Հայ բժիշկները ՌԴ-ից ժամանած մասնագետների հետ Երևանում 2 բացառիկ վիրահատություն են արել

© Sputnik / Andranik Ghazaryan«Սուրբ Աստվածամայր» ԲԿ
«Սուրբ Աստվածամայր» ԲԿ - Sputnik Արմենիա, 1920, 10.06.2022
«Սուրբ Աստվածամայր» ԲԿ
Բաժանորդագրվեք
Yandex newsTelegram
ՌԴ ականավոր մասնագետներից կազմված խումբը երկօրյա այցով Հայաստան է ժամանել։ Վիրահատություններից բացի կիրականացվի նաև խորհրդատվություն և հիվանդների բուժզննում։
ԵՐԵՎԱՆ, 10 հունիսի – Sputnik. Հայ բժիշկները երկօրյա այցով Երևան ժամանած ռուսաստանյան գործընկերների հետ «Սուրբ Աստվածամայր» ԲԿ-ում երկու բացառիկ վիրահատություն են անցկացրել։
Հայաստանի և Ռուսաստանի բժիշկների համատեղ աշխատանքը համագործակցության մասին հուշագրի շրջանակում է, որը ստորագրվել է այսօր` հունիսի 10-ին, Մոսկվայի Ն. Ֆիլատովի անվան մանկական քաղաքային կլինիկական հիվանդանոցի գլխավոր բժիշկ Անտոնինա Չուբարովայի և «Սուրբ Աստվածամայր» ԲԿ-ի տնօրեն Նիկոլայ Դալլաքյանի միջև։
© Sputnik / Andranik GhazaryanՀամագործակցության հուշագիր է ստորագրվել Մոսկվայի Ն. Ֆիլատովի անվան մանկական քաղաքային կլինիկական հիվանդանոցի և «Սուրբ Աստվածամայր» ԲԿ-ի միջև
Церемония подписи меморандума о сотрудничестве между московской Детской клинической больницы им.Филатова и ереванским медцентром Сурб Аствацамайр (10 июня 2022). Еревaн - Sputnik Արմենիա, 1920, 10.06.2022
Համագործակցության հուշագիր է ստորագրվել Մոսկվայի Ն. Ֆիլատովի անվան մանկական քաղաքային կլինիկական հիվանդանոցի և «Սուրբ Աստվածամայր» ԲԿ-ի միջև
Հուշագիրը ստորագրվել է «Մոսկվայի տուն» մշակութագործարարական կենտրոնում՝ Մոսկվայի կառավարության, Մոսկվայի առողջապահության դեպարտամենտի, Մոսկվայի արտաքին տնտեսական և միջազգային կապերի դեպարտամենտի ու Երևանի քաղաքապետարանի աջակցությամբ և մասնակցությամբ:
«Նշանակալի է, որ Երևանում «Դոմ Մոսկվի» կենտրոնը մասնակցություն ունի այս կարևոր նախաձեռնությանը: Մոսկվայի կառավարության և Երևանի քաղաքապետարանի այս նախագիծը կծառայի հայ փոքրիկների առողջության պահպանմանը»,- նշեց Երևանում «Դոմ Մոսկվի» կենտրոնի գլխավոր տնօրեն Վահրամ Կարապետյանը։
© Sputnik / Andranik GhazaryanՀամագործակցության հուշագիր է ստորագրվել Մոսկվայի Ն. Ֆիլատովի անվան մանկական քաղաքային կլինիկական հիվանդանոցի և «Սուրբ Աստվածամայր» ԲԿ-ի միջև
Церемония подписи меморандума о сотрудничестве между московской Детской клинической больницы им.Филатова и ереванским медцентром Сурб Аствацамайр (10 июня 2022). Еревaн - Sputnik Արմենիա, 1920, 10.06.2022
Համագործակցության հուշագիր է ստորագրվել Մոսկվայի Ն. Ֆիլատովի անվան մանկական քաղաքային կլինիկական հիվանդանոցի և «Սուրբ Աստվածամայր» ԲԿ-ի միջև
Ինչպես Sputnik Արմենիայի հետ զրույցում ասաց «Սուրբ Աստվածամայր» ԲԿ-ի տնօրեն Նիկոլայ Դալլաքյանը, առաջին վիրահատության դեպքում բժիշկները գործ ունեին հազվագյուտ պաթոլոգիայով ծնված երեխայի հետ։ Փոքրիկը լույս աշխարհ է եկել այսօր, առավոտյան 09.00-ին կեսարյան հատումով։ Պաթոլոգիան հայտնաբերվել է դեռ ներարգանդային զարգացման փուլում։

