https://arm.sputniknews.ru/20220620/aparanum-spanvatsneric-meky-qaghaqapeti-harazatneric-er-lusankar-depqi-vajric-43847092.html

Ապարանում սպանվածներից մեկը համայնքապետի հարազատներից էր. լուսանկարներ դեպքի վայրից

Sputnik Արմենիա

Կրակոցները, որոնք արձակվել են Նիգավանի աղբավայրի մոտ, լսվել են նաև գյուղում։ Գյուղի վարչական ղեկավարը վստահեցնում է, սակայն, որ միջադեպի մասնակիցներից ոչ մեկն... 20.06.2022, Sputnik Արմենիա

2022-06-20T18:49+0400

2022-06-21T13:53+0400

ապարան

սպանություն

կրակոց

աղբավայր

հայհոյանք

https://cdn.am.sputniknews.ru/img/07e6/06/14/43842020_0:73:1600:973_1920x0_80_0_0_8cf706acc1fab0d9bb527d86d253b590.jpg

ԵՐԵՎԱՆ, 20 հունիսի – Sputnik. Ապարան խոշորացված համայնքի կրակոցների դեպքի մասին Sputnik Արմենիային որոշակի մանրամասներ են հայտնի դարձել։Հաղորդել էինք, որ երեկ Ապարանում հնչել են կրակոցներ, որոնց հետևանքով 2 մարդ է մահացել, 4-ը վիրավոր են։ Կայքերում լուրեր էին շրջանառվում, թե դեպքի պատճառը ՀՀ վարչապետ Նիկոլ Փաշինյանին հայհոյելն է եղել։ ՔԿ-ն, սակայն, այսօր հայտնեց, որ դեպքը տեղի է ունեցել 2 վարորդների միջև` մեքենա վարելիս առաջացած խնդիրների պատճառով։Sputnik Արմենիան դեպքի մանրամասները պարզելու համար մեկնեց Ապարան։ Համայնքի ղեկավարն աշխատավայրում չէր։ Ապարանի համայնքապետարանում ասացին, որ վիրավորում ստացած և «Աստղիկ» ԲԿ-ում մահացած Տիգրան Հարությունյանն Ապարանի համայնքապետ Կարեն Եղիազարյանի հարազատներից է, և այդ է պատճառը, որ նա բացակայում է։ Ի դեպ, «Գնթունիք» սուպերմարկետից տեղեկացրին, որ Տիգրանն իրենց մոտ էր աշխատում։«Ապարան» ԲԿ-ի տնօրեն Հայկ Շմավոնյանը հայտնեց, որ երեկ երեկոյան ժամը 20-ի սահմաններում տարբեր վիրավորումներով իրենց մոտ է տեղափոխվել 5 անձ, ևս մեկը մահացած է եղել։«Երկու տղաների վիճակը ծայրահեղ ծանր էր, գիտակցությունը տեղը չէր` գլխի շրջանում էին վիրավորում ստացել։ Մյուս երեքի վիրավորումներն ավելի թեթև էին։ Մեզ մոտ առաջին բուժօգնություն են ցուցաբերել և ռեանիմոբիլներով Երևան տեղափոխել»,- ասաց Շմավոնյանը։Նշենք, որ տեղի բնակիչներն իրենց շատ զգուշավոր էին պահում և դեպքի, առավել ևս դրա պատճառների մասին նախընտրում էին լռել։ Ասացին` դեպքի հավանական պատճառների մասին մամուլից են իմացել, ամեն ինչ խառն է` ոչ ոք հստակ չգիտի ոչինչ։Ապարան խոշորացված համայնքի մաս կազմող Նիգավանի վարչական ղեկավար Արտաշ Գալստյանը վստահեցնում է` վիրավորներից և սպանվածներից որևէ մեկն իրենց համայնքից չէ, պարզապես աղբավայրը, որտեղ տեղի է ունեցել դեպքը, Նիգավան տանող ճանապարհին է։Դեպքի վայրում` Նիգավանի աղբավայրի մոտ, երեկվանից երկու ոստիկաններ 24-ժամյա հսկողություն են իրականացնում։Հիշեցնենք, որ ըստ քննչական կոմիտեի` հունիսի 18-ին, ժամը 