https://arm.sputniknews.ru/20220610/erevan-e-zhamanel-flaj-arnaji-inqnatiry-hajtni-e-arajin-arevtrajin-chverti-ory-43236731.html
Երևան է ժամանել «Ֆլայ Արնայի» ինքնաթիռը. հայտնի է առաջին առևտրային չվերթի օրը
Երևան է ժամանել «Ֆլայ Արնայի» ինքնաթիռը. հայտնի է առաջին առևտրային չվերթի օրը
Sputnik Արմենիա
Վարչապետն «Էյր Արաբիայի» գլխավոր գործադիր տնօրեն Ադել Ալ Ալիի ուղեկցությամբ շրջել է «Ֆլայ Արնայի» առաջին օդանավով՝ ծանոթացել ուղևորների համար ստեղծված... 10.06.2022, Sputnik Արմենիա
2022-06-10T17:53+0400
2022-06-10T17:53+0400
2022-06-10T18:10+0400
ինքնաթիռ
fly arna
հհ կառավարություն
«զվարթնոց» օդանավակայան
նիկոլ փաշինյան
https://cdn.am.sputniknews.ru/img/07e6/06/0a/43233634_0:50:960:590_1920x0_80_0_0_819abe7e4eb14e8996f132fa85f5f79a.jpg
ԵՐԵՎԱՆ, 10 հունիսի – Sputnik. «Զվարթնոց» օդանավակայան է ժամանել «Ֆլայ Արնա հայկական ազգային ավիաուղիներ» ընկերության առաջին օդանավը։ Տեղեկությունը հայտնում են ՀՀ վարչապետի աշխատակազմից։ԱՄԷ Շարժայի միջազգային օդանավակայանից «Ֆլայ Արնայի» առաջին Airbus A320 օդանավով Հայաստան է ժամանել «Էյր Արաբիա» խմբի պատվիրակությունը։ «Զվարթնոց» միջազգային օդանավակայանում օդանավը դիմավորել են արարողությամբ՝ ջրային կամարով։Հայտնի է` ով է «Ֆլայ Արնա Հայաստանի ազգային ավիաուղիներ» ընկերության գործադիր տնօրենըՄիջոցառմանը ներկա ՀՀ վարչապետ Նիկոլ Փաշինյանը նշել է, որ իրենց համար հստակ է` որևէ գործ ձեռնարկելու դեպքում պետք է ամեն ինչ անեն՝ այն հնարավորինս պատշաճ, բարձր մակարդակով անելու համար:Նրա խոսքով՝ սա ունի բազմակողմ նշանակություն, որովհետև նախաքովիդյան շրջանի ամենակարևոր հաջողություններից մեկն այն էր, որ կառավարությունը կարողացել է քաղաքացիների համար ստեղծել մատչելի գներով ճամփորդելու հնարավորություն:Կառավարության ղեկավարը հույս է հայտնել, որ «Ֆլայ Արնա» ավիաընկերությունն ավելի շատ մարդկանց կբերի Հայաստան և ավելի շատ մարդկանց կտանի Հայաստանից:Վարչապետն «Էյր Արաբիայի» գլխավոր գործադիր տնօրեն Ադել Ալ Ալիի ուղեկցությամբ շրջել է «Ֆլայ Արնայի» առաջին օդանավով՝ ծանոթացել ուղևորների համար ստեղծված պայմաններին:Միջոցառմանը «Ֆլայ Արնան» հայտարարել է իր առաջին առևտրային չվերթի իրականացման օրը: Մեկնարկային G6501 չվերթը «Զվարթնոց» միջազգային օդանավակայանից այս տարվա հուլիսի 3-ին կիրականացվի դեպի Հուրգադայի միջազգային օդանավակայան: «Ֆլայ Արնայի» մեկնարկային ուղղությունները կներառեն նաև ուղիղ չվերթեր, որոնք կկապեն Հայաստանը Շարմ Էլ Շեյխի և Բեյրութի հետ:Միջոցառմանը ներկան են եղել նաև Քաղաքացիական ավիացիայի կոմիտեի նախագահ Տաթևիկ Ռևազյանը, Հայաստանի պետական հետաքրքրությունների ֆոնդի (ԱՆԻՖ) խորհրդի նախագահ Տիգրան Ավինյանը, ԱՆԻՖ-ի գործադիր տնօրեն Դավիթ Փափազյանը, «Էյր Արաբիա» ավիաընկերության գլխավոր գործադիր տնօրեն Ադել Ալ Ալին և պաշտոնատար այլ անձինք:Հիշեցնենք, որ հունիսի 3-ին «Ֆլայ Արնա հայկական ազգային ավիաուղիներ» ավիաընկերությունը ստացել է օդանավ շահագործողի վկայական (AOC) և կանոնավոր առևտրային օդային փոխադրումների իրականացման հավաստագիր (AOL)։Օդային տրանսպորտի միջազգային ասոցիացիայի (IATA) կողմից «Ֆլայ Արնային» հատկացվել է G6 երկնիշ կոդը: Թռիչքները կմեկնարկեն երկու Airbus A320 ինքնաթիռներով։Ընկերությունը գործելու է «Էյր Արաբիա» ընկերության բյուջետային բիզնես մոդելով։
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ինքնաթիռ, fly arna, հհ կառավարություն, «զվարթնոց» օդանավակայան, նիկոլ փաշինյան
