Պարտադիր չէ` վարչապետ ու նախարար զանգեն. Փաշինյանը հանձնարարեց վերացնել թաքնված գովազդները

© Sputnik / Asatur YesayantsՆիկոլ Փաշինյան
Նիկոլ Փաշինյան - Sputnik Արմենիա, 1920, 02.06.2022
Բաժանորդագրվեք
Yandex newsTelegram
Անհրաժեշտության դեպքում, Փաշինյանի խոսքով, օրենսդրական փոփոխություն կարվի։
ԵՐԵՎԱՆ, 2 հունիսի – Sputnik. ՀՀ վարչապետ Նիկոլ Փաշինյանն այսօր կառավարության նիստում նշեց, որ ի հեճուկս ընդունված արգելքի` Երևանում շարունակում են շահումով խաղերի թաքնված գովազդներ տեղադրել։

«Թաքնված գովազդի օրինակներ մենք շարունակաբար տեսնում ենք։ Կներե՛ք, բայց պետք չէ, որ վարչապետը, փախվարչապետը կամ բարձրաստիճան պաշտոնյաները նկատեն, զանգեն, ասեն։ Գտե՛ք ձևերը, որ թաքնված այդ գովազդները վերացնեք ընդհանրապես, որևէ տեղում մենք չտեսնենք»,- ասաց Փաշինյանը` հավելելով, որ անհրաժեշտության դեպքում օրենսդրական փոփոխություն կարվի։

Վարչապետը խաղատների ու շահումով խաղերի կազմակերպիչներին կոչ արեց մինչ այդ ինքնուրույն «հավաքել» իրենց գովազդները։
«Պետք չէ կառավարության հետ հարաբերությունները փչացնել ընդհանրապես, հակառակ դեպքում, մենք ստիպված կլինենք այլ միջոցներ ձեռնարկել։ Որևէ տեղ պետք է չլինի այդ օնլայն կազինոների, խաղադրույքների թաքնված որևէ գովազդ»,- ասաց Փաշինյանը։
Երևանի քաղաքապետարանն ապամոնտաժում է ապօրինի տեղադրված և տիրազուրկ գովազդային վահանակները
Հիշեցնենք` մոլախաղի գովազդի սահմանափակումները ՀՀ-ում գործում էին մինչև 2020 թվականի հունվարի 1-ը։ Սակայն դրանից հետո առցանց կազինոների և խաղարկությունների համար բացառություն արվեց` թույլատրելով դրանց արտաքին գովազդը գովազդային վահանակների վրա, ինտերնետում, հեռուստատեսությամբ և ռադիոյով:
Լրահոս
0