22:30-ի սահմաններում, Երևանի 32-ամյա բնակիչը եղբոր հետ Ապարանում մեքենա վարելու ընթացքում ձայնային ազդանշան է տվել մեկ այլ մեքենայի, շրջանցել և կանգնեցրել այն, այնուհետև մոտեցել են վարորդին և մեքենան վարելու հարցի շուրջ վիճել նրա հետ, ինչին միջամտել են Ապարան քաղաքի մի խումբ բնակիչներ: Խոսակցությունը վերածվել է վիճաբանության, որը շարունակվել է Ապարան քաղաքի սկզբնամասում: Հաջորդ օրը երկու եղբայրները գնացել են Ապարան և ծեծել նախորդ օրը զրույցին միջամտած մի տղայի։ Երեկոյան էլ, հարցերը պարզելու ժամանակ, 32-ամյա տղամարդը կրակել է իրենց հետ վիճաբանող անձանց ուղղությամբ:Հիշեցնենք` Արագածոտնի մարզում տեղի ունեցած միջադեպի մասին երեկ ուշ երեկոյան հայտնեց shamshyan.com-ը։ Անմիջապես լուրեր տարածվեցին, թե ՀՀ վարչապետ Նիկոլ Փաշինյանին հայհոյելու համար վիճաբանություն է սկսվել մի խումբ երիտասարդների և ՔՊ-ական պատգամավոր Մաթևոս Ասատրյանի ու Արագածոտնի փոխմարզպետ Էդգար Փարվանյանի հարազատների միջև: Ըստ այդ լուրերի`վիճաբանության ընթացքում ՔՊ-ական պատգամավորների հարազատները ավտոմատներով կրակել են Փաշինյանին հայհոյած երիտասարդների վրա:ԱԺ ՔՊ խմբակցության պատգամավոր Մաթևոս Ասատրյանը գրառում արեց ֆեյսբուքյան իր էջում` վստահեցնելով, որ դա բացարձակ սուտ է և որևէ աղերս չունի իրականության հետ։Ոստիկանությունն էլ հաղորդագրություն տարածեց` ընդգծելով, որ միջադեպը քաղաքական ենթատեքստ չունի։Ըստ shamshyan.com-ի` միջադեպի հետևանքով մահացածներից մեկը 27-ամյա Հմայակ Միքայելյանն է, մյուսը` 28-ամյա Տիգրան Հարությունյանը։ Տուժել են 19-ամյա Տիգրան Ղազարյանը, 33-ամյա Արմեն Բաղդասարյանը, 27-ամյա Սամվել Սանդրոյանը, 18-ամյա Հրաչյա Երեմյանը և 32-ամյա Սասուն Հայրապետյանը։ Բոլորը Ապարանի բնակիչներ են։Նրանք Ապարանի հիվանդանոցում անհրաժեշտ բուժօգնություն ստանալուց հետո տեղափոխվել են Երևանի «Աստղիկ» և «Արմենիա» բժշկական կենտրոններ։Կայքի տեղեկություններով՝ Հմայակ Միքայելյանը ծառայում էր Նուբարաշենում տեղակայված զորամասում։

ապարան

Sputnik Արմենիա

media@sputniknews.com

+74956456601

MIA „Rosiya Segodnya“

252

2022

Sputnik Արմենիա

media@sputniknews.com

+74956456601

MIA „Rosiya Segodnya“

252

Լուրեր

am_HY

Sputnik Արմենիա

media@sputniknews.com

+74956456601

MIA „Rosiya Segodnya“

252

1920

1080

true

1920

1440

true

https://cdn.am.sputniknews.ru/img/07e6/06/14/43842020_0:0:1469:1102_1920x0_80_0_0_4db388b47823d956d142006f520c4521.jpg

1920

true

Sputnik Արմենիա

media@sputniknews.com

+74956456601

MIA „Rosiya Segodnya“

252

Sputnik Արմենիա

ապարան, սպանություն, կրակոց, աղբավայր, հայհոյանք

Ապարանում սպանվածներից մեկը համայնքապետի հարազատներից էր. լուսանկարներ դեպքի վայրից