ինքնաթիռ, fly arna, հհ կառավարություն, «զվարթնոց» օդանավակայան, նիկոլ փաշինյան
Երևան է ժամանել «Ֆլայ Արնայի» ինքնաթիռը. հայտնի է առաջին առևտրային չվերթի օրը
17:53 10.06.2022 (Թարմացված է: 18:10 10.06.2022) Վարչապետն «Էյր Արաբիայի» գլխավոր գործադիր տնօրեն Ադել Ալ Ալիի ուղեկցությամբ շրջել է «Ֆլայ Արնայի» առաջին օդանավով՝ ծանոթացել ուղևորների համար ստեղծված պայմաններին:
ԵՐԵՎԱՆ, 10 հունիսի – Sputnik. «Զվարթնոց» օդանավակայան է ժամանել «Ֆլայ Արնա հայկական ազգային ավիաուղիներ» ընկերության առաջին օդանավը։ Տեղեկությունը հայտնում են ՀՀ վարչապետի աշխատակազմից։
ԱՄԷ Շարժայի միջազգային օդանավակայանից «Ֆլայ Արնայի» առաջին Airbus A320 օդանավով Հայաստան է ժամանել «Էյր Արաբիա» խմբի պատվիրակությունը։ «Զվարթնոց» միջազգային օդանավակայանում օդանավը դիմավորել են արարողությամբ՝ ջրային կամարով։
Միջոցառմանը ներկա ՀՀ վարչապետ Նիկոլ Փաշինյանը նշել է, որ իրենց համար հստակ է` որևէ գործ ձեռնարկելու դեպքում պետք է ամեն ինչ անեն՝ այն հնարավորինս պատշաճ, բարձր մակարդակով անելու համար:
«Մեր քաղաքական հանձնառությունն է եղել, որ մեր իշխանության տարիներին ավիացիայի ոլորտում պիտի տեղի ունենան էական փոփոխություններ, պետք է ավելի ու ավելի շատ օդանավերի վրա հայտնվեն մեր պետական դրոշի երանգները: Ուրախ եմ, որ այսօր ունենք այս առիթը։ Ահա, Հայաստանի պետական հետաքրքրությունների ֆոնդի և Արաբական Միացյալ Էմիրություններից «Էյր Արաբիայի» մեր գործըկերների մասնակցությամբ հիմնադրում ենք այսպիսի ավիաընկերություն»,– ասել է Փաշինյանը:
Նրա խոսքով՝ սա ունի բազմակողմ նշանակություն, որովհետև նախաքովիդյան շրջանի ամենակարևոր հաջողություններից մեկն այն էր, որ կառավարությունը կարողացել է քաղաքացիների համար ստեղծել մատչելի գներով ճամփորդելու հնարավորություն:
Կառավարության ղեկավարը հույս է հայտնել, որ «Ֆլայ Արնա» ավիաընկերությունն ավելի շատ մարդկանց կբերի Հայաստան և ավելի շատ մարդկանց կտանի Հայաստանից:
«Մեր երկիրը նաև այս իմաստով կդառնա մի խաչմերուկ, որտեղից մարդիկ մեկնում են ճամփորդության և որտեղ վերադառնում են, որտեղ մարդիկ մեկնում են հանգստի, ծանոթանալու, տուրիզմի նպատակով, և այդ մարդիկ իրենց սրտերում պահում են մի մասնիկ Հայաստանից»,- ասել է վարչապետ Փաշինյանը:
Վարչապետն «Էյր Արաբիայի» գլխավոր գործադիր տնօրեն Ադել Ալ Ալիի ուղեկցությամբ շրջել է «Ֆլայ Արնայի» առաջին օդանավով՝ ծանոթացել ուղևորների համար ստեղծված պայմաններին:
Միջոցառմանը «Ֆլայ Արնան» հայտարարել է իր առաջին առևտրային չվերթի իրականացման օրը: Մեկնարկային G6501 չվերթը «Զվարթնոց» միջազգային օդանավակայանից այս տարվա հուլիսի 3-ին կիրականացվի դեպի Հուրգադայի միջազգային օդանավակայան: «Ֆլայ Արնայի» մեկնարկային ուղղությունները կներառեն նաև ուղիղ չվերթեր, որոնք կկապեն Հայաստանը Շարմ Էլ Շեյխի և Բեյրութի հետ:
Միջոցառմանը ներկան են եղել նաև Քաղաքացիական ավիացիայի կոմիտեի նախագահ Տաթևիկ Ռևազյանը, Հայաստանի պետական հետաքրքրությունների ֆոնդի (ԱՆԻՖ) խորհրդի նախագահ Տիգրան Ավինյանը, ԱՆԻՖ-ի գործադիր տնօրեն Դավիթ Փափազյանը, «Էյր Արաբիա» ավիաընկերության գլխավոր գործադիր տնօրեն Ադել Ալ Ալին և պաշտոնատար այլ անձինք:
Օդային տրանսպորտի միջազգային ասոցիացիայի (IATA) կողմից «Ֆլայ Արնային» հատկացվել է G6 երկնիշ կոդը: Թռիչքները կմեկնարկեն երկու Airbus A320 ինքնաթիռներով։
Ընկերությունը գործելու է «Էյր Արաբիա» ընկերության բյուջետային բիզնես մոդելով։
