«Ռոսպրիրոդնադզորի» ղեկավարի նախկին տեղակալը կալանավորվել է 900 մլն հափշտակելու գործով

© Sputnik / Виталий БелоусовՕլեգ Միտվոլ
Օլեգ Միտվոլ - Sputnik Արմենիա, 1920, 10.06.2022
Օլեգ Միտվոլ. Արխիվային լուսանկար
Բաժանորդագրվեք
Yandex newsTelegram
ԶԼՄ-ների տվյալներով՝ Միտվոլիի ձերբակալությունը կապված է Կրասնոյարսկում մետրոյի կառուցման համար հատկացված գումարի հափշտակման հետ:
ԵՐԵՎԱՆ, 10 հունիսի - Sputnik. Կրասնոյարսկի դատարանը ավելի քան 900 մլն ռուբլի հափշտակելու գործով ձերբակալել է «Ռոսպրիրոդնադզորի» ղեկավարի նախկին տեղակալ Օլեգ Միտվոլին։ Տեղեկությունը ՌԻԱ Նովոստիին հայտնել է շրջանի իրավապահ մարմինների աղբյուրը:
Ավելի ուշ այդ տեղեկությունը հաստատել են նաև Կրասնոյարսկի երկրամասի դատարանների պաշտոնական Telegram-ալիքում:
Միտվոլն անցնում է Քրեական գործով որպես «Կրասնոյարսկի ՏԻՍԻԶ» ընկերության տնօրենների խորհրդի նախագահ։ «Առանձնապես խոշոր չափերի խարդախության» հոդվածով նրան մինչև 10 տարվա ազատազրկում է սպառնում: Նա առնվազն մինչև հուլիսի 24-ը Քննչական մեկուսարանում կմնա։
Պաշտոնապես մանրամասներ դեռ չեն բացահայտվում, սակայն, ԶԼՄ-ների տվյալներով, Միտվոլիի ձերբակալությունը կապված է Կրասնոյարսկում մետրոյի շինարարության համար հատկացված գումարների հափշտակման հետ:
Կրասնոյարսկում մետրոյի ստեղծման գաղափարը հայտնվել է դեռ անցյալ դարի 60-ական թվականներին: Շինարարությունը սկսվել է 1995 թվականին և տարբեր ինտենսիվությամբ իրականացվել է մինչև 2009 թվականը։
2018 թվականին Կրասնոյարսկի մետրոպոլիտենի նախագծի արդիականացման համար դաշնային միջոցներ են հատկացվել: Ստորգետնյա նախագծի ու հաշվարկների փաստաթղթերի պատրաստման պայմանագիրը ստացել է հենց «Կրասնոյարսկ ՏԻՍԻԶ» ընկերությունը՝ Միտվոլի գլխավորությամբ։ Հաղորդվում էր, որ ստորգետնյա սխեման լրջորեն փոխվել է, սակայն այլ մանրամասներ չէին նշվում։
Անցած տարվա վերջին նահանգապետ Ալեքսանդր Ուսը հայտնել էր, որ մետրոյի շինարարությունը, նախնական գնահատմամբ, 89 մլրդ ռուբլի կարժենա, ինչի համար ենթակառուցվածքային դաշնային վարկ կպահանջվի: Տարածաշրջանի ղեկավարը նշել էր, որ մետրոյի կառուցման աշխատանքները կարող են վերսկսվել 2022 թվականին:
Լրահոս
0