Զոհվածների ծնողները մտնում են ԲԴԽ` հանդիպելու Գագիկ Ջհանգիրյանի հետ

Բաժանորդագրվեք
НовостиTelegram
Երբ ծնողները հայտարարեցին, որ շենք են մտնելու և փորձեցին առաջ գալ, ԲԴԽ-ից որոշում կայացրին, որ ներս կթողնեն ծնողներին։
ԵՐԵՎԱՆ, 26 մայիսի – Sputnik. Զոհված զինծառայողների ծնողներն այս պահին մտնում են ԲԴԽ շենք` հանդիպելու ԲԴԽ նախագահի պաշտոնակատար Գագիկ Ջհանգիրյանի հետ։
Նշենք, որ մի պահ լարված իրավիճակ էր ԲԴԽ-ի մոտ` զոհված զինծառայողների հարազատները փորձեցին մտնել շենք, սակայն մուտքի մոտ ոստիկանական մեծ թվով ուժեր էին կուտակված։ Ոստիկանները հորդորեցին 2 րոպե սպասել, որից հետո ԲԴԽ-ից ասացին` պատրաստ են ընդունել ծնողներին։
«Ի վերջո ընդունվեց մեր պահանջը, որ գոնե 30 ծնող ներս մտնի։ Կմիջնորդենք, որ գոնե լրագրողներն էլ ներս մտնեն»,- ասաց զոհված զինծառայողի ծնող, տուժողի իրավահաջորդ Կարին Տոնոյանը։
Հայտնել ենք, որ զոհվածների ծնողները պահանջում են, որպեսզի վարչապետ Նիկոլ Փաշինյանի դեմ քրեական գործ չհարուցելու որոշման դեմ բողոքի քննությունն անցնի դռնբաց։ Բացի այդ, նրանք ուզում են երրորդ անձի կարգավիճակ ստանալ, որպեսզի կարողանան մասնակցել նիստերին և հարցեր ուղղելու հնարավորություն ունենան։
«Դիմադրություն» շարժման մասնակիցները նույնպես ԲԴԽ-ի մոտ են` զոհվածների ծնողների պահանջին աջակցելու համար։
Լրահոս
0