Մտնենք ԱԳՆ և փոխանցենք, որ Արցախը երբեք չի լինելու Ադրբեջանի կազմում. Սաղաթելյան

© Sputnik / Aram NersesyanԻշխան Սաղաթելյան
Իշխան Սաղաթելյան - Sputnik Արմենիա, 1920, 24.05.2022
Բաժանորդագրվեք
Yandex newsTelegram
Իշխան Սաղաթելյանը հայտնեց, որ քաղաքացիներն առաջարկել են մտնել ԱԳ նախարարություն և պաշտոնյաներին փոխանցել իրենց ասելիքը։
ԵՐԵՎԱՆ, 24 մայիսի – Sputnik. ԱԺ ընդդիմադիր պատգամավորները որոշեցին մտնել արտաքին գործերի նախարարության շենք, որպեսզի ՀՀ քաղաքացիների պահանջը փոխանցեն։ «Դիմադրություն» շարժման ղեկավարներից Իշխան Սաղաթելյանը հայտնեց, որ հենց քաղաքացիներն են նման առաջարկ արել։
«Կա առաջարկություն, որ ԱԺ ընդդիմադիր պատգամավորները բարձրանան ԱԳՆ և մոտիկից բոլոր պաշտոնյաներին փոխանցեն ձեր ուղերձը, որ Արցախը հանձնելու իրավունք չունեն, և Արցախը չի կարող լինել Ադրբեջանի կազմում»,- ասաց Սաղաթելյանը։
Այժմ պատգամավորները բանակցություններ են վարում ոստիկանների հետ։
Սաղաթելյանը հավելեց, որ կա պաշտոնական հայտարարություն, ըստ որի` Ադրբեջանի նախագահ Իլհամ Ալիևը հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ` ասելով, որ Բրյուսելում համաձայնության են եկել «Զանգեզուրի միջանցքի» բացման շուրջ։
Հավելենք, որ որոշ ժամանակ անց ընդդիմադիր պատգամավորները, բացի Իշխան Սաղաթելյանից, մտան ԱԳՆ շենք։
Մինչ բանակցություններ էին ընթանում՝ ընդդիմադիրները Արցախի դրոշի կպչաթղթերով ԱԳՆ-ի շենքի մի մասում հավաքեցին «Արցախ» բառը։
© Sputnik / Aram NersesyanԸնդդիմադիրները Արցախի դրոշի կպչաթղթերով ԱԳՆ-ի շենքի մի մասում հավաքեցին «Արցախ» բառը
Оппозиция заблокировала входы правительственного здания на улице Вазгена Саркисяна (24 мая 2022). Еревaн - Sputnik Արմենիա, 1920, 24.05.2022
Ընդդիմադիրները Արցախի դրոշի կպչաթղթերով ԱԳՆ-ի շենքի մի մասում հավաքեցին «Արցախ» բառը
Հիշեցնենք, որ «Դիմադրություն» շարժման անդամներն ու կողմնակիցները Իշխան Սաղաթելյանը կոչով առավոտյան շրջափակել են ԱԳՆ շենքի մուտքերը։
«ԱԳ նախարարն այլևս չի սպասարկում Հայաստանի շահերը, պետք է շրջափակենք ամբողջ շենքը՝ բոլոր մուտքերով»,- հայտարարել էր նա։
Հիշեցնենք՝ մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։ Ընդդիմադիրները պահանջում են վարչապետ Նիկոլ Փաշինյանի հրաժարականը։
Լրահոս
0