Ընդդիմությունը շրջափակում է կառավարական առանձնատների երկու մուտքերը

Բաժանորդագրվեք
Yandex newsTelegram
Ընդդիմադիրները պահանջում են, որ Նիկոլ Փաշինյանը դուրս գա ու պատասխանի Արցախի կարգավիճակի մասին իրենց առաջ քաշած հարցին։
«Դիմադրություն» շարժման երթի մասնակիցներն այս պահին Պռոշյան փողոցում են` կառավարական առանձնատան հարակից հատվածում։
«Դիմադրություն» շարժման անդամ, ԱԺ փոխնախագահ, «Հայաստան» խմբակցության պատգամավոր Իշխան Սաղաթելյանը հայտարարեց, որ պատրաստվում են փակել դեպի կառավարական առանձնատներ տանող երկու ճանապարհները։
«Մեր քաղաքացիների մի մասը կմնան այստեղ, մյուս մասը կգնա գլխավոր մուտքի մոտ»,- ասաց նա։
Ընդդիմադիրները պահանջում են, որ Նիկոլ Փաշինյանը դուրս գա ու պատասխանի Արցախի կարգավիճակի մասին իրենց առաջ քաշած հարցին։
Կառավարական առանձնատան մոտ մեծ թվով ոստիկաններ են կուտակված։
Նշենք, որ 20։00-ին լրացել է ԱԺ արտահերթ նիստին գրանցվելու համար սահմանված 4 ժամը, ինչը նշանակում է, որ ընդդիմության նախաձեռնած արտահերթ նիստն այսօր չկայացավ։
Կառավարության շենքը շրջափակված է. ընդդիմությունը Փաշինյանի հետ հանդիպում է պահանջում
Հիշեցնենք` այսօր ժամը 16։00-ին հրավիրված ԱԺ արտահերթ նիստը հետաձգվեց 4 ժամով` քվորում չլինելու պատճառով։ Նիստին գրանցվել էր 33 պատգամավոր։
ԱԺ Կանոնակարգ օրենքի համաձայն` գրանցումը մնում է բաց ու շարունակվում մինչև անհրաժեշտ թվով պատգամավորների գրանցումը, բայց ոչ ավելի, քան 4 ժամ։
4 ժամ անց, քվորում չապահովելու դեպքում, նիստը ավտոմատ կերպով հայտարարվում է չկայացած։
Հիշեցնենք, որ նիստի օրակարգում ընդգրկված էր «Հայաստան» և «Պատիվ ունեմ» խմբակցությունների հեղինակած «Հայ-ադրբեջանական և հայ-թուրքական հարաբերությունների կապակցությամբ» ԱԺ հայտարարության նախագիծը:
Լրահոս
0