18:49 20.06.2022 (Թարմացված է: 13:53 21.06.2022)

Ապարանի ցուցանակը - Sputnik Արմենիա, 1920, 20.06.2022

Կրակոցները, որոնք արձակվել են Նիգավանի աղբավայրի մոտ, լսվել են նաև գյուղում։ Գյուղի վարչական ղեկավարը վստահեցնում է, սակայն, որ միջադեպի մասնակիցներից ոչ մեկն իրենց համայնքից չէ։

ԵՐԵՎԱՆ, 20 հունիսի – Sputnik. Ապարան խոշորացված համայնքի կրակոցների դեպքի մասին Sputnik Արմենիային որոշակի մանրամասներ են հայտնի դարձել։

Հաղորդել էինք, որ երեկ Ապարանում հնչել են կրակոցներ, որոնց հետևանքով 2 մարդ է մահացել, 4-ը վիրավոր են։ Կայքերում լուրեր էին շրջանառվում, թե դեպքի պատճառը ՀՀ վարչապետ Նիկոլ Փաշինյանին հայհոյելն է եղել։ ՔԿ-ն, սակայն, այսօր հայտնեց, որ դեպքը տեղի է ունեցել 2 վարորդների միջև` մեքենա վարելիս առաջացած խնդիրների պատճառով։

Sputnik Արմենիան դեպքի մանրամասները պարզելու համար մեկնեց Ապարան։ Համայնքի ղեկավարն աշխատավայրում չէր։ Ապարանի համայնքապետարանում ասացին, որ վիրավորում ստացած և «Աստղիկ» ԲԿ-ում մահացած Տիգրան Հարությունյանն Ապարանի համայնքապետ Կարեն Եղիազարյանի հարազատներից է, և այդ է պատճառը, որ նա բացակայում է։ Ի դեպ, «Գնթունիք» սուպերմարկետից տեղեկացրին, որ Տիգրանն իրենց մոտ էր աշխատում։

«Ապարան» ԲԿ-ի տնօրեն Հայկ Շմավոնյանը հայտնեց, որ երեկ երեկոյան ժամը 20-ի սահմաններում տարբեր վիրավորումներով իրենց մոտ է տեղափոխվել 5 անձ, ևս մեկը մահացած է եղել։

«Երկու տղաների վիճակը ծայրահեղ ծանր էր, գիտակցությունը տեղը չէր` գլխի շրջանում էին վիրավորում ստացել։ Մյուս երեքի վիրավորումներն ավելի թեթև էին։ Մեզ մոտ առաջին բուժօգնություն են ցուցաբերել և ռեանիմոբիլներով Երևան տեղափոխել»,- ասաց Շմավոնյանը։

Директор МЦ Апаран Айк Шмавонян - Sputnik Արմենիա, 1920, 20.06.2022

«Ապարան» ԲԿ-ի տնօրեն Հայկ Շմավոնյան

Նշենք, որ տեղի բնակիչներն իրենց շատ զգուշավոր էին պահում և դեպքի, առավել ևս դրա պատճառների մասին նախընտրում էին լռել։ Ասացին` դեպքի հավանական պատճառների մասին մամուլից են իմացել, ամեն ինչ խառն է` ոչ ոք հստակ չգիտի ոչինչ։

Ապարան խոշորացված համայնքի մաս կազմող Նիգավանի վարչական ղեկավար Արտաշ Գալստյանը վստահեցնում է` վիրավորներից և սպանվածներից որևէ մեկն իրենց համայնքից չէ, պարզապես աղբավայրը, որտեղ տեղի է ունեցել դեպքը, Նիգավան տանող ճանապարհին է։

«Մեր գյուղացի ոչ ոք չկա, բոլորն Ապարանից են։ Գյուղում կրակոցներ են լսվել, ասում են` մոտ 10 րոպե է տևել ամեն ինչ, որից հետո բոլորը խուճապահար փախել են»,- ասաց Գալստյանը։

