https://arm.sputniknews.ru/20220603/der-shat-bardzunqner-knvatshenq-slava-sargsjany-gnahatel-e-haj-brncqamartikneri-elujtnery-42769453.html
Դեռ շատ բարձունքներ կնվաճենք. Սլավա Սարգսյանը գնահատել է հայ բռնցքամարտիկների ելույթները
Դեռ շատ բարձունքներ կնվաճենք. Սլավա Սարգսյանը գնահատել է հայ բռնցքամարտիկների ելույթները
Sputnik Արմենիա
Հայտնի մեկնաբանը խոսել է Հայաստանում անցկացված մրցաշարի, մեր երկիրը ներկայացնող բռնցքամարտիկների ելույթների ու մրցավարական սխալների մասին։ 03.06.2022, Sputnik Արմենիա
2022-06-03T13:53+0400
2022-06-03T13:53+0400
2022-06-03T14:12+0400
հայաստան
բռնցքամարտ
մրցավար
հայ
մեդալ
https://cdn.am.sputniknews.ru/img/07e6/06/03/42764034_0:0:1600:901_1920x0_80_0_0_07b908a05cb6c9a80113d7dca55da9d3.jpg
ԵՐԵՎԱՆ, 3 հունիսի – Sputnik. Մարզական մեկնաբան Սլավա Սարգսյանը Եվրոպայի վերջին առաջնությունում Հայաստանի բռնցքամարտի հավաքականի ելույթները դրական է գնահատում, մանավանդ որ երկու արծաթե մեդալները կարող էին լինել նաև ավելի բարձր կարգի։ Նա իր տեսակետը հայտնեց Sputnik Արմենիա մամուլի կենտրոնում հրավիրված ասուլիսում։Անկախ Հայաստանի պատմության մեջ առաջին անգամ բռնցքամարտի Եվրոպայի առաջնությունն անցկացվեց Երևանում, ինչը, ըստ Սարգսյանի, նշանակում է, որ տվյալ մարզաձևը մեզ մոտ զարգանում է, և վերականգնվում են անցյալի լավագույն ավանդույթները։«Վլադիմիր Ենգիբարյանը 1956 թվականին դարձավ օլիմպիական չեմպիոն, դրանից հետո ունեցանք աշխարհի ու Եվրոպայի բազմաթիվ չեմպիոններ։ Հայաստանի անկախացումից հետո առաջացան որոշակի դժվարություններ, և հիմա դրանք հաղթահարվել են։ Մենք այժմ ոչ միայն բարձրակարգ մրցաշարեր ենք անցկացնում, այլև ունենում ենք չեմպիոններ ու մրցանակակիրներ»,- նշեց Սարգսյանը։Անդրադառնալով մրցաշարի ընթացքում գրանցված մրցավարական կոպիտ սխալներին, որոնց պատճառով տուժեցին նաև հայ բռնցքամարտիկներ Նարեկ Մանասյանն ու Արթուր Բազեյանը` մարզական մեկնաբանն ընդգծեց, որ ստեղծվում է տպավորություն, թե մրցավարներն այդ սխալները թույլ են տալիս միտումնավոր կերպով։Խոսելով նաև սիրողական բռնցքամարտից պրոֆեսիոնալ ռինգ անցնելու և այդ համատեքստում հայ մարզիկների հնարավորությունների մասին` Սարգսյանն ընդգծեց, որ պրոֆեսիոնալ բռնցքամարտը սկսվում է սիրողականից, և ովքեր փայլում են սիրողական մակարդակում, հետագա տարիներին փառաբանվում են նաև պրոֆեսիոնալ ռինգում, որն իրենից նաև մեծ շոու է ներկայացնում։ Սարգսյանը վկայակոչեց Վիկ Դարչինյանին և Արթուր Աբրահամին` հավելելով, որ նման ուղի կարող է անցնել նաև Հովհաննես Բաչկովը, առավել ևս, որ նոր չի ապացուցել միջազգային չափանիշներին համապատասխանող իր բարձր կարգը և, ցանկալի է, որ դառնա նաև աշխարհի ու օլիմպիական խաղերի չեմպիոն։Հիշեցնենք` 2022 թվականի մայիսի 21-31-ը Երևանի Կարեն Դեմիրճյանի անվան մարզահամերգային համալիրում անցկացվեց Եվրոպայի բռնցքամարտի մեծահասակների առաջնությունը: Հայաստանի բռնցքամարտի հավաքականը Կարեն Աղամալյանի գլխավորությամբ առաջնությանը ներկայացված էր բոլոր 13 քաշային կարգերում: Հայաստանի պատվիրակները նվաճեցին մեկ ոսկե (63,5 կգ Հովհաննես Բաչկով), երկու արծաթե (57 կգ Արթուր Բազեյան, 81 կգ Ռաֆայել Հովհաննիսյան) և մեկ բրոնզե (92 կգ Նարեկ Մանասյան) մեդալ։Առաջնությանը մասնակցում էին 39 երկիր ներկայացնող ավելի քան 200 մարզիկներ։ Եվրոպայի առաջնության ընդհանուր մրցանակային ֆոնդը 260 հազար դոլար էր կազմում:
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, բռնցքամարտ, մրցավար, հայ, մեդալ
