Հույս ունենք՝ այս տարի ավելի քիչ ջրային պրոբլեմ կունենանք. ՀՀ էկոնոմիկայի նախարար

© Photo : Facebook / Vahan Kerobyan/Վահան ՔերոբյանԷկոնոմիկայի նախարար Վահան Քերոբյանը հանդիպել է գործարարների հետ Հայ-չինական առևտրատնտեսական համագործակցության ընդլայնման հարցերով (20 հունվարի, 2022թ). Երևան
Էկոնոմիկայի նախարար Վահան Քերոբյանը հանդիպել է գործարարների հետ Հայ-չինական առևտրատնտեսական համագործակցության ընդլայնման հարցերով (20 հունվարի, 2022թ). Երևան - Sputnik Արմենիա, 1920, 26.05.2022
Բաժանորդագրվեք
Yandex newsTelegram
Վահան Քերոբյանի խոսքով, ջրամբարների լցվածության վերաբերյալ տվյալներն այս տարի ավելի լավն են, քան անցած տարվանը։
ԵՐԵՎԱՆ, 26 մայիսի – Sputnik. ՀՀ էկոնոմիկայի նախարար Վահան Քերոբյանը հույս ունի, որ այս տարի` եղանակային պայմանների ու կառավարության իրականացրած աշխատանքների արդյունքում, գյուղացիները ջրի ավելի քիչ խնդիր կունենան, քան անցյալ տարի։
Այս մասին Քերոբյանը հայտնեց կառավարության նիստից հետո լրագրողների հետ ճեպազրույցում։
«Մենք մեծացնում ենք մեր ներդրումները ջրային ոլորտի զարգացման մեջ։ Սա մեկ օրվա խնդիր չէ, և ձեր հարցին, թե արդյոք այս տարի գյուղացիները կունենա՞ն ջրի խնդիր, թե՞ ոչ, ես չեմ կարող պատասխանել։ Բայց այնուամենայնիվ, այն տվյալները, որ մենք ունենք այսօր ջրամբարների լցվածության վերաբերյալ , ավելի լավն են, քան անցած տարվանը։ Մենք հույս ունենք, որ այս տարի շատ ավելի քիչ ջրային պրոբլեմ կունենանք» ,– ասաց նախարարը։
Экономическая активность Армении - Sputnik Արմենիա, 1920, 31.01.2022
2021թ.-ը` թվերով. գներն աճում են, գյուղատնտեսությունը անկում է ապրում
Վահան Քերոբյանը նաև հիշեցրեց, որ ջրային ռեֆորմների շրջանակներում ՀՀ կառավարության ծրագրով 15 ջրամաբարների շինարարություն է նախատեսվում, որոնցից 2-ն արդեն շինարարության փուլում են։
Հիշեցնենք` գյուղատնտեսական արտադրանքի նվազումը 2021թ-ին պատկան մարմինները մեկնաբանում էին այդ տարվա անբարենպաստ չոր եղանակով ու կորոնավիրուսային ճգնաժամի թողած բացասական ազդեցությամբ։
Պաշտոնական վիճակագրության համաձայն, Հայաստանի գյուղատնտեսության ոլորտում անկումը 2021թ–ին 2020–ի համեմատ կազմել է -1.1%։
Լրահոս
0