Տարադրամի փոխանակման կետից գումար հափշտակելու մեջ կասկածվող երիտասարդը ձերբակալվել է

© Sputnik / Табылды Кадырбеков / Անցնել ֆոտոբանկՁեռնաշղթա
Ձեռնաշղթա - Sputnik Արմենիա, 1920, 15.06.2022
Բաժանորդագրվեք
Yandex newsTelegram
Ոստիկանություն էր զանգել Ծարավ Աղբյուրի փողոցի սուպերմարկետի տարադրամի փոխանակման կետի աշխատակիցը և հայտնել, որ փոխանակման կետից գումար են հափշտակել:
ԵՐԵՎԱՆ, 15 հունիսի - Sputnik. Երևանի սուպերմարկետներից մեկի տարադրամի փոխանակման կետից գումար հափշտակած անձը Ավան թաղամասի բնակիչ, 27-ամյա մի երիտասարդ է, որն արդեն ձերբակալվել է։ Տեղեկությունը հայտնում է ՀՀ ոստիկանության մամուլի ծառայությունը։
Ձեռնարկված միջոցառումների շնորհիվ, 2 օր անց` հունիսի 14-ին, ժամը 21։30-ին, նա հայտնաբերվել է Երևանի Վաղարշյան փողոցում և բերման ենթարկվել Նոր Նորքի բաժին։
Ձեռնարկվում են միջոցառումներ՝ գողոնը հայտնաբերելու ուղղությամբ: Նախաքննությունը շարունակվում է:
Հիշեցնենք, որ հունիսի 12-ին, ժամը 23։16-ին, ոստիկանություն է զանգել Ծարավ Աղբյուրի փողոցի սուպերմարկետի տարադրամի փոխանակման կետի աշխատակիցը և հայտնել, որ փոխանակման կետից գումար են հափշտակել:
Դեպքի վայր մեկնած օպերատիվ-քննչական խումբը պարզել էր, որ ժամը 22։50-ին անհայտ անձը նռնականման իրի սպառնալիքով տարադրամի փոխանակման կետից հափշտակել է գումար և դիմել փախուստի:
Ավելի վաղ հայտնել էինք, որ տարադրամի փոխանակման կետից հափշտակվել է մոտ 4 միլիոն 500 հազար դրամ։
Լրահոս
0