Դեպքի վայրում` Նիգավանի աղբավայրի մոտ, երեկվանից երկու ոստիկաններ 24-ժամյա հսկողություն են իրականացնում։

Նիգավանի աղբավայրի մոտ 2 ոստիկաններ հերթապահություն են իրականացնում։

1/4

Նիգավանի աղբավայրի մոտ 2 ոստիկաններ հերթապահություն են իրականացնում։

Նիգավանի աղբավայրը

2/4

Նիգավանի աղբավայրը

3/4

Նիգավանի աղբավայրը

Նիգավանի ցուցանակը

4/4

Նիգավանի ցուցանակը

1/4

Նիգավանի աղբավայրի մոտ 2 ոստիկաններ հերթապահություն են իրականացնում։

2/4

Նիգավանի աղբավայրը

3/4

Նիգավանի աղբավայրը

4/4

Նիգավանի ցուցանակը

Հիշեցնենք, որ ըստ քննչական կոմիտեի` հունիսի 18-ին, ժամը 22:30-ի սահմաններում, Երևանի 32-ամյա բնակիչը եղբոր հետ Ապարանում մեքենա վարելու ընթացքում ձայնային ազդանշան է տվել մեկ այլ մեքենայի, շրջանցել և կանգնեցրել այն, այնուհետև մոտեցել են վարորդին և մեքենան վարելու հարցի շուրջ վիճել նրա հետ, ինչին միջամտել են Ապարան քաղաքի մի խումբ բնակիչներ: Խոսակցությունը վերածվել է վիճաբանության, որը շարունակվել է Ապարան քաղաքի սկզբնամասում: Հաջորդ օրը երկու եղբայրները գնացել են Ապարան և ծեծել նախորդ օրը զրույցին միջամտած մի տղայի։ Երեկոյան էլ, հարցերը պարզելու ժամանակ, 32-ամյա տղամարդը կրակել է իրենց հետ վիճաբանող անձանց ուղղությամբ:

Հիշեցնենք` Արագածոտնի մարզում տեղի ունեցած միջադեպի մասին երեկ ուշ երեկոյան հայտնեց shamshyan.com-ը։ Անմիջապես լուրեր տարածվեցին, թե ՀՀ վարչապետ Նիկոլ Փաշինյանին հայհոյելու համար վիճաբանություն է սկսվել մի խումբ երիտասարդների և ՔՊ-ական պատգամավոր Մաթևոս Ասատրյանի ու Արագածոտնի փոխմարզպետ Էդգար Փարվանյանի հարազատների միջև: Ըստ այդ լուրերի`վիճաբանության ընթացքում ՔՊ-ական պատգամավորների հարազատները ավտոմատներով կրակել են Փաշինյանին հայհոյած երիտասարդների վրա:

ԱԺ ՔՊ խմբակցության պատգամավոր Մաթևոս Ասատրյանը գրառում արեց ֆեյսբուքյան իր էջում` վստահեցնելով, որ դա բացարձակ սուտ է և որևէ աղերս չունի իրականության հետ։

Ոստիկանությունն էլ հաղորդագրություն տարածեց` ընդգծելով, որ միջադեպը քաղաքական ենթատեքստ չունի։

Ըստ shamshyan.com-ի` միջադեպի հետևանքով մահացածներից մեկը 27-ամյա Հմայակ Միքայելյանն է, մյուսը` 28-ամյա Տիգրան Հարությունյանը։ Տուժել են 19-ամյա Տիգրան Ղազարյանը, 33-ամյա Արմեն Բաղդասարյանը, 27-ամյա Սամվել Սանդրոյանը, 18-ամյա Հրաչյա Երեմյանը և 32-ամյա Սասուն Հայրապետյանը։ Բոլորը Ապարանի բնակիչներ են։

Նրանք Ապարանի հիվանդանոցում անհրաժեշտ բուժօգնություն ստանալուց հետո տեղափոխվել են Երևանի «Աստղիկ» և «Արմենիա» բժշկական կենտրոններ։

Կայքի տեղեկություններով՝ Հմայակ Միքայելյանը ծառայում էր Նուբարաշենում տեղակայված զորամասում։