ԵՄ–ն աշխատում է ՌԴ–ի դեմ պատժամիջոցների յոթերորդ փաթեթի վրա. Լեհաստանի ԱԳՆ

Բաժանորդագրվեք
Yandex newsTelegram
Լեհաստանի փոխարտգործնախարարը ցանկություն է հայտնել, որ պատժանիջոցները տարածվեն ՌԴ–ից գազի մատակարարումների, SWIFT համակարգից ՌԴ հերթական բանկերի անջատման վրա։
ԵՐԵՎԱՆ, 4 հունիսիSputnik. ԵՄ–ն աշխատում է ՌԴ–ի նկատմամբ պատժամիջոցների հերթական` յոթերորդ փաթեթի վրա։ Այս մասին ՌԻԱ Նովոստիի փոխանցմամբ` հայտարարել է Լեհաստանի փոխարտգործնախարար Պավել Յաբլոնսկին։
«Իհարկե այո», – ասել է Յաբլոնսկին, պատասխանելով այն հարցին, թե արդյոք մեկնարկել է հերթական փաթեթի մշակումը։
Լեհաստանի փոխարտգործնախարարը ցանկություն է հայտնել, որ պատժամիջոցները տարածվեն ՌԴ–ից գազի մատակարարումների, SWIFT համակարգից ՌԴ հերթական բանկերի անջատման վրա։
«Գազի և SWIFT համակարգի համատեքստում պատժամիջոցներն ավելի կոշտ պետք է լինեն։ Նախևառաջ խոսում եմ «Գազպրոմբանկի» մասին։ Արգելք պետք է դրվի նաև տեխնոլոգիաների վրա, որոնք դեռ կարող են ՌԴ մատակարարվել և կիրառվել ՌԴ–ի կողմից արդյունաբերության մեջ», – ասել է փոխնախարարը։
Նրա խոսքով` պաշտոնական պատժամիջոցներից բացի Լեհաստանն անհրաժեշտ է համարում ԵՄ–ում ռուսական ակտիվների ոչ միայն սառեցումը, այլև առգրավումը։
«Այդ առումով արդեն աշխատանքներ են տարվում»,– ասել է Յաբլոնսկին։
Նշենք` ԵԽ ղեկավար Շառլ Միշելը հունիսի 3–ին հայտարարեց, որ ԵՄ-ն համաձայնեցրել է ՌԴ-ի նկատմամբ պատժամիջոցների վեցերորդ փաթեթը, որով մասամբ արգելք է նախատեսվում ՌԴ նավթի ներմուծման, ՌԴ պետական երեք հեռուստաալիքների հեռարձակման համար, SWIFT համակարգից անջատվում է Սբերբանկը։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Փետրվարի 21-ից ի վեր, երբ Վլադիմիր Պուտինը հայտարարեց ԼԺՀ-ն ու ԴԺՀ-ն ճանաչելու որոշման մասին, ԱՄՆ-ն, Եվրամիությունն ու Արևմուտքի շատ երկրներ պատժամիջոցների շարք սկսեցին Ռուսաստանի դեմ։ Պատժամիջոցներն առնչվում են բանկային ոլորտին, ավիացիային, տնտեսության տարբեր ճյուղերին, կապի ոլորտին և անգամ մշակույթին ու սպորտին։
Ուկրաինայում մարտական գործողությունները շարունակվում են արդեն 101-րդ օրը։
Լրահոս
0