Լավրովն ու Չավուշօղլուն քննարկել են հայ-ադրբեջանական և հայ֊թուրքական բանակցությունները

© Sputnik / МИД РФՍերգեյ Լավրովն ու Մևլութ Չավուշօղլուն
Սերգեյ Լավրովն ու Մևլութ Չավուշօղլուն - Sputnik Արմենիա, 1920, 08.06.2022
Բաժանորդագրվեք
Yandex newsTelegram
Թուրքիայի ու Ռուսաստանի արտգործնախարարների ղեկավարած պատվիրակությունները հանդիպել են Անկարայում։
ԵՐԵՎԱՆ, 8 հունիսի – Sputnik. ՌԴ և Թուրքիայի արտգործնախարարները քննարկել են Հայաստան–Թուրքիա և Հայաստան–Ադրբեջան բանակցությունները։ Այս մասին համատեղ ասուլիսի ժամանակ հայտարարեց Թուրքիայի ԱԳՆ Մևլութ Չավուշօղլուն։
«Շնորհակալ ենք Ռուսաստանին այս հարցերին աջակցելու համար»,֊ ասաց Չավուշօղլուն։
Վերջինս նշեց, որ իրենց կարծիքով` տարածաշրջանում կայունության տեսանկյունից կարևոր է, որ Հայաստանի ու Ադրբեջանի միջև ստորագրվի համապարփակ խաղաղության պայմանագիր։
Այսօր Անկարայում ՌԴ արտգործնախարար Սերգեյ Լավրովն ու Չավուշօղլուն երկկողմ հանդիպում են ունեցել, ապա հանդիպել են երկու երկրների պատվիրակությունները։
Թուրք պաշտոնյան նշեց, որ կողմերի միջև քննարկվել են նաև գլխավորապես Ուկրաինայում իրավիճակը, Ուկրաինայից հացահատիկի տեղափոխման խնդիրը, Սիրիայում, Լիբիայում ու Աֆղանստանում առկա իրավիճակները։
Նրա խոսքով՝ Ուկրաինայի հարցով կրկին հավանականություն կա, որ կողմերը կվերադառնան բանակցությունների սեղանին։
Նշենք, որ հունիսի 8-9-ը ՌԴ ԱԳ նախարար Սերգեյ Լավրովն աշխատանքային այցով Երևան կժամանի։
Հունիսի 9-ին ՀՀ ԱԳՆ-ում կկայանա Հայաստանի և Ռուսաստանի ԱԳ նախարարների հանդիպումը: Այցի շրջանակներում նախատեսված են նաև հանդիպումներ ՀՀ նախագահի և վարչապետի հետ։
Լրահոս
0