«Դիմադրություն» շարժման անդամները փակել են Վազգեն Սարգսյան փողոցը

Բաժանորդագրվեք
Yandex newsTelegram
Ակցիայի մասնակիցները նստացույց են արել դատախազության շենքի առջև` բողոքելով ակցիաների ժամանակ կալանավորված անձանց իրավունքների խախտման դեպքերից։
ԵՐԵՎԱՆ, 15 հունիսի – Sputnik. «Դիմադրություն» շարժման անդամները փակել են Վազգեն Սարգսյան փողոցը. նրանք նստացույց են արել։
© Sputnik / Aram Nersesyan«Դիմադրություն» շարժման անդամները փակել են Վազգեն Սարգսյան փողոցը։
Активисты молодежного оппозиционного движения перекрыли улицу (15 июня 2022). Еревaн - Sputnik Արմենիա, 1920, 15.06.2022
«Դիմադրություն» շարժման անդամները փակել են Վազգեն Սարգսյան փողոցը։
Նշենք, որ նրանք Վարդանյանների այգում էին հավաքվել, որից հետո գնացին դատախազության շենքի մոտ։

«Ակցիաների ժամանակ ոստիկանություն է բերվել, իսկ հետո կալանավորվել 31 քաղաքացի։ Սակայն չունենք մեկ դեպք, որ ոստիկան կալանավորված լինի, ինչն աբսուրդ է»,- ասաց շարժման անդամ Արամ Վարդևանյանը։

Դրանից հետո ընդդիմադիրները Վարդևանյանի գլխավորությամբ նստացույց սկսեցին` իրենց բողոքն արտահայտելով ակցիաների ժամանակ կալանավորված անձանց իրավունքների խախտման դեպքերի վերաբերյալ։
© Sputnik / Aram Nersesyan«Դիմադրություն» շարժման անդամները փակել են Վազգեն Սարգսյան փողոցը։
Активисты молодежного оппозиционного движения перекрыли улицу (15 июня 2022). Еревaн - Sputnik Արմենիա, 1920, 15.06.2022
«Դիմադրություն» շարժման անդամները փակել են Վազգեն Սարգսյան փողոցը։
Հավելենք, որ որոշ ժամանակ անց ընդդիմադիրները բացեցին փողոցը և հիմա քայլերթ են անում։
Հիշեցնենք` ՀՀ վարչապետ Նիկոլ Փաշինյանի` Արցախի վերաբերյալ հայտարարությունից հետո Հայաստանում բողոքի ալիք բարձրացավ։
Ապրիլի 22-ին ԱԺ փոխխոսնակ, «Հայաստան» խմբակցության անդամ Իշխան Սաղաթելյանն ազդարարեց վարչապետ Նիկոլ Փաշինյանին և նրա թիմին իշխանությունից հեռացնելու փողոցային պայքարի մեկնարկի մասին։
Մայիսի 1-ին Երևանի Ֆրանսիայի հրապարակում մեկնարկեց ընդդիմության բազմահազարանոց հանրահավաքը։ Մասնակիցները վրաններ ու բարիկադներ տեղադրեցին, Իշխան Սաղաթելյանը հայտարարեց, որ մայիսի 2-ից սկսում են անհնազանդության ակցիաներ՝ փակելով փողոցները։
Մայիսի 2-ից սկսած` ամեն օր Երևանում կազմակերպվում են անհնազանդության երթեր ու հանրահավաքներ, այլ միջոցառումներ։
«Դիմադրություն» շարժման անդամ Իշխան Սաղաթելյանը հունիսի 14-ին հայտարարեց, որ վրանային ավանը լիարժեք կատարել է իր գործը, և հունիսի 15-ին վրանները հավաքելու են: Դա, սակայն, ընդդիմադիրի խոսքով, ամենևին էլ պայքարի ավարտ չի նշանակում. գնալու են մինչև վերջ:
Այսօր առավոտյան, արդեն, Ֆրանսիայի հրապարակն ազատվել է վրաններից, ավելի քան 40-օրյա ընդմիջումից հետո վերականգնվել է ավտոմեքենաների երթևեկությունը։
Լրահոս
0