https://arm.sputniknews.ru/20220523/artarzhujti-pvopvokhutjuny-kazdi-gneri-vra-amirkhanjany-hajastanjan-paradvoqsneri-masin-42372293.html
Արտարժույթի փոփոխությունը կազդի՞ գների վրա. Ամիրխանյանը` հայաստանյան պարադոքսների մասին
Արտարժույթի փոփոխությունը կազդի՞ գների վրա. Ամիրխանյանը` հայաստանյան պարադոքսների մասին
Sputnik Արմենիա
«Հայացք» վերլուծական կենտրոնի փորձագետ, տնտեսագետ Լիլյա Ամիրխանյանը Sputnik Արմենիայի եթերում անդրադարձել է այն հարցին, թե ինչու են սպառողական ապրանքների գները... 23.05.2022, Sputnik Արմենիա
2022-05-23T23:59+0400
2022-05-23T23:59+0400
2022-05-23T23:59+0400
ռադիո
հայաստան
դոլար
ռուբլի
տնտեսագետ
պոդկաստ
https://cdn.am.sputniknews.ru/img/07e6/05/17/42372183_0:0:1601:901_1920x0_80_0_0_e4d9299f40ebd9c7e21175a471fb7912.jpg
Ամիրխանյան. Արտարժույթի փոփոխությունը կարճաժամկետ կտրվածքով ազդեցություն չի թողնի ապրանքների գնի վրա
Sputnik Արմենիա
Ամիրխանյան. Արտարժույթի փոփոխությունը կարճաժամկետ կտրվածքով ազդեցություն չի թողնի ապրանքների գնի վրա
Արտարժույթի փոփոխությունը կարճաժամկետ կտրվածքով ազդեցություն չի թողնի ապրանքների գնի վրա, իսկ արագ արձագանք կարող է լինել կատարյալ մրցակցային իրավիճակի դեպքում։ Sputnik Արմենիայի հետ զրույցում այս տեսակետը հայտնեց տնտեսագետ Լիլյա Ամիրխանյանը։Ըստ նրա` նման իրավիճակը ենթադրում է, որ շուկայի մասնակիցներից մեկը կարող է հետագայում պլանավորել, որ արտարժույթի նվազման պարագայում հետագա գնումներն ունենալու են այլ հաշվարկներ, և խմբաքանակի որոշակի պակասը գների նվազման դեպքում կարելի է կոմպենսացնել հետագա գնման ժամանակ և, զուտ մրցակցությունից ելնելով, որոշակի կարճաժամկետ գործողություններ իրականացնել, սակայն մեզ մոտ նման իրավիճակ չկա։Ամիրխանյանի գնահատմամբ`երբ պետական վերահսկողությունը պատշաճ մակարդակում չէ, առևտրային և մասնավոր որոշ կազմակերպություններ կարող են գերշահույթ ստանալու տրամաբանությամբ գործել, ինչին վերջին շրջանում ականատես ենք եղել բազմաթիվ անգամ` հաշվի առնելով նաև արտաքին գործընթացները։Տնտեսագետի համոզմամբ` նման իրավիճակում առաջնային անելիք ունի Մրցակցության պաշտպանության հանձնաժողովը։«Բայց այդ կառույցը, ցավոք, հայտնի է դանդաղ գործելակերպով, գուցե գործիքակազմի ոչ արդյունավետ և օպտիմալ լինելու պատճառով, և հաճախ, երբ շուկայի վերաբերյալ կատարվում է վերլուծություն, ապա նույնիսկ խախտում հայտնաբերելու և որևէ տուգանք նշանակելու դեպքում առաջանում է շատ պարզ հարցադրում, թե գերշահույթ ստացած տնտեսվարողի համար արդյոք ավելի ձեռնտու չէ պահից օգտվելով ստանալ գերշահույթներ, թեկուզ հետագայում դրանց որոշ մասը տուգանքներին ուղղելու համար»,– նշեց տնտեսագետը։Ի՞նչ է կատարվում դրամի հետ, ու ի՞նչ սպասել առաջիկայում. վերլուծում է Վարդան ԱրամյանըԱմիրխանյանը կարևորեց պետական վերահսկողությունը նաև այն առումով, որ բարձր մրցակցային իրավիճակ (հատկապես ներկրվող ապրանքների մասով) չունենք։ Ըստ նրա` և՛ արտաքին, և՛ ներքին գնաճային ճնշումներն այնքան շատ են, որ անհրաժեշտ է առանձին վերլուծություն` հասկանալու, թե կոնկրետ տարադրամի փոխարժեքի տատանումները ինչ համամասնական ազդեցություն ունեն գների վրա, բայց դա որևէ կերպ չի նվազեցնում պետական պատշաճ վերահսկողության անհրաժեշտությունը։Նշենք, որ ԿԲ–ի տվյալներով` Ուկրաինայի նկատմամբ ՌԴ հատուկ ռազմական գործողության մեկնարկից ի վեր ԱՄՆ դոլարի փոխարժեքը ՀՀ դրամի նկատմամբ կտրուկ բարձրացել էր մարտի 11-ին` հասնելով 518.28 դրամի։ Դրանից հետո դոլարի փոխարժեքը սկսել էր ինտենսիվ նվազել` մայիսի 17-ի դրությամբ կազմելով 454.8 դրամ։ Ռուսական ռուբլին ՀՀ դրամի նկատմամբ, հակառակը, եթե կոնֆլիկտի առաջին օրերին կտրուկ արժեզրկվել էր, ապա վերջին մեկ ամսվա ընթացքում արդեն գերազանցել է անգամ նախակոնֆլիկտային փոխարժեքը։ Այսպես` եթե փետրվարի 22-ին ռուսական ռուբլու` ԿԲ–ի սահմանած փոխարժեքը 6 դրամ էր, մարտի 7-ին այն հասավ նվազագույն 3.74 դրամի, իսկ այսօր արդեն 7.89 դրամ Է։«Դոլարավազք» Հայաստանում չսկսվեց, ինչպես 2014-ին
