https://arm.sputniknews.ru/20220614/varchakan-pataskhanatvutjunic-khusapely-kdzhvarana-chtsanucvelu-tarberaky-kbacarvi-43408646.html
Վարչական պատասխանատվությունից խուսափելը կդժվարանա. չծանուցվելու տարբերակը կբացառվի
Վարչական պատասխանատվությունից խուսափելը կդժվարանա. չծանուցվելու տարբերակը կբացառվի
Sputnik Արմենիա
Ծանուցումից խուսափող քաղաքացիների ծանուցումներն առաջարկվում է հրապարակել պաշտոնական կայքում։ Հրապարակումից 5 օր անց քաղաքացին կհամարվի ծանուցված։ 14.06.2022, Sputnik Արմենիա
2022-06-14T12:25+0400
2022-06-14T12:25+0400
2022-06-14T12:41+0400
տուգանք
աժ (ազգային ժողով)
https://cdn.am.sputniknews.ru/img/07e6/05/19/42451129_0:167:1601:1067_1920x0_80_0_0_a0ff52580340ffc3708a16aab5f69d32.jpg
ԵՐԵՎԱՆ, 14 հունիսի – Sputnik. Վարչական դատավարության մասին ծանուցված չլինելը պատասխանատվությունից չի ազատի։ «Վարչարարության հիմունքների և վարչական վարույթի մասին» օրենքում այս փոփոխությունն են առաջարկել ԱԺ «Քաղաքացիական պայմանագիր» խմբակցության պատգամավորներ Գևորգ Պապոյանն ու Միքայել Թումասյանը։Խորհրդարանի հերթական նիստում, ներկայացնելով նախագիծը, Գևորգ Պապոյանը նշեց, որ գործող օրենքով վարչական վարույթը չի կարող իրականացվել, եթե տվյալ քաղաքացին ներկա չէ նիստին:Ներկայացված օրինագծով, նման դեպքերը բացառելու համար, հեղինակներն առաջարկում են հրապարակային ծանուցումների պաշտոնական կայքում ծանուցումը տեղադրելուց 5 օր հետո քաղաքացուն համարել ծանուցված։ՔՊ-ական պատգամավոր Արմեն Խաչատրյանը հայտնեց, որ նախագծի ընդունումը հնարավորություն կտա նվազեցնելու նաև պետության ծախսերը:«ՀՀ-ում վարչական դատարան, հարկադիր ծառայություն, ճանապարհային ոստիկանություն տարեկան 3 մլն դոլարից ավելի փող են փոխանցում «ՀայՓոստ»-ին` միայն ծանուցումներն ապահովելու համար»,- ասաց պատգամավորը` իր կողմից առաջարկելով ծանուցումներն ուղարկել քաղաքացիների էլեկտրոնային հասցեներով։Պատգամավորների առաջարկած կարգավորմամբ նախատեսվում է, որ եթե քաղաքացին հրաժարվել է ստանալ ծանուցումը, կամ նշված հասցեով ուղարկված առաքանին վերադարձվել է ուղարկելու օրվանից հետո երկշաբաթյա ժամկետում, կամ վարչական մարմինը չի ստացել հետադարձ ծանուցումը, ապա այն ուղարկվում է տվյալներում առկա այլ հասցեով կամ տեղադրվում է ՀՀ հրապարակային ծանուցումների պաշտոնական ինտերնետային կայքում:ԱՊՊԱ չունեցողների տուգանքը կմեղմացվի. խախտումը վերացնողներն արտոնություն կստանան
Sputnik Արմենիա
media@sputniknews.com
+74956456601
MIA „Rosiya Segodnya“
2022
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տուգանք, աժ (ազգային ժողով)
տուգանք, աժ (ազգային ժողով)
Վարչական պատասխանատվությունից խուսափելը կդժվարանա. չծանուցվելու տարբերակը կբացառվի
12:25 14.06.2022 (Թարմացված է: 12:41 14.06.2022) Ծանուցումից խուսափող քաղաքացիների ծանուցումներն առաջարկվում է հրապարակել պաշտոնական կայքում։ Հրապարակումից 5 օր անց քաղաքացին կհամարվի ծանուցված։
ԵՐԵՎԱՆ, 14 հունիսի – Sputnik. Վարչական դատավարության մասին ծանուցված չլինելը պատասխանատվությունից չի ազատի։ «Վարչարարության հիմունքների և վարչական վարույթի մասին» օրենքում այս փոփոխությունն են առաջարկել ԱԺ «Քաղաքացիական պայմանագիր» խմբակցության պատգամավորներ Գևորգ Պապոյանն ու Միքայել Թումասյանը։
Խորհրդարանի հերթական նիստում, ներկայացնելով նախագիծը, Գևորգ Պապոյանը նշեց, որ գործող օրենքով վարչական վարույթը չի կարող իրականացվել, եթե տվյալ քաղաքացին ներկա չէ նիստին:
«Մի շարք քաղաքացիներ երբեմն, օգտվելով այն հանգամանքից, որ օրենքը թույլ է տալիս շրջանցել վարույթը, և իրենք հասկանում են, որ վարչական սխալ են գործում, բայց այնպես են անում, որ ծանուցված չլինեն։ Այդ դեպքում վարչական վարույթը չի իրականացվում, ինչի արդյունքում պետությունն ու հասարակությունը տուժում են»,- ասաց Պապոյանը` հավելելով, որ այդկերպ քաղաքացին կարող է նաև անօրինական շինարարություն արած լինել, բայց ծանուցված չլինելու հիմքով շրջանցել անօրինական կառույցն իր միջոցներով քանդելու պարտավորությունը։ Դրա համար նա ծանուցման նամակը պարզապես միտումնավոր չի ստանում:
Ներկայացված օրինագծով, նման դեպքերը բացառելու համար, հեղինակներն առաջարկում են հրապարակային ծանուցումների պաշտոնական կայքում ծանուցումը տեղադրելուց 5 օր հետո քաղաքացուն համարել ծանուցված։
ՔՊ-ական պատգամավոր Արմեն Խաչատրյանը հայտնեց, որ նախագծի ընդունումը հնարավորություն կտա նվազեցնելու նաև պետության ծախսերը:
«ՀՀ-ում վարչական դատարան, հարկադիր ծառայություն, ճանապարհային ոստիկանություն տարեկան 3 մլն դոլարից ավելի փող են փոխանցում «ՀայՓոստ»-ին` միայն ծանուցումներն ապահովելու համար»,- ասաց պատգամավորը` իր կողմից առաջարկելով ծանուցումներն ուղարկել քաղաքացիների էլեկտրոնային հասցեներով։
Պատգամավորների առաջարկած կարգավորմամբ նախատեսվում է, որ եթե քաղաքացին հրաժարվել է ստանալ ծանուցումը, կամ նշված հասցեով ուղարկված առաքանին վերադարձվել է ուղարկելու օրվանից հետո երկշաբաթյա ժամկետում, կամ վարչական մարմինը չի ստացել հետադարձ ծանուցումը, ապա այն ուղարկվում է տվյալներում առկա այլ հասցեով կամ տեղադրվում է ՀՀ հրապարակային ծանուցումների պաշտոնական ինտերնետային կայքում:
