ՀՀ կառավարությունն առաջարկում է սահմաններին ներդնել «մեկ պատուհանի» սկզբունքը

© Sputnik / Gor MargaryanՀայ–վրացական սահման
Հայ–վրացական սահման - Sputnik Արմենիա, 1920, 24.05.2022
Հայ–վրացական սահման. Արխիվային լուսանկար
Բաժանորդագրվեք
Yandex newsTelegram
Գործադիրն առաջարկում է նաև կրճատել սահմանն անցնելու համար հսկողությանը ներգրավված կառույցների թիվը։
ԵՐԵՎԱՆ, 24 մայիսի – Sputnik. ՀՀ կառավարությունն առաջարկում է սահմանային անցակետերից դուրս բերել ոստիկանության և սննդամթերքի անվտանգության տեսչական մարմնի աշխատակիցներին։ Նախագիծը ներկայացրել է ՊԵԿ փոխնախագահ Ծովինար Սողոմոնյանը:
Մարտ ամսին կառավարության նիստում Պետեկամուտների կոմիտեի նախագահ Ռուստամ Բադասյանը ներկայացրեց որոշումների փաթեթը, համաձայն որի պետք է օպտիմալացնեն սահմանի տարբեր պետական մարմինների վերահսկողությունը և ներդնեն «մեկ պատուհանի» սկզբունքը:
Այժմ պետական սահմանին աշխատում են մի քանի կառույցի ներկայացուցիչներ՝ ԱԱԾ (սահմանապահներ), մաքսային ծառայություն, սննդամթերքի անվտանգության տեսչական մարմին, ոստիկանություն և տրանսպորտի տեսչական մարմին։
Ըստ Սողոմոնյանի՝ առաջարկվում է փոփոխություններ կատարել մի շարք օրենքներում, ինչի արդյունքում սահմանին կմնա միայն 2 կառույց՝ ԱԱԾ–ն և մաքսային մարմինները։
Մյուս պետական կառույցների գործառույթները կբաշխվեն նրանց միջև։
«Եթե ապրանքի ավելի մանրակրկիտ հետազոտման անհրաժեշտություն առաջանա, ապա դրանք կուղղվեն համապատասխան տերմինալներ, որտեղ սննդամթերքի անվտանգության տեսչական մարմնի ներկայացուցիչները կկարողանան լիարժեք իրականացնել իրենց գործառույթները»,- ասաց Սողոմոնյանը:
Կորոնավիրուսի հետ կապված իրավիճակը հաշվի առնելով՝ սահմանին թույլատրվում է այլ մարմինների ներկայացուցիչների ժամանակավոր տեղակայումը. դրա համար անհրաժեշտ կլինի կառավարության որոշումը։
Ավելի վաղ ՊԵԿ նախագահ Ռուստամ Բադասյանը հայտարարել էր, որ նախատեսվում է ներդնել նաև նախնական հայտարարագրման նախագիծը: Նախագծի պիլոտային օգտագործումը (20 դեպք) թույլ է տվել գրանցման ժամանակը կրճատել մի քանի օրից մինչև մի քանի ժամ:
Լրահոս
0