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, դոլար, ռուբլի, տնտեսագետ, պոդկաստ, аудио
հայաստան, դոլար, ռուբլի, տնտեսագետ, պոդկաստ, аудио
Արտարժույթի փոփոխությունը կազդի՞ գների վրա. Ամիրխանյանը` հայաստանյան պարադոքսների մասին
«Հայացք» վերլուծական կենտրոնի փորձագետ, տնտեսագետ Լիլյա Ամիրխանյանը Sputnik Արմենիայի եթերում անդրադարձել է այն հարցին, թե ինչու են սպառողական ապրանքների գները շարունակում բարձր մնալ արտարժույթի նկատմամբ դրամի կարգավորման պայմաններում։
Արտարժույթի փոփոխությունը կարճաժամկետ կտրվածքով ազդեցություն չի թողնի ապրանքների գնի վրա, իսկ արագ արձագանք կարող է լինել կատարյալ մրցակցային իրավիճակի դեպքում։
Sputnik Արմենիայի հետ զրույցում այս տեսակետը հայտնեց տնտեսագետ Լիլյա Ամիրխանյանը։
Ըստ նրա` նման իրավիճակը ենթադրում է, որ շուկայի մասնակիցներից մեկը կարող է հետագայում պլանավորել, որ արտարժույթի նվազման պարագայում հետագա գնումներն ունենալու են այլ հաշվարկներ, և խմբաքանակի որոշակի պակասը գների նվազման դեպքում կարելի է կոմպենսացնել հետագա գնման ժամանակ և, զուտ մրցակցությունից ելնելով, որոշակի կարճաժամկետ գործողություններ իրականացնել, սակայն մեզ մոտ նման իրավիճակ չկա։
«Ավելին` ունենք մեկ այլ պարադոքս, երբ նույն դոլարի թանկացման դեպքում տնտեսվարողները շատ արագ սպառողական ապրանքների գները բարձրացնում են այդ հիմնավորմամբ, սակայն հակառակը տեղի չի ունենում։ Այս ամենի պատճառը մեծապես պայմանավորված է պետական վերահսկողական մեխանիզմների անգործության կամ առնվազն անարդյունավետ գործելու հանգամանքով»,– ասաց տնտեսագետը։
Ամիրխանյանի գնահատմամբ`երբ պետական վերահսկողությունը պատշաճ մակարդակում չէ, առևտրային և մասնավոր որոշ կազմակերպություններ կարող են գերշահույթ ստանալու տրամաբանությամբ գործել, ինչին վերջին շրջանում ականատես ենք եղել բազմաթիվ անգամ` հաշվի առնելով նաև արտաքին գործընթացները։
Տնտեսագետի համոզմամբ` նման իրավիճակում առաջնային անելիք ունի Մրցակցության պաշտպանության հանձնաժողովը։
«Բայց այդ կառույցը, ցավոք, հայտնի է դանդաղ գործելակերպով, գուցե գործիքակազմի ոչ արդյունավետ և օպտիմալ լինելու պատճառով, և հաճախ, երբ շուկայի վերաբերյալ կատարվում է վերլուծություն, ապա նույնիսկ խախտում հայտնաբերելու և որևէ տուգանք նշանակելու դեպքում առաջանում է շատ պարզ հարցադրում, թե գերշահույթ ստացած տնտեսվարողի համար արդյոք ավելի ձեռնտու չէ պահից օգտվելով ստանալ գերշահույթներ, թեկուզ հետագայում դրանց որոշ մասը տուգանքներին ուղղելու համար»,– նշեց տնտեսագետը։
Ամիրխանյանը կարևորեց պետական վերահսկողությունը նաև այն առումով, որ բարձր մրցակցային իրավիճակ (հատկապես ներկրվող ապրանքների մասով) չունենք։ Ըստ նրա` և՛ արտաքին, և՛ ներքին գնաճային ճնշումներն այնքան շատ են, որ անհրաժեշտ է առանձին վերլուծություն` հասկանալու, թե կոնկրետ տարադրամի փոխարժեքի տատանումները ինչ համամասնական ազդեցություն ունեն գների վրա, բայց դա որևէ կերպ չի նվազեցնում պետական պատշաճ վերահսկողության անհրաժեշտությունը։
Նշենք, որ ԿԲ–ի տվյալներով` Ուկրաինայի նկատմամբ ՌԴ հատուկ ռազմական գործողության մեկնարկից ի վեր ԱՄՆ դոլարի փոխարժեքը ՀՀ դրամի նկատմամբ կտրուկ բարձրացել էր մարտի 11-ին` հասնելով 518.28 դրամի։ Դրանից հետո դոլարի փոխարժեքը սկսել էր ինտենսիվ նվազել` մայիսի 17-ի դրությամբ կազմելով 454.8 դրամ։ Ռուսական ռուբլին ՀՀ դրամի նկատմամբ, հակառակը, եթե կոնֆլիկտի առաջին օրերին կտրուկ արժեզրկվել էր, ապա վերջին մեկ ամսվա ընթացքում արդեն գերազանցել է անգամ նախակոնֆլիկտային փոխարժեքը։ Այսպես` եթե փետրվարի 22-ին ռուսական ռուբլու` ԿԲ–ի սահմանած փոխարժեքը 6 դրամ էր, մարտի 7-ին այն հասավ նվազագույն 3.74 դրամի, իսկ այսօր արդեն 7.89 դրամ Է։
