«Բարձր ենք գնահատում Ձեր նվիրվածությունը». ՀՀ նախագահն ընդունել է Փարիզի քաղաքապետին
19:19 28.05.2022 (Թարմացված է: 19:21 28.05.2022)
© Photo : official site of the President of RAՀՀ նախագահն ընդունել է Փարիզի քաղաքապետին
ՀՀ նախագահն ընդունել է Փարիզի քաղաքապետին
© Photo : official site of the President of RA
Բաժանորդագրվել
Հանդիպմանն անդրադարձել է եղել համատեղ ծրագրերի անխափան իրականացման ապահովմանը, Արցախի ժողովրդին մարդասիրական ծրագրերով աջակցություն տրամադրելուն։
ԵՐԵՎԱՆ, 28 մայիսի – Sputnik. Հայաստանի Հանրապետության նախագահ Վահագն Խաչատուրյանն այսօր ընդունել է Փարիզի քաղաքապետ Անն Իդալգոյի գլխավորած պատվիրակությանը: Տեղեկությունը հայտնում է նախագահի մամուլի ծառայությունը։
© Photo : official site of the President of RAԱնն Իդալգո
Անն Իդալգո
© Photo : official site of the President of RA
Նախագահը ողջունել է հյուրերին և բարձր գնահատել Երևանի և Փարիզի միջև օրեցօր ամրապնդվող համագործակցությունը և այդ գործում Փարիզի քաղաքապետի անձնական ներգրավվածությունը:
«Վստահ եղեք, որ Հայաստանն ու հայ ժողովուրդը բարձր են գնահատում Ձեր անկեղծ բարեկամությունն ու նվիրվածությունը»,- նշել է Խաչատուրյանը:
© Photo : official site of the President of RAՎահագն Խաչատուրյան
Վահագն Խաչատուրյան
© Photo : official site of the President of RA
Նա մեծապես արժևորել է բարեկամ Ֆրանսիայի բոլոր մակարդակներում հայ ժողովրդին ուղղված բացառիկ համերաշխությունն ու մեծ ուշադրությունը։
Հանդիպմանն անդրադարձել է եղել հայ-ֆրանսիական առանձնահատուկ և ջերմ փոխհարաբերությունների զարգացմանը, համատեղ ծրագրերի անխափան իրականացման ապահովմանը, Արցախի ժողովրդին մարդասիրական ծրագրերով աջակցություն տրամադրելուն, Ադրբեջանի վերահսկողության տակ գտնվող հայկական մշակութային կոթողների պահպանմանը, փոխգործակցության հեռանկարային ուղղություններին:
Հիշեցնենք` Փարիզի քաղաքապետը պաշտոնական այցով Հայաստան է ժամանել մայիսի 26-ին։ Այսօր նա այցելել է Ծիծեռնակաբերդ ու Եռաբլուր։