Փարիզը պատրաստ է արցախցիներին օգնություն ցուցաբերել. Հարությունյանն ընդունել է Իդալգոյին

© Photo : press office of the President of ArtsakhԱրցախի նախագահն ընդունել է Փարիզի քաղաքապետին
Արցախի նախագահն ընդունել է Փարիզի քաղաքապետին - Sputnik Արմենիա, 1920, 27.05.2022
Արցախի նախագահն ընդունել է Փարիզի քաղաքապետին
Բաժանորդագրվեք
Yandex newsTelegram
Արցախի նախագահի և Փարիզի քաղաքապետի հանդիպումը տեղի է ունեցել ՀՀ Սյունիքի մարզի Գորիս քաղաքում:
ԵՐԵՎԱՆ, 27 մայիսի – Sputnik. Արցախի Հանրապետության նախագահ Արայիկ Հարությունյանն այսօր ընդունել է Փարիզի քաղաքապետ Անն Իդալգոյի գլխավորած ներկայացուցչական պատվիրակությանը:

Տեղի ունեցած առանձնազրույցում ԱՀ նախագահը գոհունակությունն է փոխանցել Փարիզի քաղաքապետին` ցուցաբերած նախաձեռնողականության և համարձակության համար։ Նա ընդգծել է, որ Արցախի իշխանությունները շատ բարձր են գնահատում Ֆրանսիայի քաղաքական շրջանակների հետ պարբերական շփումները:

Անն Իդալգոն իր հերթին նշել է, որ Փարիզը պատրաստակամ է գործադրել անհրաժեշտ ջանքեր Արցախի ժողովրդին մարդասիրական աջակցություն ցուցաբերելու համար:
Այնուհետև տեղի է ունեցել ընդլայնված կազմով հանդիպում, որին մասնակցում էին ԱՀ օրենսդիր և գործադիր մարմինների ներկայացուցիչներ, Ֆրանսիայում ՀՀ դեսպան Հասմիկ Տոլմաջյանը, ՀՅԴ Բյուրոյի անդամներ, Ֆրանսիայի հայկական կազմակերպությունները համակարգող խորհրդի պատասխանատուներ, Սյունիքի մարզպետ Ռոբերտ Ղուկասյանը, պաշտոնատար այլ անձինք: Քննարկվել է հումանիտար բնույթի հարցերի լայն շրջանակ:
Հանդիպումը տեղի է ունեցել ՀՀ Սյունիքի մարզի Գորիս քաղաքում:
Ավելի վաղ հայտնել ենք, որ այսօր պաշտոնական այցով Հայաստան է ժամանել Փարիզի քաղաքապետ Անն Իդալգոն։
Լրահոս
0