«Խոսքը լուրջ բնածին պաթոլոգիայի մասին է, վիրահատությունից հետո երեխան պետք է գտնվի խիստ վերահսկողության տակ»,- պարզաբանեց բժիշկը։

Երկրորդ դեպքում բժիշկներն օգնել են 9-ամյա Վահե Մոսինյանին, որը ողբերգական ավտովթարի հետևանքով ստացած այրվածքների պատճառով (վնասված է մաշկի 80%-ն ու շնչուղիները), արդեն իսկ ավելի քան 15 վիրահատություն է տարել։
«Այս վիրահատությունը շնչափողի վերականգնում է նախատեսում», - ասաց Դալլաքյանը։
Հայ բժիշկներին օգնել են ականավոր ռուսաստանցի վիրաբույժ, Ն.Ի. Պիրոգովի անվան ազգային հետազոտական բժշկական համալսարանի մանկական վիրաբուժության ամբիոնի վարիչ Ալեքսանդր Ռազումովսկին և Անտոնինա Չուբարովան։
Արդեն ինքնուրույն ուտում է. 80% այրվածքներ ստացած 8-ամյա Վահեի ձեռքբերումը 1,5 տարում

Ի՞նչ են ասում ռուսաստանցի մասնագետները

Թորակալ վիրաբույժ, ակադեմիկոս Ալեքսանդր Ռազումովսկին նույնպես երկու դեպքերը բարդ անվանեց։ Sputnik Արմենիայի հետ զրույցում նա հույս հայտնեց, որ Վահեի համար սա կլինի վերջին վիրահատությունը, և այն թույլ կտա վերականգնել նորմալ շնչառությունը։ Բժիշկը խոստացավ հետևել իր փոքրիկ բուժառուի վիճակին և անհրաժեշտության դեպքում խորհրդատվություն տրամադրել բժիշկներին։
© Sputnik / Andranik Ghazaryan«Սուրբ Աստվածամայր» բուժկենտրոնի վիրահատարանում
Операционный блок медцентра Сурб Аствацамайр - Sputnik Արմենիա, 1920, 10.06.2022
«Սուրբ Աստվածամայր» բուժկենտրոնի վիրահատարանում
«Նորածնի դեպքում մենք գործ ունենք աղիների բնածին պաթոլոգիայի հետ` աղիները որովայնի խոռոչից դուրս էին զարգանում։ Այսօր դրանք վերադարձրին որովայնի խոռոչ։ Այս վիրահատությունն իրականացրել է նորածինների վիրաբուժության բաժնի ղեկավար Վասիլի Շումիխինը, որը ևս մեր պատվիրակության կազմում ժամանել է Երևան»,- տեղեկացրեց Ռազումովսկին։
Նրա խոսքով` նման արատներ հաճախ են հանդիպում, սակայն կոնկրետ ի՛նչ գործոններով են պայմանավորված, դժվար է ասել։ Ռազումովսկին համոզված է, որ նորածինն անպայման կբուժվի, սակայն դժվար է կանխատեսել, թե որքան ժամանակ կպահանջվի վերականգնման համար։
Մոսկվայի Ն. Ֆիլատովի անվան մանկական քաղաքային կլինիկական հիվանդանոցի գլխավոր բժիշկ Անտոնինա Չուբարովան նշեց, որ բժիշկների աշխատանքն այսքանով չի ավարտվում, նրանք կշարունակեն ապագայում ևս օգնել երեխաներին և նրանց ընտանիքներին։
© Sputnik / Andranik Ghazaryan«Սուրբ Աստվածամայր» ԲԿ-ի տնօրեն Նիկոլայ Դալլաքյանը
Директор медцентра Сурб Аствацамайр Николай Даллакян отвечает на вопросы журналистов после церемонии подписи меморандума о сотрудничестве с московской Детской клинической больницы им.Филатова (10 июня 2022). Еревaн - Sputnik Արմենիա, 1920, 10.06.2022
«Սուրբ Աստվածամայր» ԲԿ-ի տնօրեն Նիկոլայ Դալլաքյանը
«Մենք հաճախ ենք բախվում նման պաթոլոգիաների հետ և այսօր ուզում ենք մեր փորձը փոխանցել հայ գործընկերներին», – Sputnik Արմենիայի հետ զրույցում ասաց Չուբարովան։

