«Մենք կախարդական փայտիկ չունենք». Խոակին Կապառոսը` Շոտլանդիայի հետ խաղի մասին

© Sputnik / Asatur YesayantsՀայաստանի ֆուտբոլի հավաքականի գլխավոր մարզիչ Խոակին Կապառոսը
Հայաստանի ֆուտբոլի հավաքականի գլխավոր մարզիչ Խոակին Կապառոսը - Sputnik Արմենիա, 1920, 13.06.2022
Հայաստանի ֆուտբոլի հավաքականի գլխավոր մարզիչ Խոակին Կապառոսը. Արխիվային լուսանկար
Բաժանորդագրվեք
Yandex newsTelegram
Ազգերի լիգայի խաղարկության շրջանակներում Հայաստանի հավաքականը 0։2 հաշվով Գլազգոյում պարտվեց Շոտլանդիայի հավաքականին ։ Կկայանա՞ արդյոք ռևանշը։ Այս հարցի պատասխանը կիմանանք հունիսի 14-ին թիմերի պատասխան խաղից հետո։
ԵՐԵՎԱՆ, 13 հունիսի – Sputnik. Յուրաքանչյուր խաղում հավաքականը ներկայացնում է Հայաստանը, և դրա համար բոլոր խաղերին պետք է պատրաստ լինեն ֆուտբոլիստները, մարզիչները, ֆեդերացիան, երկրպագուները, լրագրողները։ Շոտլանդիայի հետ պատասխան խաղից առաջ նախախաղային ասուլիսում նման կարծիք հայտնեց Հայաստանի ֆուտբոլի հավաքականի գլխավոր մարզիչ Խոակին Կապառոսը։
«Նշանակություն չունի` մենք հարձակողական, թե պաշտպանողական ֆուտբոլ ենք խաղում։ Եթե թիմը հաղթում է, ուրեմն ամեն խաղից հետո ավելորդ է խոսել խաղաոճի, մրցավարների կամ վրիպումների մասին։ Մենք կախարդական փայտիկ չունենք, որ ստանանք ցանկալի արդյունքը»,–ասաց Կապառոսը։
Նա նկատեց, որ Շոտլանդիայի հավաքականն ուժեղ թիմ է, մասնավորապես ֆիզիկապես։ Բայց խոստացավ սիրտ ու հոգի դնել այս խաղում հաղթանակի հասնելու և երկրպագուներին ուրախացնելու համար։
«Ի սկզբանե դժվար է պլանավորել, թե ինչպիսի մարտավարությամբ ենք գործելու։ Խաղի ընթացքը կհուշի, թե ինչպես խաղանք», - նշեց Կապառոսը։
Խոսելով թիմում տիրող կարգապահության մասին` մարզիչն ընդգծեց, որ այս առումով իրենք աշխարհի չեմպիոն են։ «Թիմը միշտ էլ շատ կարգապահ է, նվիրված ու համախմբված, և ես երբևէ այլ թիմ այսպես համախմբված չեմ տեսել»,- հավելեց Կապառոսը։
Հավաքականի ֆուտբոլիստ Վահան Բիչախչյանն էլ նշեց, որ խաղացանկի խտությունը այնքան մեծ է, որ չեն հասցնում մտածել նախորդ խաղերի մասին։

«Այնպես է ստացվել, որ Շոտլանդիայի հետ պատասխան խաղը վճռորոշ նշանակություն ունի երկու կողմերի համար։ Հուսով եմ` դիտարժան խաղ կլինի, ու կկարողանանք հասնել ցանկալի արդյունքի»,- ասաց Բիչախչյանը։

Ազգերի լիգայի B խմբում մեր հավաքականը երեք հանդիպումներից հետո վաստակել է երեք միավոր և եզրափակում է մրցաշարային աղյուսակը։
Հայաստանի հավաքականին հունիսի 14-ին կայանալիք խաղից հետո, Ազգերի լիգայի խաղարկությունում մնում է անցկացնելու երկու հանդիպում։Ուկրաինայի հավաքականի հետ պատասխան խեղը մերոնք կանցկացնեն սեպտեմբերի 24-ին Երևանում, իսկ սեպտեմբերի 27-ին մեր ընտրանին վերջին խաղում մրցակցի հարկի տակ ուժերն է չափելու Իռլանդիայի հետ։
Լրահոս
0