Լատվիայում կարգելեն ռուսական 80 հեռուստաալիքների հեռարձակումը

© Sputnik / Евгений Биятов / Անցնել ֆոտոբանկ«Միր 24» հեռուստակայան
«Միր 24» հեռուստակայան - Sputnik Արմենիա, 1920, 06.06.2022
«Միր 24» հեռուստակայան. Արխիվային լուսանկար
Բաժանորդագրվեք
Yandex newsTelegram
Արգելված ալիքների ցանկում են «Միր», «Օրուժիե», «Իլյուզիոն+», «Կինո 24», «Օխոտա ի րիբալկա», «Պերեց» և այլ հեռուստաալիքներ:
ԵՐԵՎԱՆ, 6 հունիսի - Sputnik. Հունիսի 9-ից Լատվիայում հեռարձակում չեն ունենա ռուսական 80 հեռուստաալիքներ, այդ թվում՝ «Միր»-ը (ստեղծվել է ԱՊՀ երկրների նախաձեռնությամբ)։ Այս մասին հայտնել է ԶԼՄ-ների հարցերով Ազգային խորհրդի ղեկավար Իվարս Աբոլինշը։

«NEPLP-ն այսօր որոշում է ընդունել Լատվիայի տարածքում արգելել 80 հեռուստաալիքների վերահեռարձակումը, այդ թվում՝ ցանկից հանել նաև «Միր» և «Օրուժիե» հեռուստաալիքները։ Հեռուստաալիքները հունիսի 9 - ին այլևս չեն լինելու Լատվիայի տեղեկատվական դաշտում»,- գրել է Աբոլինշը Twitter-ում։

Նրա խոսքով՝ NEPLP-ն որոշել է հունիսի 9-ից հեռարձակման թույլտվություն տալ «Դոժդ» հեռուստաալիքին (ՌԴ-ում ճանաչվել է օտար լրատվամիջոց)։
Ինչպես հաղորդում է LETA գործակալությունը, հեռարձակումը դադարեցնող ալիքների թվում են հայտնվել նաև «E TV-ն», «Իլյուզիոն+»-ը, «Կինո 24»-ը, «Միր TV»-ն, «Օխոտա ի ռիբալկան», «Պերեցը» և «Ռուսական իլյուզիոնը»:
Բալթյան երկրների իշխանությունները բազմիցս խոչընդոտել են ռուսական լրատվամիջոցների աշխատանքը։ Ինչպես հայտարարել են ՌԴ ԱԳՆ-ում, Բալթյան երկրներում ռուսական լրատվամիջոցների նկատմամբ ակնհայտ ճնշումները ցույց են տալիս, թե իրականում ինչ է թաքնված «ժողովրդավարության սկզբունքների և խոսքի ազատության» մասին նրանց հայտարարությունների հետևում։
Լատվիայի ԱԳՆ-ն արգելել է 102 ռուսների մուտքը երկիր, այդ թվում՝ հայտնի դերասանների
Լրահոս
0