Ուկրաինայի հակամարտությունն ու աղքատությունը Աֆրիկայում. ի՞նչն է «խանգարում» շոկոլադին

Շոկոլադ - Sputnik Արմենիա, 1920, 12.06.2022
Բաժանորդագրվեք
Yandex newsTelegram
Արևածաղկի լեցիտինի մատակարարումները սպառնալիքի տակ են հայտնվել Ուկրաինայում հատուկ գործողության պատճառով, այն կարող են փոխարինել սոյայի և սևուկի յուղերով: Աֆրիկայում բարձրացնում են արդարացի գների հարցը. շոկոլադային հսկաների եկամուտներն աճում են, իսկ կակաո աճեցնող ֆերմերների մինչև 90%-ն ապրում է աղքատության նշագծից ցած:
ԵՐԵՎԱՆ, 12 հունիսի – Sputnik. Ուկրաինայի հակամարտությունը կարող է շոկոլադի համար կարևոր բաղադրիչ հանդիսացող լեցիտինի պակաս առաջացնել, հայտնում է Food Ingredients First-ը:
Լեցիտինը շոկոլադի համար կապող նյութ է ծառայում, որը թույլ է տալիս դրան սալիկների և կոնֆետների մեջ «ձուլել»։ Աշխարհում լեցիտինի մի մասն արտադրվում է արևածաղկից, իսկ արևածաղկի լեցիտինի 70 տոկոսն արտադրվում է Ռուսաստանում և Ուկրաինայում: Այդ պատճառով այժմ դեպի Եվրոպա դրա մատակարարումների հետ մեծ դժվարություններ են առաջացել, նշում են սննդի էմուլգատորներ արտադրող եվրոպական խոշոր ընկերությունների՝ Palsgaard-ի և Sternchemie-ի ներկայացուցիչները: Լոգիստիկայի հետ կապված դժվարություններ էին առաջացել դեռ քովիդի ժամանակ, բայց հիմա դրանք սրվել են, նշում են նրանք։
Ընդ որում, աշխարհում շոկոլադի սպառումն աճում է, իսկ լեցիտին սկսում են ավելի շատ օգտագործել, մասնավորապես՝ մսամթերքի և կաթնամթերքի բուսական փոխարինիչներում, որոնց պահանջարկն աճում է։
Այժմ ընկերությունները սկսում են շուկայում այլ ձիթատու մշակաբույսերի լեցիտին փնտրել, օրինակ՝ սևուկից կամ սոյայից պատրաստվող։ Որոշ ընկերություններ հայտնում են, որ արդեն սկսում են սևուկից լեցիտին արտադրել։
Պարբերականի կարծիքով՝ Ուկրաինայի ճգնաժամի հետևանքով ընկերությունները կսկսեն ավելի ակտիվորեն ներդրումներ կատարել տարբեր ձիթատու մշակաբույսերից ստացվող նոր էմուլգատորների հետազոտության մեջ, ինչը նրանց թույլ կտա ապագայում ավելի քիչ կախված լինել դրանցից որևէ մեկից:
Արևմտյան Աֆրիկայի երկրները շարունակում են շոկոլադի ավելի արդար գնագոյացում պահանջել (Կոտ դ’Իվուարում և Գանայում արտադրվում է աշխարհի ամբողջ կակաոյի 60%-ը): 2019 թվականին այդ երկրների կառավարությունները մեկ տոննայի համար 400 դոլարի չափով կակաոյի հավելավճար են սահմանել՝ ֆերմերներին նվազագույն կենսապահովում երաշխավորելու համար: Սակայն պարզվել է, որ ինչ-որ գնորդներ այն իջեցնում են մինչև 300 դոլար և ավելի ցածր, իսկ մյուսներն առհասարակ չեն վճարում, նշում է Գանայի կակաոյի հարցերով խորհրդի ղեկավար Ջոզեֆ Բոահեն Այդուն:
Գիտնականները պարզել են` ինչպես է կակաոն ազդում մարդու տեսողության վրա
Կակաոն աշխարհի այն սակավաթիվ մթերքներից է, որը վերջին մեկ տարվա ընթացքում էժանացել է։ Հիմա այն արժե մեկ տոննայի դիմաց 2400 ԱՄՆ դոլարից պակաս, մինչդեռ նախորդ տարվա օգոստոսից մինչև տարեվերջ դրա գինը 2500 դոլարից գրեթե չէր իջել։ Դրա հետ մեկտեղ խանութներում շոկոլադի գները շարունակում են աճել՝ հետճգնաժամային պահանջարկի ֆոնին, և համաշխարհային շոկոլադային հսկաների մեծ մասը ընթացիկ տարվա առաջին եռամսյակում ավելացրել են եկամուտները։
Դրա հետ մեկտեղ, տարբեր գնահատականներով, կակաո աճեցնող աֆրիկացի ֆերմերների 70-ից մինչև 90 տոկոսը աղքատության նշագծից դուրս է ապրում, իսկ մինչև 60 տոկոսը ՝ ծայրահեղ աղքատության նշագծից դուրս: Պատճառների թվում հետազոտողները նշում են ոչ միայն մթերման ցածր գները, այլև ցածր արտադրողականությունը։
Ներկայումս այդ խնդիրները խորացել են պարարտանյութերի առաքման հետ կապված բարդությունների պատճառով (լոգիստիկ խափանումների պատճառով, որոնք նույնպես պայմանավորված են Ուկրաինայի հակամարտությամբ)։
Լրահոս
0