Մահացել է ՌԽՖՍՀ նախկին պետքարտուղար, Ելցինի մտերիմ Գենադի Բուրբուլիսը

© Sputnik / Антон Денисов / Անցնել ֆոտոբանկՌԽՖՍՀ նախկին պետքարտուղար Գենադի Բուրբուլիսը
ՌԽՖՍՀ նախկին պետքարտուղար Գենադի Բուրբուլիսը - Sputnik Արմենիա, 1920, 19.06.2022
ՌԽՖՍՀ նախկին պետքարտուղար Գենադի Բուրբուլիսը. Արխիվային լուսանկար
Բաժանորդագրվեք
Yandex newsTelegram
Հայտնի պետական, քաղաքական գործչի մահն անսպասելի է եղել, քանի որ նա վատառողջ չէր։
ԵՐԵՎԱՆ, 19 հունիսի - Sputnik. 77 տարեկանում մահացել է ՌԽՖՍՀ նախկին պետքարտուղար, Ռուսաստանի նախկին նախագահ Բորիս Ելցինի մերձավոր զինակից Գենադի Բուրբուլիսը: Տեղեկությունը հայտնում է RT-ն ՝ վկայակոչելով ռուսական լրատվամիջոցներին։
Բուրբուլիսը մահացել է Ադրբեջանի մայրաքաղաքում, որտեղ մասնակցում էր Բաքվի 9-րդ գլոբալ ֆորումին։
Նշվում է, որ քաղաքական գործչի մահն անսպասելի էր, քանի որ նա հիվանդ չէր։
Գենադի Բուրբուլիսը ծնվել է 1945 թվականի օգոստոսի 4-ին Սվերդլովսկի մարզի Պերվուրալսկում։ 1973 թվականին ավարտել է Ուրալի պետական համալսարանի փիլիսոփայության ֆակուլտետը։ Նա խորհրդային և ռուս պետական հայտնի գործիչ է։ 1991-1992 թթ. զբաղեցրել է Ռուսաստանի կառավարության պետական քարտուղարի և նախագահի առաջին տեղակալի պաշտոնները:
Մասնակցել է ՌԽՖՍՀ-ի կողմից Բելովեժյան համաձայնագրերի ստորագրմանը: ՌԴ Պետական դումայի առաջին և երկրորդ գումարումների պատգամավոր է եղել (1993-1999թթ․): Եղել է նաև Նովգորոդի մարզի փոխնահանգապետ (2000-2001թթ․), Դաշնության խորհրդի անդամ տարածաշրջանից (2001-2007թթ․):
Լրահոս
0