Հավանաբար ապագայում Իրանն ու Հայաստանը գազի սվոփի տեսքով կհամագործակցեն. Զոհուրի

© Sputnik / Aram NersesyanՀայաստանում Իրանի դեսպան Աբբաս Բադախշան Զոհուրի
Հայաստանում Իրանի դեսպան Աբբաս Բադախշան Զոհուրի - Sputnik Արմենիա, 1920, 27.05.2022
Հայաստանում Իրանի դեսպան Աբբաս Բադախշան Զոհուրի
Բաժանորդագրվեք
Yandex newsTelegram
Հայաստանում Իրանի դեսպանն անդրադարձել է նաև Կապանում Իրանի հյուպատոսություն բացելուն։
ԵՐԵՎԱՆ, 27 մայիսի – Sputnik. Հայաստանում Իրանի դեսպան Աբբաս Բադախշան Զոհուրին հավանական է համարում մոտ ապագայում Իրանի և Հայաստանի միջև գազի սվոփի տեսքով նոր համագործակցությունը։ Ինչպես հայտնում է «Արմենպրեսը», դեսպանն այդ մասին ասել է լրագրողների հետ զրույցում։

«Տեխնիկական և մասնագիտական հարցեր կան, որոնք համապատասխան մասնագետները ուսումնասիրում և քննարկում են: Ճիշտ չի լինի, որ դրանց ավարտից առաջ մենք ցանկանանք ինչ-որ բան ասել: Սպասենք տեխնիկական, մասնագիտական արդյունքներին, բայց արդյունքը, ինչ էլ լինի, երկու երկրների օգտին է լինելու»,- ասել է Զոհուրին։

Նա հավելել է, որ Հայաստանում կայացած հայ-իրանական միջկառավարական 17-րդ նիստի ընթացքում կարևոր թեմաներից մեկը, որ քննարկվել է երկու երկրների միջև, էներգետիկ ոլորտի համաձայնություններն են, որի մի մասը գազի սվոփին է վերաբերվում:
Զոհուրին անդրադարձել է նաև Սյունիքի մարզի Կապան քաղաքում Իրանի հյուպատոսություն բացելուն` ասելով, որ իրանական և հայկական կողմերի միջև պետական մակարդակով համաձայնություն կա. «Աշխատանքները սկսվել են, բայց դեռ համապատասխան տարածքը ձեռք չենք բերել: Դա ապացուցում է այս մարզի կարևորությունը Իրանի և Հայաստանի համար»։
Զոհուրիի խոսքով` դա շատ լավ հնարավորություն կստեղծի Հայաստանի սահմանակից մարզերի և Իրանի սահմանակից նահանգների` Թավրիզի, Արևմտյան Ատրպատականի հետ համագործակցության առումով, առևտրաշրջանառությունը կարող է նոր թափ և նոր իմաստ ստանալ:
Հիշեցնենք` դեկտեմբերի 29-ի նիստում Իրանի կառավարությունը հավանություն է տվել արտաքին գործերի նախարարության` Կապանում հյուպատոսություն բացելու առաջարկին:
Լրահոս
0