Միկա Բադալյանը կշարունակի մնալ կալանքի տակ

© Sputnik / Asatur YesayantsՄիկա Բադալյան
Միկա Բադալյան - Sputnik Արմենիա, 1920, 30.05.2022
Բաժանորդագրվեք
Yandex newsTelegram
Բլոգերի փաստաբանը հայտնում է, որ իրենց ներկայացրած միջնորդությունը մերժվել է։
ԵՐԵՎԱՆ, 30 մայիսի – Sputnik. Բլոգեր Միքայել (Միկա) Բադալյանը կշարունակի մնալ կալանքի տակ, դատարանը մերժել է նրա խափանման միջոցը փոխելու միջնորդությունը։ Տեղեկությունն իր ֆեյսբուքյան էջում հայտնել է փաստաբան Էրիկ Ալեքսանյանը։
«Այսօր տեղի է ունեցել Միքայել Բադալյանի նկատմամբ այլ խափանման միջոցի կիրառումը թույլատրելի ճանաչելու մասին պաշտպանության կողմի միջնորդության քննարկումը։ Դատարանը քիչ առաջ մերժեց միջնորդությունը։ Սրանով ևս մեկ անգամ փաստվեց այն հանգամանքը, որ Միքայել Բադալյանը ենթարկվում է քաղաքական հետապնդման»,–ասված է գրառման մեջ։
Հիշեցնենք` Բադալյանը բերման էր ենթարկվել ապրիլի 22-ին Ազատության հրապարակից ու ձերբակալվել։ ՀՀ քննչական կոմիտեի տարածած հաղորդագրության համաձայն` նա, չունենալով նախապատրաստվող ահաբեկչության վերաբերյալ տվյալներ, ապրիլի 11-ին տելեգրամյան իր էջում սուտ հաղորդում է տվել, թե արտակարգ իրավիճակ ստեղծելու համար Հայաստանի տարածքում հնարավոր են ահաբեկչություններ։
Բադալյանին մեղադրանք է առաջադրվել ՀՀ քրեական օրենսգրքի 259-րդ հոդվածով (ահաբեկչության մասին սուտ հաղորդում տալը)։
Միկա Բադալյանին գրավով ազատ արձակելու միջնորդություն է ներկայացվել
Լրահոս
0