Հայաստանում միջին աշխատավարձը մարտ–ապրիլին նվազել է. Փաշինյանը հույս ունի` ժամանակավորապես

© Sputnik / Владимир Астапкович / Անցնել ֆոտոբանկԱրխիվային լուսանկար
Արխիվային լուսանկար - Sputnik Արմենիա, 1920, 31.05.2022
Բաժանորդագրվեք
Yandex newsTelegram
Հունվար–փետրվարին միջին աշխատավարձի 7.1 տոկոսանոց աճը, ըստ վարչապետի, թույլ է տվել որշակիորեն մեղմել այդ ընթացքում գրանցված գնաճի ազդեցությունը։
ԵՐԵՎԱՆ, 31 մայիսի – Sputnik. 2022թ–ի մարտ-ապրիլին Հայաստանում միջին աշխատավարձը նվազել է։ Այսօր ԱԺ–ում 2021թ. պետական բյուջեի կատարման մասին տարեկան հաշվետվության նախնական քննարկման ժամանակ հայտնեց ՀՀ վարչապետ Նիկոլ Փաշինյանը։
Նա հույս հայտնեց, որ երևույթը ժամանակավոր է` սեզոնային։
«Միջին աշխատավարձը հետաքրքիր երևույթ է, որն, ըստ ամենայնի, սեզոնային է. հունվար–փետրվարին մենք համեմատական աճ ենք ունեցել։ Մարտին մենք միջին աշխատավարձի որոշակի անկում ենք ունեցել, որը սեզոնային բնույթ ունի, և հետագայում մենք հույս ունենք, որ աշխատավարձը կշարունակի աճել»,– ասաց Փաշինյանը։
Խոսելով գնաճի մասին, որն ակտիվացել է հատկապես 2022թ–ի փետրվար–մարտ ամիսներին` հասնելով 7.4 տոկոսի, Փաշինյանը նշեց, որ հունվար–փետրվարին միջին աշխատավարձի 7.1 տոկոսանոց աճը թույլ էր տվել որոշակիորեն մեղմել գնաճի ազդեցությունը։
Լրահոս
0