2021 թվականին ԵԱՏՄ-ի ՀՆԱ-ն գերազանցել է նախահամավարակային մակարդակը

Բաժանորդագրվեք
Yandex newsTelegram
ԵՏՀ-ի տարեկան հաշվետվության մեջ աճ է արձանագրվել գրեթե բոլոր ցուցանիշներով։ Աննշան անկում է գրանցվել գյուղատնտեսական արտադրության մեջ։
Ռուսաստանն իր 86,3% մասնաբաժնով առաջին տեղն է զբաղեցնում ԵԱՏՄ ՀՆԱ-ում։ Այս մասին նշվում է 2021 թվականի Եվրասիական տնտեսական հանձնաժողովի հաշվետվության մեջ։ Երկրորդ տեղում է Ղազախստանը (9,3%), երրորդում` Բելառուսը (3,3%)։
Ընդհանուր առմամբ, Միության ՀՆԱ-ն կազմել է 2,057 տրլն դոլար, ինչը 2020 թվականի համեմատ ավելի է 4,6%-ով։
ԵԱՏՄ-ում արդյունաբերական արտադրության ծավալը ռեկորդային 1.4 տրլն է կազմել։ Սա ԵԱՏՄ գոյության ողջ ընթացքում ամենաբարձր ցուցանիշն է։

Եվս մեկ ռեկորդ է գրանցվել արտաքին և փոխադարձ առևտրում` 844 մլրդ և 72,6 մլրդ դոլար։ Սա պատմական առավելագույն ցուցանիշն է. նախահամավարակային 2019 թվականի համեմատ աճը կազմել է համապատասխանաբար՝ 14,7% և 17,8%։

ԵԱՏՄ-ից ապրանքների արտահանումն աճել է 44%-ով, ներմուծումը` 22,6%-ով։ Կարևոր է, որ Միության արտահանումը գերազանցում է ներմուծումը. համապատասխանաբար՝ 62% և 38%։
Աննշան անկում է արձանագրվել գյուղատնտեսական արտադրանքի ոլորտում (2020 թվականի համեմատ՝ -1,4 %):
Վերականգնվել է նաև փոխադարձ ներդրումների ծավալը։ 2021 թվականի 9 ամիսների ընթացքում այն գերազանցել է 1.3 մլրդ դոլարը, ինչը 90,5%-ով ավելի է 2020 թվականի համեմատ և 13,2%-ով բարձր՝ նախահամավարակային 2019 թվականի համեմատ։
Լրահոս
0