Հայ համայնքը մեր երկրի անբաժան մասն է. Չավուշօղլուն ընդունել է հայ հոգևորականներին
15:37 09.06.2022 (Թարմացված է: 17:10 09.06.2022)
© Photo : Twitter / Mevlüt ÇavuşoğluՄևլյութ Չավուշօղլուն ընդունել է Թուրքիայի Հայոց պատրիարք Սահակ Մաշալյանին ու Վատիկանում Մայր Աթոռ Սուրբ Էջմիածնի պաշտոնական ներկայացուցիչ Տեր Խաժակ արքեպիսկոպոս Պարսամյանին։
Մևլյութ Չավուշօղլուն ընդունել է Թուրքիայի Հայոց պատրիարք Սահակ Մաշալյանին ու Վատիկանում Մայր Աթոռ Սուրբ Էջմիածնի պաշտոնական ներկայացուցիչ Տեր Խաժակ արքեպիսկոպոս Պարսամյանին։
© Photo : Twitter / Mevlüt Çavuşoğlu
Բաժանորդագրվել
Թուրք պաշտոնյան նշել է, որ շարունակելու են երկխոսությունն ու շփումները հայ համայնքի ականավոր ներկայացուցիչների հետ։
ԵՐԵՎԱՆ, 9 հունիսի – Sputnik. Թուրքիայի արտաքին գործերի նախարար Մևլյութ Չավուշօղլուն ընդունել է Պոլսո Հայոց պատրիարք Սահակ Մաշալյանին ու Վատիկանում Մայր Աթոռ Սուրբ Էջմիածնի պաշտոնական ներկայացուցիչ Տեր Խաժակ արքեպիսկոպոս Պարսամյանին։
Այս մասին հայտնում է Չավուշօղլուի թվիթերյան պաշտոնական էջը։
«Հայ համայնքը մեր երկրի անբաժան մասն է։ Մենք կշարունակենք մեր երկխոսությունն ու շփումները հայ համայնքի ականավոր ներկայացուցիչների հետ»,– գրել է Թուրքիայի ԱԳ նախարարը։
Հիշեցնենք` ապրիլի 24-ին Թուրքիայի նախագահ Ռեջեփ Թայիփ Էրդողանն ուղերձ էր հղել Պոլսո Հայոց պատրիարք Սահակ Մաշալյանին:
Թուրքիայի նախագահը նշել էր, որ հարգում է «Առաջին աշխարհամարտի տարիների ծանր պայմաններում Օսմանյան պետությունում զոհված հայերի հիշատակը», ցավակցում նրանց թոռներին։
Էրդողանը կոչ էր արել զարգացնել կապերը Հայաստանի հետ` բարիդրացիության և փոխադարձ հարգանքի սկզբունքների հիման վրա: