«Միշտ երկաթե վարագույրներից նայես ժողովրդին»․ Սաղաթելյանը՝ Փաշինյանին

© Sputnik / Aram NersesyanԻշխան Սաղաթելյանը բողոքի ակցիային
Իշխան Սաղաթելյանը բողոքի ակցիային - Sputnik Արմենիա, 1920, 26.05.2022
Իշխան Սաղաթելյանը բողոքի ակցիային. Արխիվային լուսանկար
Բաժանորդագրվեք
Yandex newsTelegram
Իշխան Սաղաթելյանը նշեց, որ ընդդիմության նպատակը շենք մտնելը չէ, բայց չնայած դրան, վարչապետը վախեցած է ժողովրդից։
ԵՐԵՎԱՆ, 26 մայիսի – Sputnik. Ընդդիմադիրները շարունակում են մնալ կառավարության շենքի դիմաց։ Այստեղ, բացի մեծաթիվ ոստիկաններից, նաև այլ «պաշտպանական» մեթոդներ են կիրառում ցուցարարների դեմ` դռների և պատուհանների վրա երկաթյա վարագույրներ են կախված։ Բացի այդ, տանիքներին նկատելի են դիպուկահարներ։

Իշխան Սաղաթելյանը նշեց, որ ընդդիմության նպատակը շենք մտնելը չէ, բայց չնայած դրան, վարչապետը վախեցած է ժողովրդից։ «Միշտ երկաթե վարագույրներից ես այսուհետ նայելու ժողովրդիդ»,- Փաշինյանին դիմեց Սաղաթելյանը։

Ցուցարարները շարունակում են հանրահավաքը կառավարության շենքի դիմաց։
Նշենք, որ «Դիմադրություն» շարժումը երթով եկել է կառավարության մոտ, որտեղ ենթադրաբար պիտի կայանա Փաշինյանի և Չեռնոգորիայի՝ Հայաստան ժամանած նախագահի հանդիպումը։ Նրանք կամենում են Հայաստան ժամանած ցանկացած բարձրաստիճան հյուրի ասել, որ Փաշինյանը լեգիտիմ չէ և իրավունք չունի բանակցելու հայ ժողովրդի անունից։
Մինչ այդ, բողոքի երթն անցավ Աբովյան փողոցով, որտեղ Չեռնոգորիայի նախագահի կանգ առած հյուրանոցի` Grand Hotel Yerevan-ի պատուհանների տակ ցուցարարները գոչեցին` «Առանց Նիկոլ Հայաստան»։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
Լրահոս
0