոքի շարժման մասնակիցների հնչեցրած բոլոր հարցերին։Անդրադառնալով ընդդիմության բողոքի թեմային, փոխվարչապետը հավելել է, որ երկրում տիրող իրավիճակը դրամատիզացնել չարժե։ Նա վստահություն է հայտնել, որ իրավիճակը կզարգանա օրինականությանն ու իրավունքին համահունչ։2021 թվականի հունիսի 20-ին Հայաստանում անցկացվեց խորհրդարանի արտահերթ ընտրություն, որին մասնակցեցին 21 կուսակցություններ և 4 դաշինքներ։ ԿԸՀ-ի վերջնական տվյալների համաձայն` Նիկոլ Փաշինյանի «Քաղաքացիական պայմանագիր» կուսակցությունը ստացավ 687 251 քվե (53.92%), ՀՀ երկրորդ նախագահ Ռոբերտ Քոչարյանի «Հայաստան» դաշինքը` 268 165 (21.04%), Սերժ Սարգսյանի «Պատիվ ունեմ» դաշինքը՝ 66 633 (5.23%)։Ու թեև վերջինը չէր հաղթահարել անցողիկ 7%-ի շեմը, օրենքի համաձայն` անցավ խորհրդարան, քանի որ օրենսդրական մարմնում պարտադիր է առնվազն 3 քաղաքական ուժի ներկայությունը։Փաշինյանի կուսակցությունը նոր խորհրդարանում ստացել է 71 մանդատ, Քոչարյանի և Սարգսյանի դաշինքները՝ համապատասխանաբար 29 և 7։Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ընտրություններ, բողոքի ակցիա, հայաստան, դիմադրություն շարժում, մհեր գրիգորյան
ընտրություններ, բողոքի ակցիա, հայաստան, դիմադրություն շարժում, մհեր գրիգորյան
ՀՀ-ում բողոքի ցույցերի ֆոնին նոր ընտրություններ անցկացնելու նախադրյալներ չկան. փոխվարչապետ
12:14 21.05.2022 (Թարմացված է: 12:52 21.05.2022) Մհեր Գրիգորյանը համոզված է, որ բողոքի ալիքի համապատկերում իրավիճակը կզարգանա օրինականությանն ու իրավունքին համահունչ։
ԵՐԵՎԱՆ, 21 մայիսի – Sputnik. ՀՀ իշխանությունները նախադրյալներ չեն տեսնում ընդդիմության բողոքների համապատկերում նոր ընտրություններ անցկացնելու համար։ Այս մասին
ՌԻԱ Նովոստիին տված հարցազրույցում հայտարարել է ՀՀ փոխվարչապետ Մհեր Գրիգորյանը։
Նրա խոսքով` խորհրդարանի 2021 թվականի ընտրությունները պատասխանել են հայաստանյան բողոքի շարժման մասնակիցների հնչեցրած բոլոր հարցերին։
«2021 թվականի հունիսին ՀՀ-ում անցկացված լիովին ժողովրդավարական, ազատ և օրինական խորհրդարանական ընտրությունները տվեցին բոլոր այն հարցերի պատասխանները, որոնք այսօր արծարծվում են փոքրամասնության բողոքի շարժմամբ»,- ասել է նա՝ պատասխանելով այն հարցին, թե արդյոք իշխանություններն արտահերթ ընտրություններ կանցկացնե՞ն։
Անդրադառնալով ընդդիմության բողոքի թեմային, փոխվարչապետը հավելել է, որ երկրում տիրող իրավիճակը դրամատիզացնել չարժե։ Նա վստահություն է հայտնել, որ իրավիճակը կզարգանա օրինականությանն ու իրավունքին համահունչ։
2021 թվականի հունիսի 20-ին
Հայաստանում անցկացվեց խորհրդարանի արտահերթ ընտրություն, որին մասնակցեցին 21 կուսակցություններ և 4 դաշինքներ։ ԿԸՀ-ի վերջնական տվյալների համաձայն` Նիկոլ Փաշինյանի «Քաղաքացիական պայմանագիր» կուսակցությունը ստացավ 687 251 քվե (53.92%), ՀՀ երկրորդ նախագահ Ռոբերտ Քոչարյանի «Հայաստան» դաշինքը` 268 165 (21.04%), Սերժ Սարգսյանի «Պատիվ ունեմ» դաշինքը՝ 66 633 (5.23%)։
Ու թեև վերջինը չէր հաղթահարել անցողիկ 7%-ի շեմը, օրենքի համաձայն` անցավ խորհրդարան, քանի որ օրենսդրական մարմնում պարտադիր է առնվազն 3 քաղաքական ուժի ներկայությունը։
Փաշինյանի կուսակցությունը նոր խորհրդարանում ստացել է 71 մանդատ, Քոչարյանի և Սարգսյանի դաշինքները՝ համապատասխանաբար 29 և 7։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ
հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը
հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները
վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
