Մոսկվան չի ընդունում մեղադրանքները. Պեսկովը` հացահատիկը Ուկրաինայից դուրս բերելու մասին

© Sputnik / Сергей Гунеев / Անցնել ֆոտոբանկԴմիտրի Պեսկով
Դմիտրի Պեսկով - Sputnik Արմենիա, 1920, 26.05.2022
Դմիտրի Պեսկով
Բաժանորդագրվեք
Yandex newsTelegram
ԵՐԵՎԱՆ, 26 մայիսի – Sputnik. Արևմտյան երկրները հայտարարում են, թե ՌԴ–ն արգելափակում է Ուկրաինայի տարածքից Աֆրիկա և այլ պետություններ հացահատիկի մատակարարումները։ Ռուսաստանը կտրականապես հերքում է այդ մեղադրանքները։
«Հակառակը` Արևմուտքի երկրներն են մի շարք ապօրինի գործողություններ ձեռնարկել, որոնք էլ արգելափակման են հանգեցրել», – ասել է ՌԴ նախագահի մամուլի քարտուղար Դմիտրի Պեսկովը։
Նրան հարցրել են` արդյոք դա նշանակո՞ւմ է, որ Արևմուտքի երկրները պետք է չեղարկեն պատժամիջոցները, որպեսզի հացահատիկի մատակարարումները վերականգնվեն։
«Նրանք պետք է չեղարկեն այն ապօրինի որոշումները, որոնք խոչընդոտում են նավով բեռնափոխադրումները, ինչն իր հերթին խոչընդոտում է հացահատիկի արտահանումը և այլն»,– պատասխանել է Պեսկովը։
Ավելի վաղ ՌԴ ԱԳՆ–ն հայտարարել էր, որ լոգիստիկ խնդիրներն ի հայտ են եկել Կիևի մեղքով, որովհետև ուկրաինական զորքերն են ականապատել սեփական ծովային նավահանգիստները։ Գերատեսչությունից շեշտել էին, որ խոսակցությունները, թե սևծովյան նավահանգիստներում Ռուսաստանն է արգելափակել ուկրաինական հացահատիկի արտահանումը, ինչի հետևանքով դեֆիցիտ է առաջացել հացահատիկի շուկայում, ոչ այլ ինչ է, քան սպեկուլյացիա։
Ոչ թե Ռուսաստանն է գլոբալ սովի վտանգի աղբյուրը, այլ պատժամիջոցները. Պեսկով
Օդեսայի ծովային նավահանգստի նախկին աշխատակիցը ՌԻԱ Նովոստիի հետ զրույցում պատմել է, որ Ուկրաինան ԵՄ–ի ճնշման տակ Օդեսայի նավահանգստի պահեստարաններից ցորենի պահուստները դուրս է բերում այլընտրանքային ճանապարհներով՝ անկախ սեփական երկրում հացահատիկի դեֆիցիտի վտանգը հաշվի առնելու։
ՄԱԿ–ին առընթեր ՌԴ մշտական ներկայացուցիչ Վասիլի Նեբենզյան հայտարարել է, որ հացահատիկը Ուկրաինայից դուրս է բերվում ինչպես էշելոններով՝ երկաթուղային ճանապարհով, այնպես էլ բեռնանավերով` Դանուբով։ Նրա խոսքով` Ռուսաստանը հիմնավոր կասկածներ ունի, որ այդ հացահատիկը գնում է ոչ թե սոված Հարավի կարիքները հոգալուն, այլ եվրոպական երկրների պահեստարաններ. այդպես է Ուկրաինան վճարում Արևմուտքի կողմից մատակարարվող սպառազինության դիմաց։
Արևմուտքի մի շարք երկրներ Ուկրաինայի իրավիճակի պատճառով ՌԴ–ի դեմ պատժամիջոցների մի քանի փաթեթ են կիրառել։ ՌԴ անվտանգության խորհրդի փոխնախագահ Դմիտրի Մեդվեդևը, խոսելով ՌԴ–ի դեմ սահմանած պատժամիջոցների հետևանքների մասին, հայտարարել է, որ դրանք համաշխարհային պարենային ճգնաժամի կհանգեցնեն՝ առանձին երկրներում սովի հեռանկարով։
Լրահոս
0