Գարեգին Բ–ն Բուրիչին հոգևոր–մշակութային ժառանգության պահպանության խնդիրներն է ներկայացրել

© Grigor Yepremyan / Info Service Dept of the Mother SeeԱմենայն Հայոց Կաթողիկոսն ընդունել է ԵԽ գլխավոր քարտուղար Մարիա Պեյչինովիչ Բուրիչին
Ամենայն Հայոց Կաթողիկոսն ընդունել է  ԵԽ գլխավոր քարտուղար Մարիա Պեյչինովիչ Բուրիչին  - Sputnik Արմենիա, 1920, 17.06.2022
Ամենայն Հայոց Կաթողիկոսն ընդունել է ԵԽ գլխավոր քարտուղար Մարիա Պեյչինովիչ Բուրիչին
Բաժանորդագրվեք
Yandex newsTelegram
Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության հնարավորության առնչությամբ։
ԵՐԵՎԱՆ, 17 հունիսի – Sputnik. Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը ԵԽ գլխավոր քարտուղար Մարիա Պեյչինովիչ Բուրիչի հետ զրույցում անդրադարձել է 44-օրյա պատերազմին և դրա հետևանքներին, Ադրբեջանում մինչև օրս պահվող ռազմագերիներին և հոգևոր–մշակութային ժառանգության պահպանության խնդիրներին։ Տեղեկությունը հայտնում է Մայր Աթոռի տեղեկատվական համակարգը` հավելելով, որ Գարեգին Բ–ն էջմիածնում է ընդունել Բուրիչին։
«Հայոց Հովվապետը կարևորել է միջազգային հանրության աջակցությունը։ Այս առիթով նա խոսել է Ադրբեջանի իշխանությունների կողմից հայկական կրոնամշակութային արժեքների ոչնչացման քաղաքականության մասին, որի հետևանքով դեռևս 1998-2005 թթ. Ադրբեջանում և Նախիջևանի Ինքնավար Հանրապետությունում քանդվեցին ու փոշիացվեցին հայկական քրիստոնեական հնագույն մշակույթի շուրջ յոթ հազար պատմական հուշարձաններ՝ խաչքարեր, եկեղեցիներ ու պաշտամունքային այլ շինություններ»,–ասված է հաղորդագրության մեջ։
© Grigor Yepremyan / Info Service Dept of the Mother SeeԱմենայն Հայոց Կաթողիկոսն ընդունել է ԵԽ գլխավոր քարտուղար Մարիա Պեյչինովիչ Բուրիչին
Католикос Гарегин Второй принял генерального секретаря Совета Европы Марию Пейчинович Бурич (17 июня 2022). Эчмиадзин - Sputnik Արմենիա, 1920, 17.06.2022
Ամենայն Հայոց Կաթողիկոսն ընդունել է ԵԽ գլխավոր քարտուղար Մարիա Պեյչինովիչ Բուրիչին
Խոսելով տարածաշրջանում խաղաղության և կայունության հաստատման կարևորության մասին՝ Գարեգին Բ–ն իր տարակուսանքն է հայտնել հարևան երկրների կողմից շարունակ հնչող սպառնալիքների և ռազմատենչ հայտարարությունների մթնոլորտում պարտադրվող խաղաղության հնարավորության առնչությամբ։ Ամենայն Հայոց Կաթողիկոսը հույս է հայտնել, որ բարեկամ երկրները, միջազգային հանրությունը և ԵԽ–ն հստակ կեցվածք կդրսևորեն այս ամենի վերաբերյալ և քայլեր կձեռնարկեն նման երևույթների զսպման, Արցախի ժողովրդի ազատ, անկախ ու անվտանգ կյանքի ապահովման ուղղությամբ։
Իր հերթին Բուրիչը հաստատել է, որ Վեհափառ Հայրապետի մատնանշած խնդիրներն ԵԽ–ի ուշադրության կենտրոնում են։ Վերջինս հատկապես կարևորել է սահմանների անվտանգության, գերիների վերադարձման, հոգևոր–մշակութային ժառանգության պահպանման և Արցախի ժողովրդի անվտանգության առաջնահերթությունները։ Նա ընդգծել է, որ իր հիմնական նպատակն է երկխոսության և փոխըմբռնման միջոցով ժողովուրդների ու պետությունների միջև հաստատել տևական խաղաղություն և վերացնել առկա հակամարտությունները։
Հավելենք, որ ավելի վաղ ԵԽ գլխավոր քարտուղար Մարիա Պեյչինովիչ Բուրիչը հանդիպել էր ՀՀ վարչապետ Նիկոլ Փաշինյանի ու ՀՀ արտգործնախարար Արարատ Միրզոյանի հետ։
Լրահոս
0