Առաջին շարքում մանկասայլակներով ծնողներն են. ընդդիմությունը երթ է սկսել Երևանի կենտրոնում

Բաժանորդագրվեք
Yandex newsTelegram
Ասպրամ Կրպեյանը երթի մեկնարկից առաջ հայտնեց` ընթացքում անակնկալ է լինելու։
Ֆրանսիայի հրապարակից մեկնարկեց «Դիմադրություն» շարժման քայլերթը։ Այսօր` Երեխաների պաշտպանության օրը, ծնողները երթի են դուրս եկել իրենց երեխաների հետ։
Առաջին շարքում մանկասայլակներով ծնողներն են։ Երթին մասնակցող երեխաների ձեռքներին փուչիկներ կան։
Շարժման անդամներից Ասպրամ Կրպեյանը լրագրողներին հայտնեց` քայլերթի ընթացքում անակնկալ է սպասվում։
Հիշեցնենք` Հայաստանում բողոքի ալիք բարձրացավ ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանը հայտարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ։
Լրահոս
0