Ուղղակի ծաղրում են մեզ. զոհվածների ծնողները կրկին Ջհանգիրյանի մոտ էին գնացել

© Sputnik / Aram NersesyanԿարին Տոնոյան
Կարին Տոնոյան - Sputnik Արմենիա, 1920, 30.05.2022
Բաժանորդագրվեք
Yandex newsTelegram
Զոհվածների ծնողներին Ջհանգիրյանը խոստացել է, որ հաջորդ դատական նիստին առաջին հերթին քննարկվելու է նիստերը դռնբաց անցկացվելու հարցը։
ԵՐԵՎԱՆ, 30 մայիսի – Sputnik. Զոհված զինծառայողների ծնողները կրկին Բարձրագույն դատական խորհուրդ են գնացել և հանդիպել ԲԴԽ նախագահի ԺՊ Գագիկ Ջհանգիրյանի հետ։
Հարցն այն է, որ ասօր Վերաքննիչ քրեական դատարանը, դատավոր Կարեն Բիշարյանի նախագահությամբ, վարչապետ Նիկոլ Փաշինյանի դեմ քրգործ չհարուցելու որոշման դեմ բողոքի քննությունը հետաձգել է։ Իսկ մինչ այն հետաձգելու որոշում կայացնելը դռնփակ ռեժիմով անցկացվող նիստը տևել է 30 րոպե։ Զոհվածների ծնողները նիստից հետո էլ գնացել են ԲԴԽ` իրենց բողոքը հայտնելու։
Մեզ ասաց` դուք հանդիսատես եք. զոհվածների ծնողները դուրս եկան Ջհանգիրյանի հետ հանդիպումից
Ծնողներից Կարին Տոնոյանը լրագրողների հետ զրույցում նշեց, որ Ջհանգիրյանն ասել է` հեռախոսազրույց է ունեցել դատավորի հետ, որն ասել է` չի հասցրել քննել ծնողներին հուզող միջնորդությունը։
«Դատավորն ասել է, որ չի հասցրել քննել նիստերը դռնբաց անցկացնելու միջնորդությունը։ Բայց այդ ինչպե՞ս է, որ նման քրգործին, որտեղ մի քանի հազար զոհի մասին է խոսքը, ընդամենը 30 րոպե ժամանակ է տրամադրում։ Ուղղակի ծաղրում են ծնողներին և մարզերից եկողներին 30 րոպեի համար բերում են նիստի»,–ասաց Տոնոյանը։
Նրա խոսքով` Ջհանգիրյանն ասել է, որ օրվա մեջ մեկ դատավորը 21 գործ է քննում կես ժամ տևողությամբ։ Ուստի, ըստ Տոնոյանի, եթե այսպես շարունակվի, այն կտևի մինչև 2050 թվականը։
Նա տեղեկացրեց նաև՝ Ջհանգիրյանը խոստացել է, որ նիստերն այսուհետ երկար կտևեն և հաջորդ նիստին անմիջապես դռնբաց անցկացվելու հարցը կքննարկվի։
Որևէ նիստ չի լինելու. զոհվածների ծնողները բոյկոտեցին և լքեցին նիստերի դահլիճը
Հայտնել էինք, որ բողոքը ներկայացրել են ԱԺ «Հայաստան» խմբակցության պատգամավոր Արծվիկ Մինասյանն ու փաստաբան Հակոբ Մարտիրոսյանը։ Նրանք վիճարկում են Նիկոլ Փաշինյանի դեմ պետական դավաճանության հիմքով քրեական գործ չհարուցելու՝ Առաջին ատյանի դատարանի որոշումը։
Լրահոս
0