ԴԺՀ-ում ուկրաինական պատնեշային ջոկատը թիկունքից գնդակահարել է 32 սեփական ծառայակցի․ ՌԴ ՊՆ

© AP Photo / Oleksandr RatushniakՈւկրաինացի զինվորը՝ պատսպարված Սևերոդոնեցկի շենքերից մեկում
Ուկրաինացի զինվորը՝ պատսպարված Սևերոդոնեցկի շենքերից մեկում - Sputnik Արմենիա, 1920, 14.06.2022
Բաժանորդագրվեք
Yandex newsTelegram
ԴԺՀ-ում ռուսական զորքերի հարձակման կրակային պատրաստությունից հետո ուկրաինական ԶՈւ-ի ավելի քան 30 զինծառայողներ որոշել են հանձնվել:
ԵՐԵՎԱՆ, 14 հունիսի – Sputnik. Ուկրաինացի ազգայնականները թիկունքից գնդակահարել են իրենց իսկ ծառայակիցներին, որոնք Դոնեցկի Նովոմիխայլովկա գյուղի շրջանում փորձել են գերի հանձնվել ռուսական զորքին, հայտնել է Ռուսաստանի Պաշտպանության նախարարության պաշտոնական ներկայացուցիչ, գեներալ-լեյտենանտ Իգոր Կոնաշենկովը:

Նրա խոսքով՝ ԴԺՀ-ի Նովոմիխայլովկա բնակավայրի շրջանում ռուսական զորքի հարձակման կրակային պատրաստությունից հետո Ուկրաինայի ԶՈւ-ի 54-րդ մեխանիզացված բրիգադի 25-րդ գումարտակի 30-ից ավելի զինծառայողներ որոշում են ընդունել հանձնվել։

Զվերոֆերմայի շրջանում տեղակայված հենակետի մոտ ուկրաինացի զինվորականները ռադիոկապով դիմել են ռուսական հրամանատարությանը՝ խնդրելով դադարեցնել կրակը և ելքի համար միջանցք տրամադրել: Ժամը 22։00-ի մոտակայքում Ուկրաինայի Զինված ուժերի զինծառայողները սպիտակ դրոշներով սկսել են շարժվել դեպի ռուսական դիրքեր:
Այդ պահին զրահամեքենաներով հենակետ հասած ուկրաինացի ազգայնականների պատնեշային ջոկատի ստորաբաժանումը Ուկրաինայի զինուժի 54-րդ բրիգադի զինծառայողների վրա խաչաձև կրակ է բացել թիկունքից»,- հայտնել Է Կոնաշենկովը:
Արդյունքում մահացու վնասվածքներ է ստացել և մահացել է ուկրաինացի 32 զինծառայող։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողությունները շարունակվում են արդեն 111-րդ օրը։
Լրահոս
0