Կառավարությունը նվազեցնում է «Բարձրավոլտ էլեկտրացանցեր» ՓԲԸ–ի կանոնադրական կապիտալը

© Sputnik / Asatur Yesayants«Հաղթանակ» ԲԷՑ. արխիվային լուսանկար
«Հաղթանակ» ԲԷՑ. արխիվային լուսանկար - Sputnik Արմենիա, 1920, 02.06.2022
Բաժանորդագրվեք
Yandex newsTelegram
2003թ–ից Հայաստանում գործող ջրօգտագործողների ընկերություններից շատերում խողովակաշարերը վթարային վիճակում են։
ԵՐԵՎԱՆ, 2 հունիսի – Sputnik. Կառավարության այսօրվա նիստում ընդունված որոշմամբ «Բարձրավոլտ էլեկտրացանցեր» ՓԲԸ կանոնադրական կապիտալը կնվազեցվի 16 մլն դրամով։
Որոշումն ընդունվել է առանց զեկուցման ու քննարկման։Կառավարության կայքում հրապարակված նախագծից, սակայն, պարզ է դառնում, որ խնդիրը կապված է Սյունիքի մարզի ոռոգման համակարգերի բնականոն շահագործման հետ։
Բանն այն է, որ շուրջ 20 տարի առաջ կազմավորված «Սյունիք» ջրօգտագործողների ընկերության կողմից սպասարկվող Մեղրիի ինքնահոս համակարգի խողովակաշարի որոշ հատվածներ անցնում են «Բարձրավոլտ էլեկտրացանցեր» ՓԲԸ–ին պատկանող տարածքով։
Խողովակաշարի այդ հատվածը վթարված է և ենթակա է վերականգնման։ Վթարավերականգնողական աշխատանքներ կատարելու նպատակով անհրաժեշտություն է առաջացել «Բարձրավոլտ էլեկտրացանցեր» ՓԲԸ-ին պատկանող 140 մետր երկարությամբ և 16,184,568․84 դրամ հաշվեկշռային արժեքով պողպատյա խողովակները հանել ընկերության հաշվեկշռից և անհատույց օգտագործման իրավունքով հանձնել «Սյունիք» ջրօգտագործողների ընկերությանը։
Նշենք, որ «Բարձրավոլտ էլեկտրացանցեր» ՓԲԸ–ն պետական ընկերություն է ու հաշվառված է Հայաստանի Հանրապետության տարածքային կառավարման և ենթակառուցվածքների նախարարության հաշվեկշռում։
2022 թ–ին Երևանում շախմատի 3 միջազգային մրցաշար կանցկացվի
Կառավարության որոշման հիմնավորման մեջ նաև ասվում է, որ 2003թ–ից Հայաստանում գործող ջրօգտագործողների ընկերություններից շատերում է առկա խողովակաշարերի վթարային վիճակ։
Լրահոս
0