ԵՄ-ն վերջնականապես հաստատել է ՌԴ-ի դեմ պատժամիջոցների վեցերորդ փաթեթը

© Sputnik / Алексей ВитвицкийԵվրամիության դրոշներ
Եվրամիության դրոշներ - Sputnik Արմենիա, 1920, 03.06.2022
Բաժանորդագրվեք
Yandex newsTelegram
Պատժամիջոցներն ուժի մեջ կմտնեն պաշտոնական հրապարակումից հետո, այդ ժամանակ հայտնի կդառնան սահմանափակումների տակ հայտնված անձանց անունները։
ԵՐԵՎԱՆ, 3 հունիսի Sputnik. ԵՄ խորհուրդը Ուկրաինայի շուրջ ստեղծված իրավիճակի պատճառով վերջնականապես հաստատել է ՌԴ-ի նկատմամբ պատժամիջոցների վեցերորդ փաթեթը։ Այս մասին ասվում է ԵՄ խորհրդի կայքում հրապարակված հայտարարության մեջ։

«ԵՄ խորհուրդն այսօր որոշում է կայացրել ՌԴ-ին և Բելառուսին ուղղված անհատական և տնտեսական պատժամիջոցների վեցերորդ փաթեթը կիրառելու մասին»,- նշվում է փաստաթղթում։

Այն ավելի ուշ կհրապարակվի ԵՄ պաշտոնական ամսագրում։
Պատժամիջոցներն ուժի մեջ կմտնեն փաստաթղթի պաշտոնական հրապարակումից հետո, այդ ժամանակ հայտնի կդառնան սահմանափակումների տակ հայտնված անձանց անունները։
Ավելի վաղ ԵԽ ղեկավար Շառլ Միշելը հայտարարել է, որ ԵՄ-ն համաձայնեցրել է ՌԴ-ի նկատմամբ պատժամիջոցների վեցերորդ փաթեթը, որով մասամբ արգելք է նախատեսվում ՌԴ նավթի ներմուծման, ՌԴ պետական երեք հեռուստաալիքների հեռարձակման, ինչպես նաև SWIFT համակարգից Սբերբանկն անջատելու համար։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Փետրվարի 21-ից ի վեր, երբ Վլադիմիր Պուտինը հայտարարեց ԼԺՀ-ն ու ԴԺՀ-ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողությունները շարունակվում են արդեն 100-րդ օրը։
Լրահոս
0