Դիպուկահարի կրակոցից զոհված Վարդանյանը հետմահու պարգևատրվել է Մարտական ծառայության մեդալով

Մարտական խաչ - Sputnik Արմենիա, 1920, 09.06.2022
Մարտական խաչ
Բաժանորդագրվեք
Yandex newsTelegram
Զինծառայողը պարգևատրվել է հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար։
ԵՐԵՎԱՆ, 9 հունիսի – Sputnik. ՀՀ վարչապետի միջնորդությամբ ՀՀ նախագահ Վահագն Խաչատուրյանը թշնամու դիպուկահարի կրակոցից զոհված ժամկետային պարտադիր զինծառայող Դավիթ Վարդանյանին հետմահու պարգևատրել է Մարտական ծառայության մեդալով, հայտնում են նախագահի մամուլի ծառայությունից:

«Հիմք ընդունելով վարչապետի միջնորդությունը՝ համաձայն Սահմանադրության 136-րդ հոդվածի, ինչպես նաև «Հայաստանի Հանրապետության պետական պարգևների և պատվավոր կոչումների մասին» օրենքի 5.3-րդ հոդվածի 1-ին և 9-րդ մասերի հայրենիքի սահմանները պաշտպանելիս ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության N զորամասի ժամկետային պարտադիր զինծառայող, շարքային Դավիթ Վահանի Վարդանյանին հետմահու պարգևատրել Մարտական ծառայության մեդալով»,- ասված է նախագահի հրամանագրում:

Հայտնել էինք, որ մայիսի 28-ին, ժամը 10:40-ի սահմաններում, ադրբեջանական ԶՈւ ստորաբաժանումները տարբեր տրամաչափի հրաձգային զինատեսակներից, այդ թվում նաև դիպուկահար հրացաններից, կրակ են բացել հայ-ադրբեջանական սահմանի հարավ-արևելյան հատվածում տեղակայված հայկական դիրքերի ուղղությամբ։ Հրազենային վիրավորում էր ստացել պարտադիր ժամկետային զինծառայող, շարքային Դավիթ Վարդանյանը, որի կյանքը չէր հաջողվել փրկել։
Նշենք, որ ՀՀ քննչական կոմիտեում զինծառայողի մահվան դեպքի առթիվ ՀՀ քրեական օրենսգրքի 104-րդ 2-րդ մասի 7-րդ և 13-րդ կետով (ազգային, ռասայական կամ կրոնական ատելության կամ կրոնական մոլեռանդության շարժառիթով սպանությունը) նախատեսված հատկանիշներով հարուցվել է քրեական գործ:
75 օր էր մնացել, որ Դավիթը զորացրվեր. զոհված զինվորի ծնողները պատմել են նրա և դեպքի մասին
Լրահոս
0