Հուշագրի մասին

Չուբարովան կարծում է, որ բժշկական աշխարհում անհնար է շփում չունենալ այլ երկրների գործընկերների հետ, այդ իսկ պատճառով, տարբեր երկրների բուժկենտրոնների մասնագետների հետ համագործակցությունը չափազանց ողջունելի է։
«Շատ ուրախ եմ, որ համագործակցության մասին հուշագիր ենք ստորագրել, որը ֆորմալ բնույթ չի կրում։ Մենք մասնագիտական հանդիպումներ կունենանք, փոխադարձ թրեյնինգներ։ Եվ դա հանուն ամենակարևորի` մեր երեխաների առողջության։ Բոլորս պետք է աշխատենք այդ նպատակի համար»,- ասաց Չուբարովան։
© Sputnik / Andranik GhazaryanՄոսկվայի Ն. Ֆիլատովի անվան մանկական քաղաքային կլինիկական հիվանդանոցի գլխավոր բժիշկ Անտոնինա Չուբարովան
Главный врач московской Детской городской больницы им.Филатова Антонина Чубарова отвечает на вопросы журналистов после церемонии подписи меморандума о сотрудничестве с московской Детской клинической больницы им.Филатова (10 июня 2022). Еревaн - Sputnik Արմենիա, 1920, 10.06.2022
Մոսկվայի Ն. Ֆիլատովի անվան մանկական քաղաքային կլինիկական հիվանդանոցի գլխավոր բժիշկ Անտոնինա Չուբարովան
Նրա խոսքով` հուշագիրը ենթադրում է համագործակցություն գիտական ոլորտում, արդյունքների ամփոփում, մի շարք ծանր հիվանդների բուժում, կրթական նախագծեր, այդ թվում առցանց ուսուցում։
Չուբարովան համոզված է, որ փորձի փոխանակումը միշտ հարստացնում է, քանի որ մանկական վիրաբուժության միասնական դպրոցը հարթակ է տրամադրում, որի հիման վրա բժիշկները զարգացնում են իրենց հմտությունները։ Յուրաքանչյուր կլինիկա գործնական աշխատանքի իր առանձնահատկություններն ունի։
«Մեր նպատակն է ներկայացնել մեր փորձը և բարելավել ցուցաբերվող օգնության որակը»,- ասաց Չուբարովան։
Ռուսաստանից եկած մասնագետները Հայաստանում կմնան մինչև հունիսի 12-ը, սակայն նրանք չեն բացառում, որ նման հանդիպումներ հաճախ կանցկացվեն։
© Sputnik / Andranik GhazaryanՀայ և ռուս մասնագետները բացառիկ վիրահատություն են անցկացրել
Операционный блок медцентра Сурб Аствацамайр - Sputnik Արմենիա, 1920, 10.06.2022
Հայ և ռուս մասնագետները բացառիկ վիրահատություն են անցկացրել
Լրահոս
0