https://arm.sputniknews.ru/20220617/qaghaviaciaji-nvor-pety-khani-mez-sev-cucakic-aviacian-tever-karni-u-ktrchi-nakhkin-odachu-43735076.html

Քաղավիացիայի նոր պետը կհանի մեզ «սև ցուցակից», ավիացիան թևեր կառնի ու կթռչի․ նախկին օդաչու

Քաղավիացիայի նոր պետը կհանի մեզ «սև ցուցակից», ավիացիան թևեր կառնի ու կթռչի․ նախկին օդաչու

Sputnik Արմենիա

Ավիացիայի նոր նախագահից մեծ սպասումներ կան, քաղավիացիան պետք է ոտքի կանգնեցվի 17.06.2022, Sputnik Արմենիա

2022-06-17T20:48+0400

2022-06-17T20:48+0400

2022-06-18T11:56+0400

միհրան խաչատրյան

քաղավիացիա

քաղավիացիայի կոմիտե

օդաչու

հայաստան

https://cdn.am.sputniknews.ru/img/07e5/06/0f/27936368_0:64:1440:874_1920x0_80_0_0_cf0b24beb1a2d612c324d5c0e5f122ad.jpg

ԵՐԵՎԱՆ, 17 հունիսի – Sputnik. Քաղավիացիայի կոմիտեի նոր նախագահ Միհրան Խաչատրյանն իր առջև խնդիր է դրել հայկական ավիաընկերությունները դուրս բերել «սև ցուցակից», կարծում է նախկին օդաչու Վարդան Սարգսյանը, որը Sputnik Արմենիայի հետ զրույցում նշեց՝ համոզված է, որ Խաչատրյանը հաջողելու է այդ հարցում։«Նա շատ գրագետ օդաչու է, հիմա էլ շատ լավ ղեկավար կլինի ու երևի թե այնպես կանի, որ հայկական ավիացիան «սև ցուցակից» դուրս կգա։ Դա անպայման պետք է անել»,- ասաց Սարգսյանը։Sputnik Արմենիայի զրուցակիցը կոմիտեի նորանշանակ պետի նախկին գործընկերն է, մոտ 40 տարի առաջ մեկ թռիչքային ջոկատում են եղել միասին, Խաչատրյանը՝ որպես հրամանատար։ Խաչատրյանի խիզախությունն ընգծելու համար նա մի պատմություն պատմեց.1983թ․, Էրեբունու օդանավակայանից թռիչքի ժամանակ Խաչատրյանը հրահանգիչ օդաչուն է եղել։ Ընթացքում մի ուղևոր ասել է, որ իր մոտ պայթուցիկ նյութ ունի ու պահանջում է, որ օդանավը թռնի Թուրքիա։ Սարգսյանը պատմում է, որ ուղևորին խաբել են, ասել, որ գնում են Կարս, բայց արդյունքում վայրէջք են կատարել Գյումրիում, որտեղ հանցագործին դիմավորել են ԱԱԾ աշխատակիցները։«Այստեղ է, որ ուզում եմ նշել Խաչատրյանի պրոֆեսիոնալիզմն ու արհեստավարժությունը։ Եթե իրեն կողքից չխանգարեն, կանաչ լույս տան, նա ամեն ինչ կանի, որ ավիացիան ոտքի կանգնի, ավիացիան թևեր կառնի ու կթռչի»,- կարծում է Սարգսյանը։Ակնկալիքներ Խաչատրյանից, իհարկե, կան․ Սարգսյանը կարծում է, որ առաջին ամենակարևոր բանը հայկական ավիաընկերությունները «սև ցուցակից» հանելն է, որովհետև դա մեզ հնարավորություններ կտա, Հայաստանում գրանցված օդանավերը կկարողանան Եվրոպա թռչել, մինչդեռ հիմա դա անում ենք այլ երկրներում գրանցված օդանավերով։Բացի այդ, հայկական ավիացիան պետք է զարգանա, որովհետև, ըստ Սարգսյանի, այն միշտ, այդ թվում՝ խորհրդային տարիներին շատ բարձր մակարդակի վրա է եղել։ Այս հարցում, իհարկե, ազգային փոխադրողն էլ կարող է իր նշանակությունն ունենալ, բայց նախկին օդաչուի կարծիքով՝ ազգայինը պետք է հայկական լինի։«Հիմա շատ ավիաընկերություններ են աշխատում, բայց դրանք հայկական չեն։ Fly Arna-ն Air Arabiya-ի հետ է, Armenian airways-ը՝ վրացիների, Fly one-ն էլ՝ մոլդովացիների հետ։ Պետք է, որ մեր դրոշով օդանավերը շատ լինեն, ընկերությունը պիտի լինի մեր սեփականը»,- ասաց Սարգսյանը։Նախկին օդաչուն վստահ է՝ այս հարցով պետությունը պիտի զբաղվի ու հստակ հասկանա՝ պե՞տք է իրեն իսկապես ազգային փոխադրող, թե՞ ոչ։ Կարող է այդ փոխադրողը լինել նաև «Արմավիայի» նման, որը ևս ազգային էր, բայց պետության կողմից աջակցություն չէր ստանում։ Այսինքն, նման տարբերակով ազգային փոխադրող ևս կարող է լինել։Հիշեցնենք, որ Միհրան Խաչատրյանը Քաղավիացիայի կոմիտեի նախագահ է նշանակվել հունիսի 17-ին։ Մինչ այդ նա զբաղեցնում էր նախագահի տեղակալի պաշտոնն ու նախկին նախագահ Տաթևիկ Ռևազյանի բացակայության ժամանակ կատարում էր նախագահի ժամանակավոր պաշտոնակատարի պարտականությունները։ Նա ունի ավիացիոն կրթություն` մասնագիտությամբ ավիակարգավար է, ինչպես նաև օդաչու։ Ոլորտում աշխատում է 1973 թվականից։Հավելենք, որ 2018 թվականի հուլիսի 10-ից կոմիտեի նախագահի պաշտոնը զբաղեցնում էր Տաթևիկ Ռևազյանը։ Նա 2022 թվականի հունիսի 13-ին ազատման դիմում է գրել։

https://arm.sputniknews.ru/20220613/qaghaviaciaji-volortum-tateviky-dzerqberumner-chuner-kartsum-en-pordzagetnery-43388443.html

2022

Լուրեր

am_HY

միհրան խաչատրյան, քաղավիացիա, քաղավիացիայի կոմիտե, օդաչու, հայաստան