Ընդդիմադիրները վերադարձան նախարարությունների շենքի մոտ. իրավիճակը լարված է

Բաժանորդագրվեք
Yandex newsTelegram
Այժմ իրավիճակը լարված է. ոստիկանների և ակցիայի մասնակիցների միջև հրմշտոց է։
ԵՐԵՎԱՆ, 30 մայիսի – Sputnik. «Դիմադրություն» շարժման մասնակիցները կրկին եկան կառավարության երրորդ մասնաշենքի մոտ։
Նրանք քիչ առաջ այնտեղից հեռացան, սակայն քայլերթով Նալբանդյան փողոցից նորից հետ եկան նույն տարածք։
Այժմ իրավիճակը լարված է. ոստիկանների և ակցիայի մասնակիցների միջև հրմշտոց է։
Նշենք, որ մինչ այդ հայտնի դարձավ նաև, որ ակցիայի ընթացքում տեղի ունեցած հրմշտոցի հետևանքով հիվանդանոց է տեղափոխվել 4 անձ։ Տուժողների թվում նաև ոստիկաններ են եղել։
Ինչպես հաղորդել ենք, «Դիմադրություն» շարժման անդամները Ֆրանսիայի հրապարակից քայլերթով հասել էին նախարարությունների այս մասնաշենքի մոտ։
Շարժման անդամ Իշխան Սաղաթելյանը տեղեկացրել է, որ այսօրվանից այցելելու են պետական գիտական, կրթական տարբեր հաստատություններ` ներկայացնելու հայ-թուրքական և հայ-ադրբեջանական հարաբերությունների մասին իրենց հայտարարության տեքստը։
Հավելենք, որ մայիսի 25-ին հայտնի դարձավ, որ խորհրդարանական երկու ընդդիմադիր՝ «Պատիվ ունեմ» և «Հայաստան» խմբակցությունները, հանդես են եկել արտահերթ նիստ հրավիրելու նախաձեռնությամբ։ Նրանք առաջարկում են, որ ԱԺ-ն հայտարարությամբ հանդես գա, որում, ի թիվս այլ դրույթների, նշվի, որ Արցախը երբեք չի եղել ու չի լինելու Ադրբեջանի կազմում։
Լրահոս
0