ՀՀ և ՌԴ տնտեսվարողները կկարողանան էլեկտրոնային փաստաթղթեր փոխանակել. հանդիպում ՊԵԿ–ում

© Photo : official site of the State Revenue Committee of RAՀՀ ՊԵԿ նախագահ Ռուստամ Բադասյանն ու ՌԴ Դաշնային հարկային ծառայության ղեկավար Դանիիլ Եգորովը
ՀՀ ՊԵԿ նախագահ Ռուստամ Բադասյանն ու ՌԴ Դաշնային հարկային ծառայության ղեկավար Դանիիլ Եգորովը - Sputnik Արմենիա, 1920, 10.06.2022
Բաժանորդագրվեք
Yandex newsTelegram
Կողմերը պատրաստակամություն են հայտնել գործադրելու բոլոր ջանքերը հետագա փոխգործակցության ընդլայնման և ձեռքբերված պայմանավորվածությունները կենսագործելու ուղղությամբ:
ԵՐԵՎԱՆ, 10 հունիսի – Sputnik. ՀՀ և ՌԴ հարկային ոլորտներում փորձնական ծրագիր է իրականացվում, որով նախանշված մի շարք միջոցառումներ ավարտվել են, իսկ չկատարվածները պետք է ավարտին հասցվեն մինչև ընթացիկ տարվա հոկտեմբերի 1-ը: Այս մասին երկու երկրների ներկայացուցիչները խոսել են այսօր Պետական եկամուտների կոմիտեի նախագահ Ռուստամ Բադասյանի մոտ տեղի ունեցած հանդիպման ժամանակ։ Տեղեկությունը հայտնում է ՀՀ ՊԵԿ մամուլի ծառայությունը։
Նշվում է, որ Բադասյանն ընդունել է աշխատանքային այցով Հայաստանում գտնվող Ռուսաստանի Դաշնության Դաշնային հարկային ծառայության ղեկավար Դանիիլ Եգորովի գլխավորած պատվիրակությանը:
Հանդիպման առանցքում է եղել ՀՀ պետական եկամուտների կոմիտեի և ՌԴ Դաշնային հարկային ծառայության միջև ստորագրված «Ռուսաստանի Դաշնության և Հայաստանի Հանրապետության տնտեսավարող սուբյեկտների միջև վստահված երրորդ կողմի մեխանիզմի կիրառմամբ անդրսահմանային առևտրի ժամանակ էլեկտրոնային փաստաթղթերի փոխանակման փորձնական ծրագրի իրականացման մասին» ճանապարհային քարտեզի իրագործման ընթացքը:
«Շեշտվել է, որ փորձնական նախագծի բարեհաջող իրականացման դեպքում կմշակվի նաև ծրագրի հետագա զարգացման և բոլոր շահագրգիռ անձանց վրա տարածման հարցը, որպեսզի անդրսահմանային առևտրի ժամանակ տնտեսվարող սուբյեկտների միջև էլեկտրոնային փաստաթղթերի փոխանակման հնարավորություն լինի ինչպես երկկողմ ձևաչափով, այնպես էլ ԵԱՏՄ հարթակում»,–ասվում է ՊԵԿ հաղորդագրության մեջ:
ՊԵԿ նախագահ Ռուստամ Բադասյանը և ՌԴ Դաշնային հարկային ծառայության ղեկավար Դանիիլ Եգորովը մտքեր են փոխանակել համագործակցության հետագա քայլերի վերաբերյալ:
Տեղական ծխախոտի արտադրության ծավալները Հայաստանում կրճատվել են. ՊԵԿ նախագահ
Դիտարկվել են նաև Ռուսաստանի և Հայաստանի հարկային վարչարարության արդյունավետության բարձրացման ուղղությամբ կատարված համատեղ աշխատանքները:
Կողմերը պատրաստակամություն են հայտնել գործադրել բոլոր ջանքերը հետագա փոխգործակցության ընդլայնման և ձեռքբերված պայմանավորվածությունները կենսագործելու ուղղությամբ:
Լրահոս
0