հայաստան, բռնցքամարտ, մրցավար, հայ, մեդալ
Դեռ շատ բարձունքներ կնվաճենք. Սլավա Սարգսյանը գնահատել է հայ բռնցքամարտիկների ելույթները
13:53 03.06.2022 (Թարմացված է: 14:12 03.06.2022) Հայտնի մեկնաբանը խոսել է Հայաստանում անցկացված մրցաշարի, մեր երկիրը ներկայացնող բռնցքամարտիկների ելույթների ու մրցավարական սխալների մասին։
ԵՐԵՎԱՆ, 3 հունիսի – Sputnik. Մարզական մեկնաբան Սլավա Սարգսյանը Եվրոպայի վերջին առաջնությունում Հայաստանի բռնցքամարտի հավաքականի ելույթները դրական է գնահատում, մանավանդ որ երկու արծաթե մեդալները կարող էին լինել նաև ավելի բարձր կարգի։ Նա իր տեսակետը հայտնեց
Sputnik Արմենիա մամուլի կենտրոնում հրավիրված ասուլիսում։
«Մեր բռնցքամարտիկները երիտասարդ են և հետագայում, անկասկած, կգրոհեն նոր բարձունքներ»,- ասաց նա։
Անկախ
Հայաստանի պատմության մեջ առաջին անգամ բռնցքամարտի Եվրոպայի առաջնությունն անցկացվեց Երևանում, ինչը, ըստ Սարգսյանի, նշանակում է, որ տվյալ մարզաձևը մեզ մոտ զարգանում է, և վերականգնվում են անցյալի լավագույն ավանդույթները։
«Վլադիմիր Ենգիբարյանը 1956 թվականին դարձավ օլիմպիական չեմպիոն, դրանից հետո ունեցանք աշխարհի ու Եվրոպայի բազմաթիվ չեմպիոններ։ Հայաստանի անկախացումից հետո առաջացան որոշակի դժվարություններ, և հիմա դրանք հաղթահարվել են։ Մենք այժմ ոչ միայն բարձրակարգ մրցաշարեր ենք անցկացնում, այլև ունենում ենք չեմպիոններ ու մրցանակակիրներ»,- նշեց Սարգսյանը։
Անդրադառնալով մրցաշարի ընթացքում գրանցված մրցավարական կոպիտ սխալներին, որոնց պատճառով տուժեցին նաև հայ բռնցքամարտիկներ Նարեկ Մանասյանն ու Արթուր Բազեյանը` մարզական մեկնաբանն ընդգծեց, որ ստեղծվում է տպավորություն, թե մրցավարներն այդ սխալները թույլ են տալիս միտումնավոր կերպով։
«Նման սխալներ միշտ եղել են և լինելու են, պարզապես պետք է գտնել այդ սխալները կանխելու լուրջ միջոցներ։ Նման խոշոր մրցաշարերում հավաքվում են բարձրակարգ մրցավարներ։ Նրանք կարծես հաշվարկ են անում, թե որ երկրին քանի մեդալ պետք է տալ։ Հայաստանցի բռնցքամարտիկները հանդես էին գալիս տանը, շատ լավ նախապատրաստվել էին մրցաշարին և միանշանակ կարող էին ավելի շատ ու ավելի բարձր փայլի մեդալներ նվաճել»,- նշեց մարզական մեկնաբանը։
Խոսելով նաև սիրողական բռնցքամարտից պրոֆեսիոնալ ռինգ անցնելու և այդ համատեքստում հայ մարզիկների հնարավորությունների մասին` Սարգսյանն ընդգծեց, որ պրոֆեսիոնալ բռնցքամարտը սկսվում է սիրողականից, և ովքեր փայլում են սիրողական մակարդակում, հետագա տարիներին փառաբանվում են նաև պրոֆեսիոնալ ռինգում, որն իրենից նաև մեծ շոու է ներկայացնում։ Սարգսյանը վկայակոչեց Վիկ Դարչինյանին և Արթուր Աբրահամին` հավելելով, որ նման ուղի կարող է անցնել նաև
Հովհաննես Բաչկովը, առավել ևս, որ նոր չի ապացուցել միջազգային չափանիշներին համապատասխանող իր բարձր կարգը և, ցանկալի է, որ դառնա նաև աշխարհի ու օլիմպիական խաղերի չեմպիոն։
Հիշեցնենք` 2022 թվականի մայիսի 21-31-ը Երևանի Կարեն Դեմիրճյանի անվան մարզահամերգային համալիրում անցկացվեց Եվրոպայի բռնցքամարտի մեծահասակների առաջնությունը:
Հայաստանի բռնցքամարտի հավաքականը Կարեն Աղամալյանի գլխավորությամբ առաջնությանը ներկայացված էր բոլոր 13 քաշային կարգերում: Հայաստանի պատվիրակները նվաճեցին մեկ ոսկե (63,5 կգ Հովհաննես Բաչկով), երկու արծաթե (57 կգ Արթուր Բազեյան, 81 կգ Ռաֆայել Հովհաննիսյան) և մեկ բրոնզե (92 կգ Նարեկ Մանասյան) մեդալ։
Առաջնությանը մասնակցում էին 39 երկիր ներկայացնող ավելի քան 200 մարզիկներ։ Եվրոպայի առաջնության ընդհանուր մրցանակային ֆոնդը 260 հազար դոլար էր կազմում:
