Որտեղից ուր ենք հասել. Արցախի ԱԺ պատգամավորը համեմատեց «նախկիններին» ու «ներկաներին»

Մետաքսե Հակոբյան - Sputnik Արմենիա, 1920, 02.06.2022
Բաժանորդագրվեք
Yandex newsTelegram
Արցախի պատգամավորի խոսքով` Արցախի կարգավիճակի նշաձողը ՀՀ ներկայիս իշխանությունն այնքան է իջեցրել, որ խուսափում են անգամ ասել, որ Արցախը չի կարող լինել Ադրբեջանի կազմում։
ԵՐԵՎԱՆ, 2 հունիսի – Sputnik. Այս խաղաղության օրակարգը մեզ ուղիղ տանում է Ադրբեջանին բռնակցելուն: Լրագրողների հետ ճեպազրույցում այս մասին ասաց Արցախի ԱԺ պատգամավոր Մետաքսե Հակոբյանը։
Նա նշեց` երկու օր առաջ Ալեն Սիմոնյանը հայտարեց, որ իրենք չեն խոսում Արցախի կարգավիճակի մասին, քանի որ դա կվնասի բանակցային գործընթացին։
«Եթե նախկիները չէին խոսում Արցախի անկախության ճանաչման մասին, որովհետև դա կխանգարեր բանակցային գործընթացին, հիմա տեսեք, թե մենք ուր ենք հասել, որ իրենք ընդամենն այն միտքը ասելու համար, որ Արցախը չի կարող լինել Ադրբեջանի կազմում, ասում են` դա կվնասի բանակցային գործընթացին։ Որտեղից ուր ենք հասել, ինչպես իրենք են ասում` նշաձողն իջեցրել են»,–ասաց Հակոբյանը։
Անդրադառնալով ՀՀ վարչապետ Նիկոլ Փաշինյանի և Արցախի նախագահ Արայիկ Հարությունյանի հնարավոր հանդիպմանը, Հակոբյանը նշեց, որ Արցախում տեղյակ չեն` նման հանդիպում կայացել է, թե ոչ, բայց թաքուն հանդիպումներն անհանգստացնող են։
Իմ դիրքորոշումը գրված է կառավարության ծրագրում. ԱԻ նախարարը` Արցախի մասին
Լրահոս
0